HAKHOKHMA Post Post New Entry

Lag BaOmer

Posted by Moshe Ilan on May 19, 2011 at 9:05 PM

ל"ג בעומר

    Rabi Akiva zirtir mi 24000 te zinga thihna hri leng chu hemi ni Yiar ni 18, Omer chhiar vawi 33 na ni hian a lo kiam ta a, hemi chungchang hi Ashkenazim ho chuan hemi ni hian thihna chu tawp tawh mahse, Sivan ni 1 thleng chuan hrileng chu ala awm reng an tih vangin Sivan thla thar ni thleng chuan Lusunna angin an la hmang a, Sfaradim ho chuan Lag BaOmer ni hian a tawp chiah an tih avangin a tuk Lad BaOmer (omer 34) chhun thleng chuan Sam leh hmul pawh an la met thiang lo a ni.


   Hemi chungchangah hian Motsaei Shabat a Lag BaOmer chu a tlak  chuan Ashkenazim te chuan Yom Shishi chawhnu atangin sam an met thei tawh a, Sfaradim te chuan Yom Sheni chhun atang chauhvin an met tan thei a ni.


    Tin, hemi ni hi Zohar bu kan neih theih nachhan Tana Hakadosh Rabi Shimon Bar Yokhai-a thih ni a ni a, Lal Shlomoa'n a lo sawi angin, 'Ner Mitsvah- Torah Or' atih angin, Torah thuruk tam tak hre tu Rabi Shimon Bar Yokhai-a puala Ner Neshama atan Meipui chhem thin a ni a, chuvangin, kan meichhem te chu Ner Neshama ang anih avangin, a Meipui chhungah hian tumahin sa leh alu tih vel chu rawh tur ani lova, kan duh anih chuan eitur rawhna bik a hran kan siam tur a ni.


     Fimkhur takin meipui kan chhem theuh dawn nia.



________________________________________________________________________________

Rabbi Shimon Bar Yokhai-a Chanchin

By- David Hnamte


    Omer chhiar vawi 33-na Lag B’Omer ni hian Israel mipui sangtam tak te chu Meiron tlang a Rabbi Shimon Bar Yokhai-a thlanah an kal mup mup \hin a, naupang kum thum tling thar te sam mehna te neih \hin a ni.


    Rabbi Shimon Bar Yokhai-a chanchin hi ngaihthlaknawm tak tak a tam a, Torah zir ngaina >m >m a ni a, chung zing a pakhat chu i lo thlir ho teh ang u:- Vawikhat chu Rabbi Shimon-a hian fiamthu ti tak deuh hian a \ hiante hnenah ti hian duhthu a sam pek a- “ Lapa Pa-thian in kan Pu Mosia-a Sinai tlang a Torah a dawn tir lai khan awm ve na ila aw Lalpa Pa-thian hnenah chuan, ‘Lalpa, mihringte hi Ke pahnih nei, Ban pahnih leh Mit pahnih, chutiang zelin Beng pawh pahnih neiin i siam si a, K^ pawh pahnih neiin siam law law ta che’ ka ti ngei ngei ang” a ti a. A \hiante chuan nui hawk hawk chung hian, “Mai mai \hin che hian aw!! K^ pahnih chu eng atan nge i tih zo zai a?” anti a. Rabbi Shimon Bar Yokhai-a chuan, “ E le, mihringte hian K^ pahnih nei ta ila chuan chhum lo chat lovin Lalpa Torah thianghlim kan zir thei ang a, thil kan ei lai tak ngial pawn chawlh ngai lovin K^ pakhat in chaw kan ei ang a, Kan K^ dang leh in Torah kan zir nghal char char thei dawn a lawm, tichuan engtiklai pawn Lalpa Torah thu chu mihringte hian kan lo zir thei dawn a ni” tiin a \hiante chu a chhang a.


    A tukah chuan Rabi Shimon Bar Yokhai-a leh thiante chu an in kawm ho leh a, Rabbi Shimon Bar-Yokhai-a chuan a thiante hnenah chuan, “Nimin a ka duhthusam ‘mihing hian K^ pahnih nei ila‘ ka tih kha a \ha ka ti leh lo” a ti a. A\hian te chuan, “ Engati leh ta thut nge K^ pahnih nei chu a \ha i tih tak loh mai a?” anti a. Ani chuan, “E khai, kan ngaihtuah chiang a, mihringte hian kan K^ pakhat pawh hi Lashon Hara sawi na lak ah kan veng seng lo a ni si a, K^ pahnih chu nei phei ila chuan kan in rel nasa lutuk ang, kan unaute lakah Lashon Hara kan sawi hnem lutuk ang, a tha ka ti leh lo” tiin a chhang a.

Source: Or Menashe (20/5/2011)


------------------------------------------------------

 

Tunge R. Shimon-a chu:  (by David Bar Sela)


-Rabbi Shimon Bar Yokhai-a hi Yokhai- a leh Sarah i te fapa neihchhun a ni a, kum 12 chuang an inneih hnuah pawh fa an la neih loh fo avangin Yokhaia chuan a nupui duhtak chu then mai a, nupui dang laka fa neih a châk ta êm êm a, Juda danah chuan kum sawm inneih hnu pawh a an la chin fo chuan midang laka chî thlah turin an in tha then thei a ni.


 

Yokhai-a mumang:

-Yokhaia chuan a nupui Sarai chu then a tum ta a. Sara in Yokhaia thuthlûkna siam a hriat chuan a lungngâi ta em em mai a, zankhua in Lalpa Pa-thian hnenah tawngtaiin zanmu chhîn zai pawh rel thei lovin tlaivarin a tap ta hawm hawm mai a ni. Chutih lai chuan Yokhaia chuan mumang a nei a, a mumangah chuan thei huan pakhatah hian a lo awm a, thei te chuan rah tha tak an chhuah a, chung thei kung hring hlep hlep karah chian theikung pakhat ro rim rem, rah chu sawi loh hrinna reng neilo theikung pakhat hi a awm ve a, chu theikung chu Yokhaia chuan a thlir reng lai chuan Van atangin Vantirhkoh pakhat hi bel a tui kengin a rawn chhuk thla a, chu theikung ro rim rem chu bel tui a a han leih nâk chuan thawk lehkhatah a lo hring ta dep dep a, rah tha leh lian tak takin a rawn chhuah ve ta a, a kiang vel a theikung dang zawng aiin a rah te chu an tha zawk fê a ni.


Yokhaia chu a thang harh zawk a, a mumang chungchang sawi pui turin R. Akiva a pan ta nghal a, a mumang awmzia a hrilh chuan R. Akiva chuan a mumang awmzia chu a hrilhfiah sak ta a, 'Thing ro rim rem chu i nupul Sarai a ni a, a ching avangin a lunngâi thei êm êm a, zantin fapa dilin a tap thin a ni. Van atanga Vantirhkoh in tui bel a a chawi tui chu Sarahi mittui niin fapa dil a atahna mittui ngei chu a ni. Tichuan Vantirhkohin Sarai tui a pe tawh a, fapa dil a a tahna chu chhan a awmin fapa khawvel entu tur a nei dawn a, a vela mite chung lam a leng tur fapa pekin i awm dawn a nih chu' tiin a lo chhang a. R. Akiva a hrilhfiah ang tak chuan a hnu kum khat naah chuan fapa duhawm tak Shimona chu annei ta a ni.


 

Rashbi:

-Rabbi Shimon Bar Yokhaia Hming hi a hming bul hawrawp zel lakin Rashbi tih a chhuak chiah, a hming lamtawi a kohnan Rashbi tiin a sawi bawk thin a ni. Rashbi a pianlai hian a hmel a êng pûp a, a ênna chuan an in chhung leh a vel te chu a chhun êng vek a ni.


 

Rom râl an lian:

-Rashbi hunlai hi Rom hovin Jerusalem an awp lai hun a ni a, kum 2000 kal ta vel hunlai kha a ni. Rashbi hi R. Akiva a zirlai niin Rom hovin Torah zir khapna dan khauh taka an lekkawh lai pawh a Torah dan kalpui tang tangtu R. Akiva a zirlai panga te zinga pakhat a ni pha a. Anu in a manga a lo hmuh lawk tawh ang ngeiin Rashbi chu a hunlai a Rabbi lian leh ropui tak a ni phâk a ni. Vawikhat chu R. Yehuda leh R. Yosi-a te nen hian Rom ho chungchanga an ngaihdan sawi in an titi a, R. Yahuda chuan Rome hovin thil ropui tak an siam a, khawvel tana changkanna an thlen chu Israel mite leh Israel ram tan pawh atangkai zia sawiin Rom ho chu a fak a, R. Yosi a chu a ngawi reng a, chutah R. Shimona chuan 'Heng an thil tih reng reng te hi anmahni ropui nan chauh a ti anni a, Israel ram te chu Lalpa Pa-thian chauh lo chuan an siam tha theilo reng reng tiin Rom ho thil tih chu a sawisel thung a. Vanduaithlak takin an thu sawi chu Rom Sipai pakhatin a lo hre ru tlat mai pek a, thil awmzia chu lal hnenah a thlen var a, lal in a lo hriat chuan a thinrim ta em em mai a, Rashbi chu that turin thupek a chhuah ta nghal a ni. R. Yosi a chuan engmah a sawiloh avangin Israel ram atangin an hnawtchhuak a, R. Yahuda chuan a fak avangin chawimawina a dawng thung a ni.


 

Tlanbo a ngai:

-Rashbi chu that tur a tih a lo nih takah chuan a fapa R. Eliazera nen an tlanbo ta a, a tirah chuan khawdaiah an biru zak zak a, Rashbi nupui chuan ei leh in tur te a pe ru thin a, mahse nikhua a lo rei chuan Rom ho chuan thil awmdan an lo hre chhuak leh ta a, a nupui chu manin a pasal tlanbona chu an zawt ta a. Ani chu an tang viau dawn na a an dawp nat tak em avang chuan a sawilo thei ta lova, an awmna Rom hovin an hrechhuak tih an hriat rual rualin Rashbi leh a fapa R. Eliazera chu Pakayin tlang lamah an tlanbo ta a.


 

Pûk thimah:

-Chu lai hmun pakhat an thlen lai chuan Lalpa'n thilmak tiin Pûk nuam deuh a awm tir a, Pûk kiangah chuan Zawngtah thlum (Kharuv) a to tir a, fiara tui thiang leh tui tak a luantir ta bawk a. Chumi ring chuan Rashbi leh a fapa chuan Kum sawm leh pathum ngawt engdang ti lovin Torah thu an zir nitin thin a ni. Kawr hakthlak anneih loh avangin Puk chhungah chuan a leivum in an nghawng thleng an khuh a, an kawr chi an khai a, tawngtai hunah chauh an thawmhnaw chu an ha thin a ni!


 

Kum 12 hnuah chuan:

-Kum sawm leh pahnih zet puk chhunga an bikbo hnu chuan amah that duh tu Rom lalpa chu a boral ta a, Rashbi leh a fapa chuan haw zai an rel ve ta a. Puk chhung atang an chhuah hnu chuan kawng lakah Lo neituten an lo an vat a, an tul êm êm lai hi an hmu a, chutia Torah zir lova khawvel tisa thil mai mai tihnan a miten an hun an khawral thin tih a hmuh chuan Rashbi chu a in sum zo ta lova, a Torah thiamna leh thil tihtheihna hmang chuan a meialh a siam chhuak a, a melhna lai apiang chu an lo kang ta hluah hluah mai a ni. Chutih lai tak chuan Van atangin aw in a zuk kova, ' Nang Yokhaia fapa, ka khawvel siam tichhe tur hian em ni.puk chhung atanga i lo chhuah, thla sawm leh pahnih dang zu awm leh rawh' a rawn ti ta a. Rashbi leh a fapa chu puk lamah chuan an let leh ta hna hna a. Kum khat hnuah chuan lo chhuak leh in a makpa R.Pinkhas Ben Yair an a lo hmuak a, Rashbi chu bual inah hruaiin a bualfai nghal a, Rashbi taksa te chu leiin a dehna avang chuan an duk thlerh thlurh a, a thenlai phei chu an pil phengphung a ni. R. Pinkhas a chu a tap chhuak hawm a, Rashbi chuan, ' Tap ma che maw, hetianga ka nunna ka hlan avang chauh hian a ni Zohar Bu kan neih phah ni' tiin a hnem a.


 

Lei chu leiah:

-Rashbi hi Torah thuruk hrilhfiahna leh Juda te rinna kawng a kawh hmuhtu lehkhabu Zohar ziaktu a ni a, a thih dawn pawhin a In leh a vel chu meialh in a hual vel chiam a, chuvang chuan Lag Ba'Omer ah meipui kan lo chheh phah ta a ni. A thihni a hlimna lo siam daih chu awm lo viau maithei a, mahse Rom laka Lapan a chhanchhuah vanga a dam hun chhung tur a hman ral theih phahna ringawt pawh hi lawm tlak a tling tawh a, hetia lei lam a Torah thiam mi ropuite an boral hian Van lam tan chuan lawmna nasa lutuk a ni a, Vanah lawmna ruai buatsaih in an ri luih luih thin a ni. Van mite an lawm laia Lei miten lusun a rem tlat lo! Chuvangin kan lawm a, Chadikkim hote thlan reng rengah chuan Tuma a awm ve lova, tawngtainan kan hmang zawk thin a ni. A thih dawn a mei in a hual velna chhan hi an sawi dan chuan a thih hma ngei a Torah thuruk zawng zawng chu a zirlaite hrilh a tum a, a zirlai zinga pakhat R. Abba chu a thusawi ziak turin a ti nghe nghe a, mahse Rashbi hmel eng lutuk chu tuman an hmu ngam lova, tin, amah chu anhnaih theihlohna turin meialh in a veng tlat a ni! Meialh te chu an kiam hnu chuan Rashbi chi Tallit puan sin in chhuatlaiah chuan a lo let bam a, he khawvel hrehawmna hnutiang chhawn turin a lei taksa chu a siamtu a pe kir leh ta a ni.


 

Thu tlang chu kawm lo mai ang:

-Rashbi chanchin hi ngaihthlaknawm tam tak a awm a, tun tum a mi hi Phone atanga ka type a ni a, a hahthlak dangdai duh khawp mai!! Tribal kephah hlai ho hi kan kut phah pawh a lo hlai tel ve tho chu niin, Kut zungtanga han hmeh kheuh kheuh chu harsa tak a ni! A ni lo lo a lo kawk kual thin a!!


Categories: Judaism, Khagim, Kut ni te

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments