HAKHOKHMA Post Post New Entry

Parshat Bamidbar

Posted by Moshe Ilan on May 17, 2011 at 9:25 AM

פרשת במדבר

        Juda mifing chungchuang Rabi Khaim Yosef David Azulai (החיד"א ) chuan thihian a sawi a, 'Bamidbar Sinai' hi a Gimatria chuan 378 ani a, chu chu 'Beshalom' tih Gimatria nen alo intluk chiah a, hei hian Israel fate chu an inpumkhatin an inkarah remna tha a awm tih a entir a, chutiangin kan Khakhamimte chuan Parshat 'Itro' ah hetiang hian an lo hrilhfiah thin bawk a, Shevet tina kan pi leh pute chu Thlaler a an awm lai chuan an inpumkhat thei em em a, (Shmot 19:2) na a inziak angin , 'Vaikhan Israel ' (Israel chu tlang bulthutah chuan a inkulh a) tiin, kan Torah chuan hetah hian Israelte chu mi pakhat ang tawngkam hmangin an chungthu a sawi tih kan hmu a, hemi atanga kan zirchhuah theih chu Israelte chu Thlalera an awm lai hian an lo inpumkhat theih zia leh mipakhat ang maia thinlung hmunkhat pu an nihzia a tarlang ani, chuvang chuan alawm kan Khakhamimte chuan he Bamidbar Parasha hi Torah dawnna kut 'Khag Hashavuot' hma Shabat ni a chhiar tur atan an lo dah tak ni.

   

    Parshat 'Bamidbar' chu Khumash bu li na ani a, he mi bu ah hian Israel te chu Mitsraim ata an chhuah kum hnihna atanga Thlalera an awm chhung kum sawmli chhung an chanchin a sawi a ni.

 

   He Bamidbar bu hi kan 'Khakhamim' te chuan 'Khumash Hapekudim' (inchhiarna bu) tiin an kova, hei hi he bu tir Parshat Bamidbar ah leh he Bamidbar bu bung 26 naa P' thupek anga chhiarpui an neih vang a ni.

 

    Vaikra Raba (ל"ב, ה') 'Thil pali te avangin Israel te chu Mitsraim ata chhanchhuah an ni a, Juda hming an put tlat avang te, Ivrit an hman reng avang te, Leshon Hara (inrelna) an sawi loh avang te leh, Zahpuiawm lova (tsanua taka) an inthuam tlat avangin,' ti a, a inziah angin, Israel te chu an thatna avangin Mitsraim ram ata Sal nihna lak atangin chhandam an ni a, tichuan, Pesakh (Kalhlen kut) hmain Parshat 'Tsav' Puithiam Aharon-a leh afate chungchang thu inziahna chu chhiar thin a ni a.

 

    Amarawhchu, Israel fete chu Thlalerah kum hnih zet an awm hnu chuan an lo phunnawi an lo phunnawi tan ta a, P' thupek tihtur te pawh chu tuina reng an nei tawh lova, chuvangin, Sefer Torah pawh chu an mahni thatna avanga dawng tlak an lo nita lo hial a, amarawhchu, kan pute thatna avang zawk chuan P' chuan Thilpek (Matana) angin min lo pek chu a duhta zawk a, tichuan, hnam dang hote chuan "Khawvel Lalber, keimahni hi min pe zawk la, tichuan, kan vawng tha reng nang e," tiin, an dil a, amarawhchu, Lalpa P' chuan "Nangmahni chungchang thu inziahna bu min kawhhmuh ula, tichuan, chu chu ka pe dawn che u zu nia, hei Torah hi chu ka fate chanchin an pi leh pute chen atanga inziahna bu ani tlat, dawng tlakin awm lo mahse, hnam dangte tan he ka Lehkhabu hlu ber mai hi, a inmil thei lo hrim hrim ani, chuvangin, an pute thatna (Zkhut) hmang tal hian ka pe ngei dawn ani." atih avangin, Torah dawnna kut 'Shavuot kut' hmain he Parasha – (Avaraham-a te, Itskhak-a leh Yakov-a fate) Israel fate zat inchhiarna Parasha chu chhiar thin lo ni turin Ezra Hasofer chuan a lo tinghet ta a ni.

Categories: Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments