HAKHOKHMA Post Post New Entry

Birkat Hagomel

Posted by Moshe Ilan on June 17, 2011 at 4:05 AM

1.Thil chi li ah lawmthusawi ngaihna a awm a, chungte chu; Tuipuia zin chhuak ten an tum ram an thlen hunah, Thlaler pal tlang ten, Kawng hlauhawma kala an tum ram thleng ten, tin, Hlauhawmna hrim hrim pal tlang ten, hetiangin; bangin a tlak ten, bawngin a sik ten, tin, suamhmang leh misual a tawh palha a himchhuah ten.

 

    Tin, mi chu hlauhthawnawm khawpa a damloh ten, hetiangin; nau a neih te, ni thum chhung khum beta a nat hnua tha taka kal leh theia a dam hnuah te, tin, pawisa chungchang mai mai vang pawha Lung in a tan chhuah hnuah te, chung zawng zawngte chu a tawi zawngin, Damlo, Hrehawm tuar, Tuipui, Thlaler, te an ni.

 

    Heng a tawn zawh hnu hian 'Birkat Hagomel' chu a sawi thin tur a ni, 'Barukh Ata Ado'.. Elokeinu Melekh Haolam Hagomel Lekhaiavim Tovot Shegmalani Kol Tuv' tiin, tin, he a Brakha sawi ri hria te chuan, 'Mi Shegmolkha Tov Hu Igmolkha Kol Tuv Sela' tiin.

 

2.He Brakha hi amah tiam lohvin Juda mipa sawm awmnaah a sawi tur ani a, chung zinga mi pahnihte chu Hlakhot thiam tak 'Talmidei Khakhamim' an ni tur ani a, amarawhchu, Tlamidei Khakhamim an awm loh pawhin a sawi thei tho bawk.

 

    Torah a chhiar zawha a Brakha hnuhnung zawk a sawi zawhah sawi thin ani a, he 'Birkat Hagomel' hi a sawi angaih atanga ni thum chhungin a sawi hman tur a ni a, chuvangin, Torah chhiara a lawn theih loh lai a'Shiva' thut lai anih chuan, Torah a chhiar theih hun nghak lovin, a sawi vat tur a ni. He Brakha hi ding chungin a sawi tur ani a, tin, ni thum a ral hnuah pawh a sawi thei tho bawk.

 

 

3.Engemaw a chunga thiltihmak thlengin hlauhawm a pumpelh emaw ten, lawmthu sawi nan a phak tawk 'Tsedaka' te a pe thin tur ani a, pek pah chuan hei hi sawi tur ani a'Hareini Noten Maot Elu Litsdaka, Vihi Ratson Shetehe Nekhshav Ke'ilu Hikravti Toda' tiin, tin, kum tin hemi ni hian P' hnenah lawmthu sawiin a chunga thil thleng te chu a sawi chhuak thin bawk ang.

 

Categories: Halakhot, Juda dan, Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments