Oops! This site has expired. If you are the site owner, please renew your premium subscription or contact support.

HAKHOKHMA Post Post New Entry

Parshat Devarim

Posted by Moshe Ilan on May 17, 2011 at 10:25 AM

 פרשת דברים  Deuteronomy 1;1-3;22

  Devarim bu chu Torah bu then hrang panga te zinga a tawpna ber a ni a, tin, 'Mishne Torah' ti a koh a ni bawk, hei hi a chhunga thu awm te zira he hming hi pek a ni. Devarim buah hian Torah a Mitsvot (thupek) kan hmuh 613 te zinga hmun thuma thena hmun khat lai mai Mitsvot 200 lai a awm a, Rambam chuan he lehkha buah hian Moshe Rabeinu chuan chhuan thar Israel fate chu Israel an luh huna tangkai tur Mitsvot ho a zirtir deuh ber ani, ati a.


   Enthla tute hun hma lamah khan Mitsvot tam zawk te leh Mitsvot zawng zawng deuh thaw te chu Israel mipuite hnenah hian pek a ni tawh a, chuvangin, he lehkhabu ah hi chuan Moshe Rabeinu in a zirtir chhawnna bu anih ang deuhvin, "P-thian chuan Moshe-a hnenah heti hian a sawi a", tih emaw, ''Israel fate chu bia la'', tih vel engmah a inziak ve lo a ni.


   Rabi Yehuda Leiv (Baal Sfat Haemet) chuan Sefer Dvarim chu Tefilin ban a zem nen a inang deuh a ni, ati a. Tefilin ban a zem chuan Tefilin Parshiot zawng zawng te chu in khatah a dah khawm a, chutiangin, Lu a zem Tefilin chu Torah bu 4 dang nen an inang leh a, Lu a zem Tefilin-ah chuan Tefilin Parshiot 4 te chu in 4 ah an in khung hrang hlawm a, chutiang chiah chuan Torah chhunga bu hrang 4 te chu Lehkhabu hran theuhva inrem hrangin, chung bu 4 te ami Mitsvot te khaikhawmna chu he Dvarim bu hi ban a zem Tefilin ang chuan ani a ti.


   Parshat 'Dvarim' hi Tisha Beav thlen dawn Shabat hnuhnung berah kumtin chhiar thin a ni a, hei hi eng vang kher nge kan tih chuan, he Parasha hawnna ah chuan Moshe Rabeinu chuan Thlalera thangthar te hnenah chuan, an pate'n ram an enthlak naa an va hmuh, kan pute hnena pek alo tiam tawh ram chu a thalo zawnga an sawi avanga, a loh thlawna a zan a zan chuan an tah tak chiam avanga, an mahni Mitsraim atanga kal chhuak te chunga thil thalo tak lo thlen phah tak, an zavaia thlalera an thih phah tak vel chungchang chu a hrilhna chang a awm vang ani a.


  Kan Khazal (mifingte) te chuan hetia P' in Mitsraim atanga chhuak te chunga thi vek tura thu a tihtluk zan hi Tisha Beav zan chu ani , an lo ti a, chutiang ang chuan Masekhet Taanit (כ"ט, ע"א;) ah kan hmu a, Number-14;1 "chumi zanchuan a hnam pum chuan an tap a" tiin, chu zan chu, Tisha Beav (Leil TishaBeav) chu ani.


  Lalpa P' chuan Israel te hnenah chuan heti hian a sawi a, "A lohthlawnin in tap elo maw? Min ring tawk lovin, In luah atana ka tiam leh pek tawh cheu Kanaan ram chu, selin in tap a maw? Chuti anih chuan, chhuan lo awm leh zel tur te tah kum tin tawhna turin ka raut sak a che u, hemi ni hian Beit Hamikdash (Temple) chu tihchhiatin a awm ang', ati a, chutianga a sawi ang chiah chuan hemi Tisha Beav (Av thla ni 9 na)  ni chiah hian Beit Hamikdash 1na leh 2na te chu an lo tlu chhe ve ve ta chiah reng a, chutiangin, he Beit Hamikdash chhe ta sunna atan hian kum tinin he Tisha Beav ni hian chaw ngheiin tahna ni atana  hman kum tin a lo nita ani.


    He Parasha chhiar Shabat ni hi 'Shabat Khazon' tia koh ani bawk a, hei hi Maftir chuan Haftara ah Zawlnei Ishaia bu chhiarin a bul tan naah "Khazon Ishaiahu ben Amots" (1;1) tih chu chhiar anih avang a ni.


    He zawlneihna thuah hian Ishaia chuan Jerusalem chung chang thu chu sawiin "Eikha" (eng tin nge) (1;21) tiin, a sawi a,  chutiangin, Dvarim(Deut')1;12 ah pawh chuan Moshe pawh chuan "Eng tin nge" (Eikha) tiin a lo sawi ve bawk a, tin, Beit Hamikdash 1na chhiat dawn tumin Zawlnei Yirmiahu pawh chuan a tah hla ah 'Eikha' bung 1;1 naah "Eng tin nge" tiin a lo sawi ve bawk ani.


    Chutiang ang chuan heng thumal 'Eikha'  "איכה" tih te hian inkungkaihna neiin Tisha Beav zanah Jeremia tah hla hi chhiar thin niin, a hma Shabat ni pawh chuan Moshe Rabeinu leh Zawlnei Ishaia ten "Eikha" tih an sawi chungchang thu te chu chhiar thin a lo nita a ni.  

Categories: Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments