Oops! This site has expired. If you are the site owner, please renew your premium subscription or contact support.

HAKHOKHMA Post Post New Entry

Shabat Hagadol

Posted by Moshe Ilan on April 14, 2011 at 8:10 PM

    Tun Shabat hi Shabat Hagadol ani a, hei hi Pesakh thlen hma a Shabat hnuhnung ber chu ani. Gadol chu ropui tihna a ni a, amaherawhchu, Shabat chu Leshon Nekeva (hmeichhe tawng) ani si a engatinge 'Shabat Hagedola' ti a koh a nih loh tih chu zawhna ani a, hemi chhanna hi tam tak a awm a, chutah chuan he a Shabat ni hi aropui bik lam vang ni lovin, hemi ni a thil thleng chu a kawh zawk vangin, chumi ni a ni a Nes (thil tih mak) thleng vang zawk chuan Lashon Zakhar (mipa tawng) hman ani ta zawk a ni, 'Shabat Nes Hagadol'. Hemi ni hian Mitsraimah Israel te chuan Pesakh atana an talh tur Beram chu an khum banah an thlung a, Mitsrim hoten engvanga thlung nge in nih ti a an zawh chu chhangin, 'ni 14 niah kan talh dawn, tichuan kan ei dawn' tiin thudik chuan an chhang a, hei hi 'Pikuakh Nefesh' ani a, an nunna atana hlauhthawnawm anih avangin dawt pawh an sawi thiang a ni, mahse, tuman an hlau lovin, tuman kut an tawrh phah hek lo, (Pikuakh Nefesh anih nachhan chu, Kel chu Mitsrim hote Pathian a ni a, kan talh anga kan ei dawn, ti a an chhanna chu, huain an mahni (israel te) chu an tihhlum phah palh thei a ni).

 

   Tin, Birkat Hamazon a kan chiar thin 'harakhaman hu ishlakh lanu et Elyiahu hanavi zakhur latov, vivaser lanu besorot tovot yeshuot venekhamot…..' Malakhi 4;5 'Lalpa ni ropui leh rapthlak tak chu alo thlen hmain Elyiahu Hanavi chu ka rawn tirh ang che u,' atih kha hemi ni Elyiahu Hanavi lo kal ni tur, Mashiakh lo kal a rawn hrilh ni tur chu 'Shabat Yom Hagadol' hi niin, Shabat Hagedola ti lovin, Shabat Hagadol kan lo ti ta zawk a ni.

Categories: Judaism, Khagim, Kut ni te

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments