Oops! This site has expired. If you are the site owner, please renew your premium subscription or contact support.

HAKHOKHMA Post Post New Entry

Parshat Korakh

Posted by Moshe Ilan on May 17, 2011 at 9:50 AM

פרשת קורח

    Kum 40 chhung Moshe Rabeinu chuan Israel fate Thlalera a hruai chhung hian harsatna eng eng emaw a tawk hlawm a, amaherawh chu tun kan Psrasha ang em a ama mimal nihna thleng thleng a harsatna an siam sak ang hi hmun dangah hmuh ani lova, kan Parasha ah hian Kora leh a thuihhruai ten Moshe Rabeinu chu an phiarrukna leh an chona kan hmu a, Kora hi Moshea pate Itshara fapa ani a, Reuvena tupa te pahnih Datana leh Avirama nen mipui zinga puipa deuh deuh 250 te hruaiin Moshe Rabeinu te unau chu heng mipuite hmaah hian elsen takin an va cho anih kha, datana leh Avirama te hi Moshe rrabeinu do thin em em tu an ni a, Mitsraim ram ata Moshea hial Pharoah hnena hek tu an niin an mahni 2 te vang hian a nunna chhanhim nan a tlan chhe hial a, tin Mitsraim atanga an chhuah atanga ni 7 ni a Pharoah sipaite ral khat atanga an hmuh a mipuite hnenah Moshea hian tuipui kama thi turin anih hi min hruai chhuah titute kha an ni bawk a, tin thlalera Mana a tlak lai pawh khan Moshea thu ngai pawimawh lova atuk atana lo lak kep luitu te kha an ni bawk a, Thlalera mipuite phunnawina ti chhuaktu 'hawh u hotu i siam ila, Mitsraim ramah i kir leh ang u' ti tute kha an ni bawk a ni, tin Korakh leh a pawlte hruai kawitu leh thlem tu ber pawh an unau hi an ni.

 

    Parshat 'Korakh' ah chuan 'Vaikakh Korakh' (Korakh-a chuan a laa) tiin a intan a, hemi hi kan mithiam ten an hrilhfiah naah chuan, Korakh-a chu Torah mithiam chhungkua, fing leh hausa ami a nia, tin, amah hi a hun lola kal zel turah Juda te hruaitu ropui tak la ni tur ani a, amaherawhchu, a duhthawhna leh ama inchhuanna chuan, ama hun tur dik tak lo thlen hun tur chu nghak zo lovin, amah leh amah chu thuihhruai te lain a indah chungnung taa, chuvangin Juda dana thu vawn pawimawh tak pakhat 'mida keneged mida' (mahni thil tih ang zela rah seng) chu a chungah alo thleng taa, chuvangin, Lei pawh chuan Korakh thih huna an phum hun tur pawh chu nghak ve zo lovin, ahun hmain Korakh chu a lo lem ta a ni.


      Rabeinu Khaim Ben Atar chuan heti hian a sawi a, "Kan Parasha hawnnaa mi pawimawh tak tak Itshar, Kehat  leh Levi-a te hming alan ang hian, Korakh chuan hmelhriat tha tak tak leh lam tang mi pawimawh tak tak vantlang hriat mi 250 lai a nei a, chung hote lamhnai nihna hmang chuan Israel fate hruaitu ropui Moshe leh Aharon-a te a hnialin a khing ngam phah ta a, amaherawhchu, athiltih chuan Israel fate zingah innghirnghona a tihchhuah phah tak avangin, mi sing khat leh sang nga lai mai an thih phah ta a, hei hian 'musar haskel' (zir tur) pawimawh  tak min zirtir a, chu chu, kan chhungkaw hun vang emaw, hmelhriat tha leh mi pawimawh te thian ka neih vang leh, Rabi emaw milian fa emaw ka nih avanga, chu ka nihna chawi chu keima mimal intih muk nan leh in vawrh emaw nana kan hman vaih chuan, chu chu kan tan thang hlauhawm takah a chang thei ani tih hriat tur a ni a, chutianga mahni insiam chu mi tak ni lovin, mi suaka insiamna thang hlauhawm tak ani".

 

Categories: Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments