Oops! This site has expired. If you are the site owner, please renew your premium subscription or contact support.

HAKHOKHMA Post Post New Entry

Shabat thianghlim Ropui zia

Posted by Moshe Ilan on May 12, 2011 at 10:25 PM

1. Shabat ni thianghlim chu a Thuthlung leh a chhinchhiahna ani a, Lalpa P' in ni ruk chhungin Van leh Lei leh chumi a awm zawng zawng te chu siamin a ni sarih ni chuan a chawlh san ta a, chumi chu rinna lungphum ani.


    Kan khakhamim (Rabi te) ז"ל te chuan tihian an lo sawi a, "Shabat chuan Mitsvot zawng zawng a hen ani," tiin. Chumi awmzia chu, a dan tur ang thlapa Shabat zawma serh tu chuan Torah zawng zawng zawm famkim ang tihna ani a, chutiangin, Shabat bawhchhe tu chuan Torah zawng zawng a pawm lo ang ani. Ezra chuan tihian a sawi bawk a, "Sinai tlangah chuan i hnam te hnenah Torah leh Mitsvot pein i lo chhuk a, tin, i Shabat thianghlim chu i hriattir bawk a." tiin.

 

2. Tu pawh 'Farhesia' (Juda mi sawm hmuh emaw hriat emaw) a Shabat bawhchhe tu chu a thil tihna reng rengah Jentel mi ngalngat anga chhiar ani. Wine a khawih chuan a thianghlim tawh lo a, tin, a chhang ur te pawh chu Jentel chhang ur ang ani, chutiangin, a ei rawng bawl te pawh chu Jentel ei siam ang ani a, Farhesia tih hi Juda mi sawm sawina ani a, an hmuh lai kher sawina ani lova, a Shabat bawhchhiat thu an hriat pawh chu a kawk a ni.

 

3. Zawlnei te sawi dan atangin, "A dan tur thlapa a theih ang tawk a Shabat serh a, zah bawk tu chuan Olam Haba a a lawman lo hmuak tu tur mai bakah, he leiah ngei pawh hian lawman a dawng bawk ang," an lo ti a, Shabat zing Kidush hma a kan chhiar thin "Im Tashiv mishabat raglekha…" tih a kan hmuh angin.

 

4. "Zakhor et yom hashabat lekadsho…" (Shabat ni tihthianghlimna / hmanna chu hre reng rawh) tih ziak kan hmuh angin, Shabat ni chauhvah ni lo, ni pangaiah pawh, he Shabat hmanna hi kan hriatreng chu Mitsvah (Thupek) ani a, hetiangin, eitur chhe mai chi nilo angte chu ni pangai ah pawh hei hi Shabat a ei turin tiin kan lo lei lawk ang chi te, tin, Shabat dawn hnaia zan mut dawnah naktukah Shabat a eitur lei turin ka tho vang ti ten ka in emaw, kan ngaihtuahna a kan sawi te pawh chu he Mitsvah zawmna kawng chu a ni. Chutiangin, Shabat atana kan bazar te chuan 'Likhvot Shabat' (Shabat atan) tiin kan lei thin tur a ni.


     Ezra dan siam angin, Shabat ni a hak tur thawmhnaw chu Yom Khamishi ah lo suk lawk tur ani a, hei hi Yom Shishi a Shabat tana eirawng kan bawl te min bawh buai lohna tur atana tih a ni.


5. Mi chuan chhiahhlawh emaw, a rawng bawl saktu nei mahse, amah chuan Shabat atan zahna lantir nan engemaw tal a ti ve tur a ni a, 'Amoraim' ho te pawh in an lo ti ve thin a, hetiangin, Rav Khisda chuan thlai te chu sin te te in a chan thin a, tin, Raba leh Rav Yosef te chuan thing te an ek bawk a, tin, Rabi Zeira chuan mei a chhem a, tin, Rav Nakhman chuan an in te chu siam thain, Shabat atana hman tur bungrua te chu alo buatsaih ve bawk a, hei tak hi a ni mi chu a zahawmna chu Shabat a zahna hi a ni.


6. Israel te minhag (tih thin dan) ah chuan Shabat dawnin in tin chuan chang chu dawr ami lei mai lovin, mahni inah ngei an ur thin a, hei hi nu te tana an 'Mitsvat Khala' tihna hun tha tak a ni a, tin, chhang chu 3 urin, a lian, a te, a laihawl. A laihawl chu Shabat zan atan, a lian chu Shabat tuk atan, a te chu Seuda Shlishit atan, tiin.

 שע"ה סימן עב

 


Categories: Shabat, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments