HAKHOKHMA Post Post New Entry

Omer Chhiar chungchang dan

Posted by Moshe Ilan on April 21, 2011 at 10:25 PM

ספירת העומר

1.  Pesakh zan hnihna atang chuan Omer chhiar tan ani a, hei hi ding chunga chhiar tur a ni. A Mitsvah chu zan tirah arsi lan veleh a chhiar tur a ni a, ro khawlhna avangin zankhua pawhin a chhiar theih bawk. Beit Kneset ah chuan Kut ni leh Shabat ni chuan Kidush zawhah chhiar thin a ni a, hei hi a vawiin (shabat) ni thianghlimna chu lakluh hmasak anih zawkna turin a ni a, tin, Kut leh Shabat zawh (Motsaei) ah chuan Havdala hman hmasak tur a ni a, hei hi a vawiin ni chu chhuah tlai tir anihna tura tih a ni.

 

2.  A zana chhiar theihgnhilh chuan atukah nileng chuan a Brakha tel lovin a chhiar thei a, tichuan, a zanleh ah chuan a Brakha nen a sawi chhunzawm thei ang.

     A zan leh a tuk nileng chuan a chhiar theihnghilh anih chuan, a zanlehpek atang chuan a Brakha nen a chhiar thei tawh lova, a Brakha tel lovin a chhiar chhunzawm thin tawh tur a ni.

      A zan hmasa chuan a chhiar leh chhiar loh chu hrechiang lovin, chhiar in inhre tase, a chhun nileng pawh chuan chhiar tawh lo mahse, a zan lehpek atang chuan Brakha nen a chhiar chhunzawm thei ang.

 

3. Ni tlak hnu ah miin "Vawiin hi Omer chhiar eng zatna nge?" tiin min zawh chuan, "Nimin kha a vawi chuti zatna chu…" tiin kan chhang tur a ni a, chute lova, a vawiina chhiar tur zat kan hrilh chuan, a hnuah Brakha nen kan chhiar thiang tawh lo a ni.

 

4.  A Brakha kan sawi hma chuan a vawina chhiar tur zat chu kan hre hmasa tur a ni a, a Brakha kan sawi hnu a kan thiante hnena chhiartur zat kan zawh leh chuan 'Hefsek' kan siam tihna ani , kan Brakha sawi chu kan tichhe tawh tihna ani a, a bul atangin kan sawi leh a ngai .

        Tin, vawiin hi a ni 4na emaw tiin Brakha chu sawi ta ila, ka Brakha sawi zawh veleh chuan a ni 5na ani tih kan hrechhuak leh anih chuan kan Brakha chu kan tichhe chuang lo a ni.

        Chutiangin, Brakha ka sawi tawh a, vawiin hi a ni 4na tiin ka sawi sual ta a (ani 5na ani si a) mahse, thil dang  sawia ka tawng chhuah hma chuan vawiin hi a ni 5na tiin ka sawi that leh hman chuan, a pawi lo ani.

      Amaherawhchu, ka sawi that hma a thil dang ka sawi hman tawh a nih chuan, ka Brakha chu ka tichhe tawh a ni a, a bul atangin ka sawi that leh a ngai.

 

5.  Omer chhiar tirh atang hian ni 33 chhung in Rabi Akiva zirtir te chu an thi a, chuvangin, hetih hun chung hian Lusun (Avelut) anga hun tlem azawng hman tur a ni a, nupui neih awih ani lova, tin, inmeh awih ani lo bawk, hlimna thil Mesiba (Party) lamna hmunah te kal loh tur ani a, tin, music rimawi lam reng reng ngaihthlak thiang ani lo bawk .

       Rosh Khodesh 'Yiar' chu Shabat ni a a tlak dawn chuan, ani hma (Erev Shabat) chuan nupui neih leh inmeh fai chu thiang a ni a, chutiangin, Lag Baomer hnu atang pawh chuan thiang a ni.

       Lag Baomer (Omer chhiar vawi 33 na) ni hian Rabi Akiva zirtirte chu tlem an la thih avangin, hemi ni chawhma lam hi chuan nupui neih leh inmeh chu la tih loh tur a ni.

      Tin, Lag Baomer chu Yom Rishon a a tlak chuan Erev Shabat ah chuan a inmeh fai theih tawh bawk.

       Tin, Rosh Khodesh Iar thleng chauhva inserh thin pawh an awm a, Tin, Shavuot kut dawn Erev Khag thlenga inserh pawh an awm bawk.

 

6.  Sandak (Brit tih laia naute pawmtu) leh naute pa leh, Mohel chuan Brit ni hma tlailamah chuan an inmet fai thei ani.

 

7.   Ruai te nena inhualna pawh tih theih ani a, mahse, rimawi leh lamna a tel tur a ni lo.

 

8.  Ni tlak hnu atangin Omer chhiar hma chu mipa pawh hmeichhia pawhin hna thawh loh tur a ni. (שבע שבתות;)


9. Shulkhan Arukh ( תפט א ג' - "ומצווה על כל אחד לספור לעצמו ) "Mi tinin mahni tan theuh an chhiar chu thupek ani" tih inziak hi... Mishna Brura chuan hrilhfiahin, "He thupe...k hi Hmeichhia te leh Chhiahhlawh te chuan an tih ve kher a ngai lova, achhanchu 'Mitsvat ase shehazman grama' hunbi neia tihtur thupek, anih avangin, an tih ve kher a ngai lo a ni,tiin.


    Tin, Hamagen Avraham chuan heti hian a ziak bawk a, "He mi atang hian hmeichhia te chungah pawh he thupek hi intluktlangin a innghat a ni" tiin, a sawi a, mahse, kan ram Israel ah te hi chuan hmeichhia ten an chhiar ve kher lo a ni.


   Tin, 'Shulkhan Shlomo' lehkhabua a inziah danah chuan, "Hmeichhia te chuan an sawi ve duh a nih chuan a Brakha tel lovin an chhiar ve thei ang, a chhanchu, nitina Beit Kneset ah te kal ziah an nih loh avangin, vawi khat tal chhiar loh zan an neih ngei dawn avangin, an tluk palh loh nan a Brakha chu an sawi tur a ni lo" tiin a ziak a ni. Hei hi, mipa te pawhin zan khat emaw an lo chhiar loh palh chuan, a hnuah a Brakha nen an sawi chhunzawm thiang tawh lo a ni.


Categories: Judaism, Khagim, Kut ni te, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments