Oops! This site has expired. If you are the site owner, please renew your premium subscription or contact support.

HAKHOKHMA Post Post New Entry

Parshat Emor

Posted by Moshe Ilan on May 6, 2011 at 12:58 AM

     Parshat Emor ah chuan Chhiat tawhna chungchang thu leh Hlimna chungchang thu kan hmu a, Parasha chu Kohen (Puithiam) te hena Lalpa vaukhanna thu, mitthi laka an chhung hnaite pasarih (a nu, a pa, a fapa, a fanu, a unau pa, a unau nu, a nupui) te tih chauh lohvah chuan an intihbawrhban thian loh thu kan hmu a, tin, mitthi avang chuan an lu te an ziat tur ani lova, tin, an khabe hmul te an ziat bawk tur a ni lova, an taksa an zai tur ani lo bawk ani.


    He kan Parasha ah hian chiang taka kan en chuan Kohen naran chungchang a sawinaah hian a pa aiin a nu chungchang a sawi hmasa a, tin, Kohen Gadol in a pa leh a nu an thih pawhin a inti bawlhhlawh tur ani lo tiin, a pa chungchang a sawi hmasakna kan hmu leh bawk si a, hetah hian, Kohen naran chuan a pa dam lai pawh a a nu a lo thi anih chuan a phumna chungchang vel chu a pa ni lovin aman a buaipui tur ani a, Kohen Gadol erawh chuan a ropuina avangin a pa thih hnuah pawh a nu chu a lo thi ve anih pawhin, a ruang avang chuan a intibawlhhlawh chuang tur ani lova, chuvangin a nu ruang phumna tur chungchang chu a buaipui tur ani lo ani.


    Kan Parash hi Lu sun chhiattawhna a intan ni mahse, Juda te Kut ni hlimawm tak tak te chungchangin a in khar thung a, hei hian a entir chu he khawvela kan awm laia kan hreawmna te hi thil tawpna ani lovin kan la kalna ram tur chu hlimna ani tih leh, he khawvela hreawmna kan tawh chang te leh harsatna kan tawhna te hi beidawnna tur ani lova, nakinah hlimna chuan min la hmuak zawk dawn ani tih min zirtirin, heng kan lungngaihna te avang hian beidawn loh tur tih min zirtir a ni.

Categories: None

Post a Comment


Oops, you forgot something.


The words you entered did not match the given text. Please try again.

You must be a member to comment on this page. Sign In or Register