HAKHOKHMA Post Post New Entry

Khadash chungchang dan

Posted by Moshe Ilan on April 28, 2011 at 8:00 PM

דיני חדש

1. Torah ah chuan tihian a in ziak a, Vaikra(Lev) 23;10-14 “ in buh thar hmasate chu Phal khat chu Kohen hnenah in rawn keng tur a ni . tin. Pawmsak theih che u a nih nan, anin buhphal chu Lalpa hmaah a lo then anga. ……. 14 ; In P' tana thilhlan chu in hlan hma chuan , chu mi ni hma reng reng chuan a chhangin emaw, a kanin emaw, a vuiin emaw in ei tur a ni lo: “ tiin.

 

      Heta tanga hian Buh lam chi reng reng thar chu eng tianga siam pawh nise ‘Korban Omer’ hlan anih hun hma chuan ei thiang a ni lo tih kan zir chhuak a.

 

2. ‘Shulkhan Arukh’ chuan , ‘Khameshet minei Dagan’ (Buh lam chi chi 5 te - Khita , Seora, Kusmin, Shibolet shual , Shifon) te chu ‘Korban Omer’ hlan a nih hma (‘Nisan ni 16’;) chuan ei thiang a nih loh a vangin , tun laiah pawh “Korban Omer’ hlan na hmun kan neih tawh loh hnu pawh hian, Nisan thla ni 16 ni pumhlum thleng chuan ei thiang lo a ni ati.

 

3. Tun laiah pawh atakin ‘Korban Omer’ chu hlan ni tawh lo mahse, Torah a a in ziah angin , “Ad etsem hayom haze (chumi ni hma reng reng chuan)” tia a in ziah avang hian, ataka tih in awm tawh lo mahse, athu ang hian a Ni a chu a lo pawimawh tak avangin, tun lai thleng pawh in he dan hi zawm tur a ni.

 

4. Hetianga ‘Omer’ thiang lo a hi, a kum hmasa Nisan ni 17 hma lama Ah hman emaw, zung kaih hman ho kha a huam lova, a huam a chu , a kum hmasa Nisan ni 17 hnu a chin ho atang khan a huam a ni, a zung kaih hun hi chin anih atangin (Shak chuan – ni 3 chhung ati a, Nekudot Hakesef chuan ni 14 chhung ati).

     ( a awmzia chu – Nisan 17 thlen hma ni 3 hma lama chin hman a nih loh chuan, ei thiang lo a ni).

 

5. Gmara ah chuan ngaihdan inan lohna (Makhloket) Israel ram chhung chauh nge a huam a Rampawnah pawh a huam tih chungchangah a awm a, (קידושין ד' ל"ז ע"א;) Rabi Eliezer chuan ‘Bekhol Moshvoteikhem’ (in awmna apiangah) tih a nih avangin Ram pawn pawh a huam a ni, a ti a, ‘Rabanan’ te chuan , In awmna hmun a piangah a tih hi Ram chhung luh hun a sawi hnu atan a nih a vangin, Israel ram chhung ah chauh a huam a ni an ti ve thung.

       Chutiangin ‘Rishonim’ te leh ‘Shulkhan Arukh’ te chuan Ram pawn ah leh Ram chhungah zawm tur an ti ani .

 

6. A hun chungchangah hian Israel buh thar ah chuan buaina a awm vak lova a chhan chu, israel rama Buh chin hun hi Rosh Hshana dawn velah a ni a, a seng hun chu Pesach hnu ah a nih avangin, harsatna a awm lo ani.

     Amaherawhchu, Ram dang atanga lo kal Buh lam chi reng reng a te hi an chin hun te hriat sak a ni vek kher lova, sik leh sa (Ona) a zirin ‘Asur’(thianglo) pawh a lo nih palh theih avangin, ‘Rabanut’ chuan, Ram pawn atanga Buh lam chi lo lut reng reng a hi Kudam lianah Pesakh vawi khat an nghah tir phawt zel thin a ni.

Categories: Kashrut, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments