Oops! This site has expired. If you are the site owner, please renew your premium subscription or contact support.

HAKHOKHMA Post Post New Entry

Parshat Shlakh-Lekha

Posted by Moshe Ilan on May 17, 2011 at 9:50 AM

פרשת שלח-לך

    Rabi Itskhak Elkhanan Spektor, Kovna ami chuan a zirtirte hnen ah heti hian a sawi a, 'kan parsha hi chhiar u la, Israel hnam leh Ramthianghlim dodal zawnga chet hi thilsual lian anih zia hmu rawh u' tiin, P-thian chuan ami Israelte chungah zah ngaiin Bawng no lem an biak sualna te chu a ngaidam a, thlaler ah van atanga chaw a thlawna an dawn chu ningin Mitsraim (Aigupta) Sa bel an ngaih zawkna sualna te chu a ngaidam bawk a, Kora leh a pawl te sualna lak ah ami Israel te chu a ngaidam bawk a, amaherawhchu, Ram enthlatu ten Israel ram Lalpa P-thian'in kan pute hnena alo pek ram erawh an sawi chhiatna a ngaidam lovin, he enthlatu ten Ramthianghlim an sawi chhiatna sualna avang erawh khan Thlaler ah Mitsraim atanga chhuak te chu a tihlum ta vek ani kha. P-thian chuan amah leh mihring te inkar thu chu a ngaidam theiin, mihring leh mihring inkar te pawh a ngaidam thei a, amaherawhchu, a ram, kan phu vang nilo, kan pute thatna avanga an fate tana a lo tiam sak ram erawh chu a roh zia kan hrethiam theiin, he Israel ram hi engti kawng zawng maha sawi chhiat thian anih loh zia a lang chiang hle a ni, chuvangin, Israel ram ah hian kan phu vang ni lova awm ve thei kan ni tih kan hriat chian hle hi a thain, i sawi chhe ṭih hle ang u.

     

   Parshat 'Shlakh Lekha' ah chuan, Moshe Rabeinu chuan Ram enthlatu tur te a tirh chhuah thu kan hmu a, hetah hian Moshe Rabeinu hian a hmain P-thian hnen ah an va luhna tur Kanaan ram chu va enthla tur chuan a dil a, thil chi hrang hrang va thlithlai tur awm mahse Moshe Rabeinu hian a hriat duh tak chu Kanaan ram ah chuan Job-a (Yov), mifel chu ala dam em? tih a hre duh a ni, hei hi a mi tirh te hnen ah chuan eng emaw chhinchhiahna hmangin a zawt a, chu chu Bamidbar 13;20 ah  "Thing chu a awm em?" (Hayesh baets) tiin, va thlithlai rawh u ati a ni. Achhanchu, an va hnehlak tur ram ah chuan mifel Job-a chu alo la awm anih chuan, ama ṭhatna a zar chuan ram chu an luh theih rih lohna turin harsatna a awm a hlauthawng a ni.


   Kan Parasha hawnna ah hian P-thian chuan Moshe Rabeinu hnen ah chuan nangman va tir rawh tiin, 'Shlakh' (tir rawh) ti mai lovin, 'Shalkh Lekha' I tan va tir rawh' , ati kher a, hetah hian, P-thian chuan Enthlatu te tirh hi a duh vak lo tih a hriat theih a ni, achhanchu, enthatu te tih thumal hi 'Meraglim' tih ani a, tin, an va en thlithlai tur sawina chu 'Veyaturu' tih ani bawk a, hei hi, Bereshit 42;9 na ah chuan kan pu Yosef-a chuan a unau te hnen ah Ram ruah zia enthla turin in lo kal ani maw tih a sawina ah khan 'Meraglim' tih hi a lo hmang tawh a, chutiangin, Bamidbar 15;39 ah 'In thinglung lam chu zuiin kal suh u', tiin, 'Taturu' tih a hmang a, hetah hian P-thian chuan Israel fate a vaukhanna thu hman nan a lo hmang tawh bawk a ni.


   Chuvangin, P-thian chuan hetianga enthla tute tirh hi a duh lo a ni, mahse, 'Latur' (zin chhuaka kal) tih pawh hi a ṭha zawnga sawina a awm thova, hetiangin, Bamidbar 10;33 ah 'an tana innghah nana hmangin an kal a' tiin kan hmu a, chuvangin, P-thian chuan Moshe Rabeinu hnen ah chuan "I duh leh I tan va tir rawh khai" tia a sawina ah pawh hian, P-thian chuan 'Leragel' (enthla turin) tih thumal chu hmang lovin, 'Veyaturu et haarets' (ram chu athatna va hmu turin va kal rawh se) tiin, tawngkam a hmang ta a, mahse, Moshe Rabeinu va tirh zinga 10 te chuan an thlarau san tawk loh avangin a chhe zawngin an rawn thlen ta a ni.


   Hetia ram enthla tura tirh chhuah te hi Israel hnam tina an puipa leh aiawh tute an ni a, he thu hi chiang deuhva kan en chuan, an chan tur ram va thlithlai ṭheuh tura kal an nih angin, Levi hnam chuan chanvo an neih ve loh avangin, hetah hian Levi hnam tirhchhuah an ni ve lo a ni.


   Tin, heng tirh chhuah dan tur P-thian'in a sawina ah hian 'Ish ekhad ish ekhad' (mi pakhat, mi pakhatin) tiin, a sawi a, hemi atang hian hriatthiam theih awm chu, hnam 12 te chu inlungrual lovin, an hnam tan chuah hma an ngai tih ahriat theih a, chuvangin, an inlungrual lohna avang chuan an thil tih pawh chuan rah ṭha a chhuah loh phah ta a n., Tin, chumai ni lovin, heng tirhchhuah te hi, an hnam tin puipa te niin, an hotute an ni a, chu chu 'Nasi' (נשיא ) tih an ni a, he 'Nasi' tih thumal pawh hi יש=awm , tih leh אין=awm lo, tih hawrawp inrem khawm a ni a, chu chuan, heng enthlatu te ah hian ngaihdan inang lo, aṭhen, chu ramah chuan thil ṭha a awm, tih te, athen, chu ram ah chuan thil ṭha a awm lo, tih te sawi thei tute an ni tihna ani a, chutianga an nihna ang tak chuan, an lo kir leh hnu ah pawh an thu rawn thlen dan chu a inang lo hlawm ta reng a ni.


    Amaherawhchu, hetiang ang lo tak hian Kanaan ram an luh dawn hun ah khan Yehoshua (Josua) pawh khan Yericho ah khan enthlatu te a tir ve thova, mahse, khatah kha chuan Israel fate chu an inlungrualin enthla tute pawh mi pahnih chauh tirh an ni a, chutiangin, an va enthlakna rah chuan thil ṭha a thlen reng ta bawk a nih kha.


   Tin, Moshe Rabeinu khan hetia ram va enthlak chu thil khirhkhan leh rah ṭhalo rah chhuah tir thei tu ani tih ahriat avang chuan, Yehoshua hnenah chuan amah veng thei turin a hmingah Yod(י ) (kan pi Sara-i hminga 'Yod' lakchhuah taka kha) a belh sak a, kan hriat ṭheuh angin, Yehoshua chu a hming hmasa ah Hoshea anih kha, tin, Kalev-a pawh chuan ama thlarau sanna avangin, hetia ram tiama va enthlak pah chuan kan pi leh pute thlan Makhpela pukah chuan venhimna dilin a va ṭawngṭai a, hei hi Bamidbar 13;22 na ah chuan 'Vayavo ad Khevron' (Khevron thlengin a kala) tih kan hmu a, hei hi Kalev-a a sawina a ni, (mi dang te chu Khevron ah an kal ve lo a ni). Chuvangin, an ni pahnih, venhim te chuan, mipuite leh ram chhunga milian awmte chu an hlauh loh phahin, Lalpa P-thian min tiam sa ani a, engmah hlauh tur a awm lo, tiin huai takin an sawi phah thei ta a ni.


   Heta enthlatu mi 10 ten a thalo zawnga an thlen avangin, Israel fate chu kum 40 thlaler ah an tap phah ta a ni.

Categories: Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments