Oops! This site has expired. If you are the site owner, please renew your premium subscription or contact support.

HAKHOKHMA Post Post New Entry

Parshat Behar

Posted by Moshe Ilan on May 12, 2011 at 7:55 PM

    Parshat Behar chu 'Shmita' (Kum 7 na Ram chawlh kum) chungchang thu in a inhawng a, tichuan, Shabat Serh na tur thupekin a inkhar leh bawk a, he Mitsvot (Thupek) pahnih te hian inlaichinna tak an nei a, Lalpa P' in he Mitsvot pahnih 'Shmita' leh 'Shabat' te hi a thupek leh a dan tur ang taka serh tura thu min pek anga kan serh chuan, a dan pangai ah chuan chatna tur ang ani a, amarawhchu, hetia mihring ngaihtuahna pangaia chatna leh sum lam emaw a hlohna anga ngaih hi P' ring ngamtu Juda te tan chuan a lem mai ani.

 

    Lalpa thu te ring ngama a thupek anga nung tute a Mitsvot te zawm tute tan he Mitsvot 'Shmita' leh 'Shabat' ni serh hi malsawmna hnar niin, chu a malsawmna chu amah ngei, engkim chunga rorel tu chuan a tiam ani. "A kum rukna ah chuan in tan ka malsawmna thu chu ka pe e" tiin Vaikra bung 25;21 ah chuan kum khat chhunga rah thin ang let thum chuan a malsawmna a thlentir thin a ni. Hei hi a kum 7 na (engmah chin loh kum) atan leh, a kum 8 na (Buh leh thlai chin tan leh na) thlenga daih leh hnianghnara kan awm theih nan ani. Hei hi tunlai thleng pawhin atakin a la hmuh theih ziah ani.

 

   Chutiangin, Shabat ni a Lalpa P' malsawmna pawh chu' "Tichuan, P' in a ni sarih ni chu mal a sawm a," tiin Bereshit bung 2;3 ah a lo tiam bawk a ni.

 

    Chutiangin, Kabalat Shabat a kan sak thin 'Lekha dodi' ah pawh chuan "Likrat Shabat lekhu venelkha, Ki hi Mekor Habrakha…" (Shabat chu Malsawmna hnar ani… " tiin, kan sa mathlawn lo vani.

 

    Gmara ah 'Masekhet Beitsa' (ט"ז, ע"א) ah chuan, "Rosh Hashana ni chuan mitin chungah kum khat chhung atana an hlawkna hmuh tur chu, Shabat leh Kut ni leh an fate tana an Torah zir na man tur tih chuah loh chu ruat lawk sak ani a, heng te atana an uikawm a, an in sen tlem chuan an dawn tur ruat lawk sa chu tih tlem sak an ni a, tin, heng te atana an in phal a, an sen hnem chuan an chanvo dawn tur chu belh sak a ni," tiin a inziak bawk a ni.

 

   He Parasha a a pawimawh ber leh kan zir tur chu, Lalpa P' a rinna kan nghah ngamna tur thu a ni a, a thutiam leh a thupek te chu ring ngam zan lova, mihring ngaihdan a Kar khat chhunga ni khat chawlh bo leh, kum 7 chhunga kum khat thawr chawlh der der mai chu hlawkna kan chan phah na tura kan rin zawk tlat a, aruka heng thupek te hi kan zawm lohva, kan bawhchhiat luih chuan Lalpa P' chu engkim titheiah kan ngai zo lo tihna aniin, he 'Smita' kum leh, 'Shabat' ni te hi mitin Lalpa P' laka kan rinna chungchang thuah mahni theuh infiahna hun tha atana hmangin, din zawh ngei kan tum theuh bawk dawn nia.

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments