Oops! This site has expired. If you are the site owner, please renew your premium subscription or contact support.

HAKHOKHMA Post Post New Entry

Parshat Naso

Posted by Moshe Ilan on May 17, 2011 at 9:40 AM

פרשת נשא

    Parshat 'Naso' chu Shavuot kut zawh kara chhiar thin ani a, he Parasha hi Torah a Parshat Shavuot ho zinga sei ber ani bawk a, he kan Parashaah hian chang 176 a awm a, chu chuan Torah dawnna kut Shavuot hman zawh veleh a 'Am Israel' te chuan Torah chu lawm taka kan dawnna leh kan lawm em avanga rei tak kan zir duhna leh zir chakna a entir a, chutiangin he Parasha chhunga a bung 7 na hi Torah bu a a bung sei ber niin chang 89 lai a awm bawk a ni, chutiang ema Am Israel ten Torah kan ngainatna chu Lalpa P-thian pawh chuan min ngainat zia min entir let ve nan 'Lekhem HaPanim' a thil mak Shabat tina an thlak thin Beit Hamikdash a Chhangthawpte chu a Shabat leh thlengin a lum reng thin zia hmun thianghlim tlawh kut Shavuot a tlawh tute chuan he Shabat ni hian Jerusalem a la chambangin an hmu thin a, tin kan Parashaah hian Thupek Mitsvot 18 awmin , tihtur Mitsvot 7 leh , tih loh tur Mitsvot 11 te a awm bawk a, chung Mitsvot hote chu Shabat niah Parasha chu chhiara zawnchhuah theuh i tum ang u.

 

    Parshat Naso ah chuan Bamidbar-6;24 naah 'Kohen' (Puithiam) ten Israel hnamte mal an sawm thin dan tur thupek chungchang kan hmu a, a 'Pshat' atang ringawt a kan en chuan, a thu hi ava ho ve, tiin kan ngai mai thei, amarawhchu, he malsawmna thu ah hian kan nitin nuna kan tana thatna tur hlirin a khat a, entirnan, 'Yevarekhekha' han tih maiah pawh hian pawisa lama malsawmna ani a, tin, pawisa lama malsawmna pawh chu pawisa tam tak lakluhna lampang ani lova, kan pawisa hmuh ang ang chu malsawma a awm theihna tura malsawmna ani a, engti kawngin maw? Kan tih chuan, pawisa tam tak dawng thin tan pawh, a hnena pawisa lo haw chu malsawma a awm leh si loh chuan buaipui awm khawp a thengralna tur a lo inchhawp veleh ruah thin a ni. Chuvangin, hlawh tlemte dawng tan pawh a pawisa hlawh chhuah ang ang chu malsawma a awm erawh chuan, nawmsak pui nan leh a nitin nun phunga hreawm lova siam tu atan a chang ta zawk thin a ni.

    He Kohen te malsawmnaah hian P' chuan an mahni Kohen te kut leh ka hmang chuan Israel mipuite chu mal a sawm ta thin a, Kohen te kaah chuan Lalpan a hming dahin a 'Shkhina' chu an kutah a dah bawk a, chuvangin, an kut chu hetia mal an sawm lai hian en a thiang lova, chuvangin, an kut te chu an 'Tsittsit' chuan an khuh bo ta thin a, an mahni Kohen te ngei pawh chuan an kut chu an en thiang lo ani.

 

     Hetia Kohen ten mal an sawmlai hian an kut chu kan mitin a lo hmu anih vaih chuan thil hlauhawm tak kan chungah a thleng thei a ni.

 

   Chuvang chuan a lawm pa ten an fate chungah an lo melh palh lohna tura mawhphurhna lain hetih lai hian an Tsittsit chuan an fate an khuh thin ni.

 

   Hetah hian zawhna awm thei chu, Kohen ten chutia Israel te mal an sawm anih chuan, an mahni chuan engtin nge malsawmna an chan ve tak anga, tuin nge an mahni chu mal sawm ve ta ang le? Tin, engvangin nge, Kohen ten mal an sawm zawh hian Beit Kneset a mipui te chuan an lo chibai sup sup thin? A nia lawm, kan tana thatna turin malsawmna min pe a, lawmthu sawi nan kan chibai ngei tur ani, chuti maw? Heite chu an tana thupek (Mitsvah) ani a, keini pawhin kan chunga thupek Tefilin zem te, Shabat serhte pawh, kan tih zawhin tu hnen atang mahin kan Mitsvah tih tak avang chuan chibai kan dawng ve lem si lova.

 

    Nilo, an ni chuan an chunga thupek bakah thil tha pakhat dang an tihbelh a lawm, malsawmna thu an sawi hma hian, 'Brakha' an sawi thin a, hetah hian a tawp khar nan 'Be'ahava' (Hmangaihnain) tih an belh thin a, chuvang tak chuan, hmangaih taka an chunga an mawhphurhna mai baka hmangaih chunga mal min sawm avang zawk chuan, an chunga lawmthu sawi nana lo chibai chu kan ba zawk a ni.

 

     Chuti anih chuan, Sidur bua 'Be'ahava' tih inziah vang mai mai zawk pawhin chu 'Be'ahava' a chu an sawi pawh ani mai thei a sin, ni e, ani maithei, amarawhchu, he Torah changah hian an malsawm dan tur thu inziah zawhah hian tihian P' chuan a sawi tel tlat a ni, "Vesamu et shmi al benei Israel vaani avarakhem, (Tin, ka hming chu Israel te chungah chuan dah ula, tichuan, mal ka sawm dawn che u nia)", tiin. Enge a awmzia kan tih chuan, a chunga kan sawi tak 'אהבה' (Hmangaihna) tih khi a 'Gimatria' (a nambar zawnga hawrawp tlukpui) chu ( (א-1,ה-5,ב-2,ה-5=13 13 alo ni a, chu chu Sidur bua inziak leh an ka a an sawichhuah nen chuan vawi hnih a lo nita a, chuti alo nih chuan 13x2=26 a lo chhuak ta a, chuchuan P' hming hawrawp tlukpui zat chiah alo chhuak ta a, chuti alo nih chuan 'Hmangaihnain' tih an sawi laia chu ka atang mai nilovin, thinlung takin ka atanga an lo sawichhuah chiah chuan P' hming chu Israelte chungah an lo dah ta tihna ani a, chutiang taka P' hming Israel te chunga an dah paha mal an sawm chuan P' ngei chuan an mahni pawh chu mal a sawm veta tihna ani a, chuvangin, Kohen nisi chutianga P' hming dah lova Israel te malsawm tu chu malsawmin a awm lo a ni.

 

 

 

 

 

 

 

 

 

 

 

 

Categories: Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments