HAKHOKHMA Post Post New Entry

Yom Haatsmaut (independence day)

Posted by Moshe Ilan on May 6, 2011 at 5:15 PM

     Juda kum chhiar a kum 5708 , Yiar ni 5 ni chuan Juda te chuan kan pi leh pu te ramah ngei chuan kum 2000 zet hnawh darh kan nih a, ram pawna kan vahvaih hnu ata mahni rama Judate Zalenna ni ropui (Yom Haatsmaut) chu puan a lo nita in, hemi ni hi kum tina hman atan an lo tinghet ta bawk a ni.


      Tichuan, Zalenna an puan atanga kum 30 chhung chu he Zalenna ni hian ram dangte tih thin ang bawkin Israel chuan a Sipai ralthuam tha te entirna ni atan leh Sipai Lam (Parade) entirna ni atan alo hmang thin a, amarawhchu, mi tam takte chuan hetia ropuina leh chapona lantirna hian Lalpa P' in a Torah a tih lohtur thupek 'Keima chakna leh ka kutkawih rah a ni' (Deut 8;17) tih chungchang chu a kalh ani, keimahni ang ram te reuh te piang tir lehnghal hian Lalpa chakna thiltihtheihna tello chuan Ram 7 kan hneh ngawt lovang tiin, hemi ni hian Tawngtaina lama Lawmthu sawina 'Halel' chhiarna ni atan te, Shabat ni ang bawk a, kawr var hak ni atan te leh , chumai ni lovin, Khawvel pum huap a 'Bible Quiz' intihsiakna ni ropui atan hman alo nita zawk a, tichuan, hemi zan hian hmun hrang hrangah Ceremony te leh intihhlimna hrang hrang neiin aram pum mai chuan an lawmin an lam mup mup mai a, tin, khua a lo thiang tawh bawk nen, chhungkua a sa rawh a ei hona ni atan Juda chhungkaw hrang hrang te chuan an hmang ta thin a ni.


Categories: Judaism, Khagim, Kut ni te, History

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments