HAKHOKHMA Post Post New Entry

Pesakh tana Tui dehna leh tui herhhawna Kosher dan

Posted by Moshe Ilan on March 31, 2011 at 8:10 PM

הכשרת כיורים וברזים לפסח

1.Kior (tui dehna) Kharsina (hlum) atanga siam chu Tuiso hmanga kosher theih ani lova, chuvangin, sabon chak chi hmanga fai taka sil tur ani a, hei hi Khamets tuina awm reng reng chu tihbona tura tih a ni a, chumi hnuah Tuiso a leih tur a ni a, tichuan, Pesakh laia hman tur bika siam, akhuhna (keara) chuan khuh tur ani. (Hei hi dawr leh Shuk velah Pesakh hmain an zuar chhuak thin a, Shekel 15 man vel a ni a, 'Kior plastic lePesakh' an ti a, chu chu lei ngei tur a ni).

 

2.Tui dehna hmuna tui chhe luan chhuahna filter chu 'Hagala' hmangin a kosher theih a, amaherawhchu, a thar pawh Shekel 5 man vel chauh a ni a, a thar neih ngei chu a tha hle a ni.

 

3.Tui chhe luanchhuahna dawtah chuan Sabon chakchi chu leih luh tur a ni a, chumi hnuah Tuiso leih luh leh tur a ni. Hetia tih zawhah hi chuan 'Khamets' (dawidim) reng reng kan leih lut tawh tur a ni lo. Hetia Kosher hma hian Tui dehna hnuaia a tui chhe kawng hawn theihna lai awm chu hawn a tihfai tur a ni a, hei hi Pesakh laia Stima (inhnawh phui) awm lohna tura tih a ni, chuti lo chuan, Pesakh laiin Stima a awm chuan, Khamets hlui ho kha a lo let leh palh thei a ni.

 

4.Kior Nirosta (thir lam chi atanga siam tui dehna) chu Tuiso bawrh bawrh hmanga leiha Kosher theih a ni a, chumi hnuah tui vawta leih leh tur a ni. Tin, hei pawh hi Pesakh atana hman tura siam bika khuh chu a tha hle a, tin, hetia Kosher hma hian darkar 24 chhung hman lohva dah phawt tur a ni.

 

5.Berez (tui herhhawna) chu kum tluana ei leh in silna hmun a ni a, hetia sil lai hian dawidim (Khamets) per te leh a hu te chu a kai thin a, chuvangin, fai taka kan sil hnuah, a tui lum lam chu herh chhuah pahin a pawn lam atangin Tuiso chu 'kli rishon' atangin kan leih bawk tur a ni a, chumi hnuah tui vawta sil leh tur a ni. Tin, mi tam takte chuan a tui lo chhuahna hmawrah hian Pesakh atan bik a filter thar an dah thin bawk.

 

ספר הכשרות פרק ו


* Pesakh tana Chhuar vel tihfai dan.

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments