Oops! This site has expired. If you are the site owner, please renew your premium subscription or contact support.

HAKHOKHMA Post Post New Entry

Shabat zan leh chhuna Kidush leh Ruai

Posted by Moshe Ilan on July 1, 2011 at 1:55 AM

1.Shabat ni tihthianghlimna leh atana hun hmanna hi Torah atanga tihtur thupek ani a, 'Shabat ni chu i hre reng tur ani,' tih ziak angin, chumi awmzia chu 'Kidush' hmangin Shabat chu hriatrengna neih tur ani a. Shabat luhin 'Kidush' hmanga hriatrengna chu neih tur aniin, a chhuah hunah pawh 'Havdala' hmanga hritrengna chu neih bawk tur a ni.Tin, Khakhamim te chuan he a hriatrengna hmanna tur atan hian, a lawmluhna ah leh a thlah chhuahna ah te chuan Wine hmanga tih thin tur ani tiin dan an lo siam a.

 

2.Zan ala nih hma pawhin 'Kidush' chu hmangin chaw pawh a ei theih tawh a, amarawhchu, ni pangaia a hun taka Arvit tawngtai thin te tan chuan, Shabat niah chuan ti hma deuhvin, arsi lan hma darkar chanve atang chuan engmah ei thiang ani lova, chuvangin, zan thlen nan chuan darkar chanve aia tam a awm lo anih chuan, zan thleng chuan nghah tur ani a, tichuan, 'Kriat Shma' bung thumte chu an chhiar phawt anga , a hnuah 'Kidush' an hmang ang. 'Kidush' hma chuan tui tak ngial pawh engmah lo tem hmasak thiang ani lo a ni.

 

3.Wine hluia Kidush hman chu Mitsva ani a, chutiangin, Wine tha leh mawi tak thlan pawh chu Mitsva ani. A theih hram chuan, Wine sen (Yian Adom) hmanga he Mitsva hi tihmawi zual tur a ni a, Wine Kosher tha hmuh lohna hmun angah chuan Grape rah ro (tsimukim) chu wine a siamin Kidush nan a hman theih bawk a, 'Vaikhulu' chu ding chunga sawi tur a ni a, chumi hnuah Shabat mei chhit (ner) chu enin, chumi hnuah chuan thut tur a ni, tin, Wine no chu en chungin 'Bore peri hagefen' sawiin Brakha (malsawmna) a pe anga. Tin, Wine a neih loh chuan, Chhang hmangin Kidush chu a hmang ang, intur dang hmang lovin.

 

4.Hmeichhia te pawhin 'Kidush' hi an hmang ngei tur a ni a, chuti anih avangin, 'Kidush' lai chu tha deuhvin angaithla anga, a zawhah 'Amen' a pe ang. Mahse, 'Barukh hu uvarukh Shmo' tih chu a ngaithla tute chuan an lo sawi tur ani lo. Tin, mipa naupang kum 13 mi chu a puitlin lanna hmul pahnih a to tawh tih hriat loh chuan nu te chu a 'Kidush' sak thei lovang. Chuvangin, nu chuan ama pualin a 'Kidush' mai tur a ni, Kidush dan a thiam loh chuan, naupang rual chuan 'Kidush'na thumal tinte chu sawi vein a hmang ang. Tin, a pasal emaw mi dang Kidush a ngaithla anih pawhin, a thumal tinte chu a lo sawi ve chu thil dik zawk ani.

 

5.Wine chu chhiain alo thur anih chuan, chumi hmang chuan 'Kidush' loh tur a ni a, thura chhia ni kher lo mahse, wine chuan ama rim tur pu lovin, arim chu lo danglamin a dahna bur emaw avangin a rim chu tlem pawhin lo chhe ta se, chumi hmang chuan 'Kidush' loh tur a ni.

 

   Tin, wine chu chhin lohvin darkar engemaw ti chhung a lo awm pawhin chumi hmang chuan 'Kidush' thiang ani lova, Wine ah chuan chhangphut alo awm palh chuan thlitfimin 'Kidush' ahman pui theih a, amaherawhchu, a chung langah chuan hamda var a awm hman erawh chuan, Kidush hmanpui thiang ani lo.

 

6.Wine chhum tawh ang leh, wine khawizu tel ang te chuan Kidush hman theih ani a, amarawhchu, chutiang wine chu Maicham (Mizbeakh) a hlan atan a tlak loh avanga hman thiang lo ti pawh an awm a, chuvangin, a theih hram chuan, chutiang ang lo wine tha hman hram tum tur ani.

 

7.Wine no chu tluantling leh fai ani tur ani a, chu no chu 'Birkat Hamazon' atan pawh hman tur a ni a, tin, zan Kidush na no leh zing Kidush na no te awm hrangin, chutiangin, Havdala no te a awm hrang bawk a, zan Kidush na no chu alian a tha a, zing leh Havdala thlenga a bang a awm theih nan a ni.

 

גנספריד - קיצור שולחן ערוך השלם סימן אז

Categories: Halakhot, Juda dan, Shabat

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments