HAKHOKHMA Post Post New Entry

Pesakh atana Bungbel chungchang

Posted by Moshe Ilan on April 14, 2011 at 10:15 PM

1.Pesakh atana hman tur bik bungbel neih chu thil tha tak a ni a, chutiang neiha kum tluana hmang lova kan dah that chuan, Kosher leh angai chuang lova, a duh fir zual chuan an Kosher leh bawk thin.

 

2.Chawhtawlh emaw bucket emaw chu Pesakh chhunga eitur khawih nana hman loh tur, insuk nan vel emaw chauhva hman tur chu Kosher a ngai lo.

 

3.Pesakh atana hman tur bungbel thar chu, a zuartu pa chuan Khamets a dehtir palh ni a i rin chuan Kosher angai.

 

4.Pesakh atana bungbel kan Kosher dawn chuan fai taka kan sil hnuah darkar 24 hman lohvin kan dah phawt tur a ni. A Kosher dan hi chi 3 a awm a, Hagala, Libun leh Shria te an ni a, a tihdan leh a eng bel chu nge hetianga Kosher tur hi tih kan hriat loh chuan, Vantlang tana Kosher na hmun an siamah ngei chuan Kosher tura ken a tha.

 

5.Thing atanga siam chu ni dangah Kosher theih ni mahse, Pesakh atan Kosher loh tur a ni.

 

6.Darthlalang atanga siam chu Ashkenazim chuan Pesakh atan an Kosher thei lova, Sfaradim chuan fai taka sil hnuah Pesakh atan an hmang thei ang.

 

7.Electric hmanga tui luma 'Kumkum' leh 'Meikham' te chu a chhunga Lung bal var (Mishkaei Even) ang chi a awm tawh chuan Pesakh atan Kosher a tha lova, Tin, Shabat ni a tui lumna bel 'Meikham' chu a chhunga Lung bal var a awm lohva a Kosher theih anih chuan, a chhin chu 'Libun Kal' (meia rawh sat) hmanga Kosher tur ani. Tin, a chhinah chuan Shabat niah eitur Lekhem (Chhangthawp) emaw te kan dahlum thin anih a, a chhinah chuan pawp te reuhte a awm vaih chuan Pesakh laia hman turin Kosher loh tur a ni.

 

8.Bel dangdai kil khawr leh kaw te reuh te a chhung tihfai thlen theih loh ang chi chu Pesakh atan Kosher thiang lo ani, entirnan; India Cooker ang chite, a phitna chhin chhung lama awm kaw te reuhte te a chhung tihfai theih loh ang chi nei ang te. Tin, rubber chu ni pangai atan Kosher theih ni mahse, Pesakh atan kosher theih anih loh avangin, a washer ang te chu thil buaithlak a ni.

 

8.Eitur ro vawt, Pesakh atana Kosher chu Pesakh atana Kosher loh bela a awm chuan, darkar 24 a awm tlin chuan Ashkenazim tan Asur (Thiang lo) ani a, Sfaradim tan Mutar Pesakh ah. Tin, chu eitur chu a thak (purun, hmarcha, thil thur) a ro anih chuan a dan pangai ang khi, tin a ro lo anih chuan tu tan pawh Asur.


* Pesach atana hriattur pawimawh te .

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments