HAKHOKHMA Post Post New Entry

Pesakh tana Eirawng bawlna dawhkan Kosher dan

Posted by Moshe Ilan on March 24, 2011 at 9:55 PM


הכשרת שולחן השיש ואבנים לפסח

1. Choka a eirawng bawlna hmun atana siam lung hmang emaw, Shaish ang chi chu a keh emaw thuk taka a khi emaw anih loh chuan Tuiso puarpawleng awm hmangin a kosher theih a, tin, chu dawhkan chu a sir inhung kualna chu a bel a bel kai angchi anih chuan Kosher in awmzia anei lova, tin, Kosher theih pawh lo nise, kan kosher hma hian fai taka sil hnuah hman lohvin darkar 24 dah tur ani.

 

     Tin, kan kosher na tui chu puarpawleng awm anih tur avangin tui chu a sa tawk hle tur a ni a, atlangpuiin, hetia tuiso han suan thlak chiah hian a puarpawleng (buot) chu a reh thin avangin, he dawhkan chungah hian lung rawhsat emaw, Electric sa rawhna chu on sa chunga tuiso chuan leih hnan tur ani.

 

    Chu dawhkan chu Chhang nuai nan emaw Chhangphut khawih nana kan hman thin chuan fai taka sil hnuah Pesakh chhung zawnga lang thei lo tura khuh bo tur a ni. A khuhbo nan hian Aluminium Foil emaw hman a tha lova, tihthler palh a awl avang ani a, chuvangin, plastic lam langtlang theilo chi hman a tha. Hemi chungchangah hian fimkhur hle tur a ni a, chuvangin, Kosher theih chi pawh nise, khuh bo mai hi a him thlak hle ani.

 

2. Chaw eina dawhkan chu fai taka sabon chak chi nena sil tur ani a, chumi hnuah 'Kli Rishon' hmangin tuiso a leih tur ani a, tichuan, a khuhna in thuah hnihin khuh bo tur a ni, a khuhna hnuai zawk chu suih beh a tha a, hei hi Pesakh laia hawn palh lohna turin a ni. Tin, he a khuhna te hi Pesakh chhung zawng chuan hlih loh tur ani a, chuvangin kan hman dawn huanah a khuhna danga khuh leh tur a ni.



* Pesakh tana tui dehna leh a herh hawna Kosher dan.

 


Categories: Khagim, Kut ni te, Halakhot, Juda dan, Kashrut

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments