HAKHOKHMA Post Post New Entry

Parshat Kedoshim

Posted by Moshe Ilan on April 28, 2011 at 8:10 PM

פרשת קדושים

    Parshat Kedoshim ah chuan Israel fate hnenah ram dang mite leh Israel rama lo awm tawh thin hnam dang mite tihdan ang thil tenawm leh bawlhhlawh chi tinreng, an chin thin anga tive lo tura thupek tam tak kan hmu a, he Parasha ah hian Mitsvot (thupek) 51 lai, tihtur thupek 13 leh, tih loh tur thupek 38 te kan hmu a, heng thupek te hi Lalpa P' chuan a ngaipawimawhin, heng thupek te hi a sawi zawhin 'Kei hi Lalpa P' heng thu petu che hi ka ni', tiin a nemnghet zel bawk a. Hnam dangte thil tih thin anga ti ve lo tur leh a thupek te leh a dante chu thianghlim taka zawm zawk turin min duh a ni.

     Parasha hmasa 'Akharei Mot' leh 'Kedoshim' te hi Shabat vawi khata chhiar kawp ani thin tlangpui a, 'Akharei Mot' ah chuan Kohen Gadol in Judate ni thianghlim ni bera a intihthianghlim dan thuin a intana, tichuan, 'Kedoshim' ah chuan Lalpa P' in a ten zawng ber hnam dangte kal dan leh tih thin dan thuin a khar bawk ani. Tin, he Parasha hi Judate Kut thianghlim ber Pesakh bawr lai vela chhiar thin a ni bawk a, hei hian Juda te leh hnam dangte inkar Lalpa P' tana kan inthianghlim hleih zia chu thu maia chhiar lova atak ngei a kan chan a, kan margish (feel) turin min zirtir bawk ani kan ti thei ang. Pesakh lai chuan hnam dangte chin ve ngai loh angin dawidim reng reng a them te pawh ei palh kan hlauvin kan in chhunngte chu dawidim lak ata hneh takin kan thianfai thinin, hnam dangte ka a lut thin ang Sahdah, Khaini etc.. te pawh hlauh ena kan en hun lai niin, hnam dangte incheina angte pawh kan inbel duh lovin, an sak thin ang hlate leh an lam angte pawhin kan tive duh lova , Lalpa P' chuan kan Parasha kharnaah 'In hmaa ka tirhchhuah tak hnam dante chu in zawh ve tur ani lo, heng thil zawng zawngte hi an ti thin a, chuvangin ka ten ani. Amaherawchu, nangni hnenah chuan an ram, hnute tui leh khawizu luanna ram chu inluah anga, inluah atan ka pe ang che u, ka lo ti tawh a ni. Kei hi Lalpa in P', hnam dangte lak atanga tihrangtu che u chu ka ni. Tiin, chiang tak leh ihe san rual loh a chiang thupek min lo pe a, chuvangin, Judate chu hnam dangte lak atangin Lalpa P' chuan ata kan nih bikna turin min lo serh tithianghlim hrang bik daih ta a ni.

Categories: Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments