HAKHOKHMA Post Post New Entry

Pesakh atana hriattur pawimawh

Posted by Moshe Ilan on April 14, 2011 at 10:20 PM

1.Mekhirat Khamets: Pesakh thlen hmain i Khmets neih te chu Jentel hnenah i hralh tur a ni a, i hralh loh vaih chuan Pesakh zawhah i ei thiang tawh lo, hei hi 'Khamets she avar alav Pesakh' tih a ni a, ei thiang lo ani. Pesakh laia kan hman loh tur bungbel kan dahbo te chu 'Mekhirat Khamets' tia Khamets thil kan hralh ho kan dahna ah khan dah ve tur aniin, chung bungbel a kai dawidim tuina (taam) awm te chu khamets kan hralh zingah khan kan hralh tel ve ani tiin Kavana pek tel tur a ni a, chuti lo chuan, Pesakh zawh hnuah heng bungbel te hi kan hman chhunzawm mai thei dawn lo tihna ani a, kan hman leh theihna tur chuan Hagala hmang emawa kosher thar leh a ngai dawn tihna a ni. Tin, hriattur chu, Khamets kan hralhna ah khan a bungbel te hi hralh tel loh tur a ni. Chuti lo chuan i bungbel te kha Jentel ta hlui an ni tihna a ni ang a, i hman leh duh hunah a buaithlak dawn.

 

2.Sa rawh (Tsli): Pesakh zan 'Leil Seder' ah hian Sa reng reng, thla nei sa emaw, ke pali nei sa emaw (Sangha rawh pawh ti an awm bawk) chu meia rawh emaw, tui tel lova ur hmin emaw, tui nei lova, tel tlem nena kan ro pawh ei thiang lo a ni. Hei hi 'Korban Sa' ei ang kan nih loh nana tih a ni. Tin, Leil Seder a 'Zroa' atana Ar bawp rawh hmin kan hman thin pawh chu Pesakh zan hian ei thiang lo a ni. A tuk a ei tur ani. Tin, Shnitsel te pawh chu tui a neih loh avangin Pesakh zan hian ei a thiang lo ani. ש"ע תעו

 

3.Arba Kosot : Leil Seder a Wine no 4 kan in thin chu, Wine sen (adom) ani ngei tur a ni a, tin, Wine tak tak a percent awm ani tur a ni a, Mits Anavim hmang duhte tan pawh, tlem tal pawlh tur a ni. Tin, a no hi no pangai tiat (86 סמ"ק ) ani tur a ni. Tin, miin wine chu a ngei vang emaw, tui a tih loh vang in a in lo ngawt thiang lova, ti luna tur emaw a nunna atana hlauhthawnawm thlenga a thlen theih dawn anih loh chuan, in ngei ngei tur ani.

 

 

4.Bel: Pesakh atana Kosher tawh bel a eitur lum chu Pesakh lo bela i suah chhawn chuan a bel chu tisi lo mahla, Pesakh atan hman a thiang tawh lo.

 

5.Buhfai; Pesakh laia buhfai (Orez) ei thinte tan Israel dawr ami 'Kasher lePesakh' emaw, Badats hekhsher chuah lei tur niin, chu pawh chu vawi 3 tal thlan nawn tur a ni, vawi 1 thlan theih ti an awm bawk. Jentel hnena mi emaw, Israel dawr ami Kosher lepesakh lo chu an hernaah a herna khawl chu 'Khameshet minei dagan' (buh lam chi chi 5 te) her nana an hman ve thin vang a ni a, fimkhur hle tur. Chutiang ang i lei chuan vawi 7 lai Pesakh hmain thlan nawn tur ti an awm bawk.

 

6.Ha lem; Ha lem hmangte tan, fai taka sil hnuah Tuiso a leih (irui) tur.

 

7.Matsa Shmura: Leil Seder ah hian mi tinin Matsot Shmurot pahnih tal eitur neih tur.

 

8.Kol Khamira: Khamets zawn (Bedikat Khamets) zawhah Kol Khamira sawi thin chu Aramit in vawi 1 leh mahni tawngin vawi 3 sawi tur.

 

9.Basar: Sa (Sangha, Arsa, Ke pali nei sa) kan lei dawnin 'Basar le Pesakh' (Pesakh sa tur) ti a sawi loh tur. Kut sa tur ti chuan a theih.

 

10.Birkonim ; Ni danga kan hman thin, 'Birkat Hamazon' bu leh Kidush bu angah te chuan 'Khamets' them akai duh thin avangin, Pesakh laia hman tur bik a hran neih atha hle, i nei thei dawn lo a nih chuan, Pesakh hmain enfihin tifai hmasa ang che.

 

11.Zungbun ; Hmeichhia te tan ni danga zungbun leh ngun an bunte chu Pesakh laia bun loh tura dah bo atha hle a, abikin chhang nuaina a an bun te phei chu Pesakh laia dah bo chu ngei  tur a ni. (Silfai a tawk ti pawh an awm).

 

12. Kitniot ; Ashkenazim te leh Sfardim then khatte Pesakh laia 'Kitniot' ei lote tan, a loh theih loh anih chuan naute leh Damlo eitur atan 'Kitniot' a siam theih a, amaherawhchu, chung kan siam na hmanrua te chu mi dangte tana hman loh tura dah hran tur a ni.

       Tin, 'Kitniot' ei lo mi chu 'Kitniot' eite hnenah a mikhual thei a, amaherawhchu, 'Kitniot' chu a ei tur a ni lova, mahse, Kitniot bel hmanga Kitniot lo thil dang an siam te chu a ei thei ang.

      Tin, eiturah 'Kitniot' thil a lo tlak palh chuan 'Kitniot' lo zawk chu 'Kitniot' aia a tam zawk chuan, 'Kitniot' tla chu lachhuakin a dangte chu a ei thei ang.

 

13. Nupui Pasal karah ; Sfaradia (Sfardi nu) a pasal Ashkenazi chuan a pasal kal dan angin Pesakh laiin 'Kitniot' a ei tur a ni lova, (a pasalin a phal sak erawh chuan a ei thei ang) tin, a nu leh a pate chu 'Kitniot' thil a siam sak thei ang.  

      Tin, Ashkenazia (Ashkenazi nu) a pasal Sfardi chuan a pasal kaldan anga 'Kitniot' a ei ve tawh duh chuan 'Hatarat Nedarim' (thu tiam sutna) tiin a ei ve thei tawh ang, mahse, he thuah hian a pate kaldan ang (minhag avoteiha) chu a tihhliau lohna turin a pasal chuan a phal sak tho chuan a nulat laia a kaldan angin Ashkenazi dan zul zui chuan a kal tur a ni a, tichuan, Pesakh laiin 'Kitniot' chu a ei tur a ni lo.

 

14.Matsa Shruia ;  Pesakh laia Matsa tuia chiah ei thiang lo tan Tui dek tawh Matsa awmna thleng emaw bel emaw chu a hnuah a hmang tawh tur a ni lo.

     Amaherawhchu, a sil vat hman chuan a silfai hnuah a hmang leh thei ang, Shabat niah pawh.

 

15.Dagim ;  Pesakh laia Sangha emaw, Masala chi ei ngailo te tan, Sangha emaw Masala emaw chuan Bel emaw thleng emaw chu lo si palh tase a silfai anga, a hmang chhunzawm thei ang.

 

16. Pesakh laia Bungbel hman sual ;  Pesakh laiin Bungbel Pesakh atana Kosher ah chuan Khamets emaw lo chhum ta palh se, tihfai vata Pesakh laia hman tawh loh tura dah bo tur a ni a, Pesakh zawhah Hagala emaw hmangin Kosher tur a ni. Hetia Kosher hma hian Pesakh zawh ah chuan thil lo chhum ta pawh nise, eitur a chu ei thiang lo a ni.

 

17. Matsa Ashira - Tui pangai chuah ni lova thei tui emaw, artui emaw nena 'Kemakh leMatsa'  hmanga Matsa an siam chu 'Matsa Ashira' tih a ni a, hei hi Ashkenazim ten an ei thiang lova, tin, Erev Pesakh ah pawh an ei thiang lo.  (Kemakh Matsa- Matsa atanga Chhanphut siam . Kemakh leMatsa- Matsa siamna tur bik Chhangphut). 

 

18. Pheikhawk ;  Pesakh hmain kan pheikhawk hnuaite chu endika tihfai tur. Chuti lo chuan i pheikhawk  hnuaiah khan Khamets te pawh a lo tan palh theih vang a ni.

 

19. Kitniot ; Be leh a mu ei chi ang reng rengte chu 'Kitniot' tih a ni a, chungte chu Ashkenazim ho ten an ei thiang lo.

 

20. Naute tan ;  Mi tam tak ten naute chu Mitsvah pawhin a phut loh vangin wheet atanga siam a chaw ei lai ang hi ka pe chhunzawm thei angem Pesakh laiin tiin zawhna an siam fo thin a,  hei hi fimkhur em em tur a ni, Naute pawhin 'Khamets' chu a ei tur a ni lova, chuvangin  kan pe thiang lo a ni. Chutiangin, naute khalh thin thil , ni danga a khalh pah a a fawh thin ang te chu Silfai vek bawk tur a ni, chuti lo chuan Pesakh laiin kh athil kha a liak palh anga tichuan 'Khamets' ei a lo ni mai dawn a ni.

 

21. Ran chaw ;  Zawhte chaw Ui chaw emaw, Sangha chaw emaw chu atlangpuiin 'Khamets' (Dawidim) atanga siam ani a, chuvangin, fimkhur em em tur a ni, Pesakh lai hian ui pawh nise, 'Khamets' chu pek a thiang lo a ni.

 

22. Damdawi ;  Damdawi Pesakh laia i ei chhunzawm ngaite chu i leina hmun (mirpaa)ah Pesakh laia Kosher (Kasher lePesakh) anih leh nih loh zawh hmasak tur. A list an nei a,  chuvangin zawh hreh loh tur, Telephone hmang pawhin  a zawh theih.


* Nisan thla chungchang .

 

 

Categories: Judaism, Khagim, Kut ni te, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments