HAKHOKHMA Post Post New Entry

Parshat 'Metsora'

Posted by Moshe Ilan on April 7, 2011 at 11:52 PM

    Kan Parasha ah chuan Phar inthen thianghlim dan thu kan hmu a, Phar chu hremna chikhat a ni a, hei hi 'Leshon Hara' (mi relna / mi chungchang sawi vang) a sawi vang a ni .

 

    A phar tih Puithiamin a sawi veleh atangin mipuite lak atangin dai pawnah dah hran a ni a, a phar chu a lo dam hunin ni 7 dang dah hran leh a ni a, hei hi hremna chi 2 ani a, a 1na chu a chi puite chungchang a sawi vangin dah hran a ni a, a 2na chu a chhungte pawhin an ngaihteih loh vang ani a, hei hi Talmud ah ziah a ni a, 'Hai man deyahir, afilu anshei beitei lo mikabel' ti a ziak anih angin, ni 7 dang dah hran leh a ni.

 

    Tichuan, a ni 7 naah chuan, Puithiam chuan a Lu, a khabe/hmui hmul leh a mit kotlang hmul chu a meh kawlh sak a, hei hi hremna chi 3 dang leh a ni a, a lu meh kawlh anih nachhan chu, mi dangte aia chungnung zawk nia a inhriatna avanga 'leshon hara' sawi ngam ani a, chuvangin, amah a chungnung bera awm a sam chu amah tihmualphona tur leh a zahna turin meh kawlh sak ani, a hmui hmul meh kawlh sak a nih nachhan chu, a ka atanga mi dangte relna thu a phuh chhuahna chu ual au taka tihlana tih mualphona turin, tin, a mit kotlang hmul meh kawlh anih nachhan chu, midangte a melh itsikna leh thikna , a mit chapona chu tihmualpho leh tihzahna turin ani, Phar chungchangah hian Dan hrang hrang panga a awm a, chungte chu; (1)Zot Torat nega tsaraat-[Vaik'-13;59], (2)Zot Torat asher bo nega tsaraat- [14;32], (3)Zot Torah lekhol nega hatsaraat- [14;54], (4)Zot Torat hatsaraat- [14;57], (5)Zot tihie Torat hametsora- Torat hamotsi shem ra. Te an ni .

 

    Chuvangin, kan Khakhamim te chuan 'Leshon Hara' (mi rel) sawi tu chuan Torah bu 5 te a bawhchhia ani an ti a, tin, Phar hri vei hremna chungchang pawh kha chi 5 chiah an lo ni ve bawk.

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments