HAKHOKHMA Post Post New Entry

Pesakh dawna inbuatsaihna

Posted by Moshe Ilan on March 24, 2011 at 9:55 PM

הכנה לפסח

  Kan hma lawk ah khian Judate Kut thianghlim leh P' in a ropui zia leh a thiltih theih zia a puanchhuahna Kut ropui thianghlim Pesakh (Kalhlen kut) chu kan lo chuangkai dawn ta a.

 

   He kut hi kut dangte ang lo takin a khirhkhan bik em em a, he Pesakh kut ni 7 chhung hian kan in leh a vel reng rengah 'Khamets' (dawidim) reng reng  hmuh turin a awm thiang lova, chuvangin, a dan leh dik taka he kut hmang tur hian ahma ni 30 atang chuan lo inpuahchah lawk tan tur niin, kan inchhung bungrua leh kan thil neih reng rengte chu Pesakh tana Kosher thianghlim tawk niturin kan lo puahchahin kan lo inbuatsaih tawh tur a ni.

 

    Pesakh Halakhot dan leh dun reng rengte hi hun dang zawng aiin a khirhin a fir zawk a, hei hi a namai lovin, kan thlarau tan a ni a, chuvangin tumahin ngaihthah chi ani lo.

 

     Pesakh hmang tur hian chhungkaw mimal tinte chuan mahni theih ang zawng zawnga hma laka thil tih ve theuh tur a ni a, Juda chu P' thu pek dan hmanga nung kan nih angin, kan pheikhawk bun danah te, kan kawr kilh danah te, engkimah Juda tihdan a awm vek ang hian, Pesakh hmanna tura kan in leh lo leh buangrua kan buatsaihna ah te chuan a tihdan tur bik a awm vek a, engtin nge kan thuk te kan Fridge te lehkhabute chu kan Kosher ang? Engtin nge dawhkan Kosher dan? Coocker hi Pesakh atan ka Kosher theih em? Tihte chu a dan si se a awm vek a, chuvangin, kan zir loh chuan a tihdan kan hre lo anga, Pesakh laiin, kan tum miah lohvin Khamets nen Pesakh chu kan lo hmang palh thei reng a ni.

 

    Chuti anih avang chuan, thil kan tih dawn reng rengin kan ngaihdan a kan kal ve ringawt hmain, engtin nge hei hi tih tur? Ti a zawh hreh loh tur.

 

    Chuvangin, Benei Menashe unau zawng zawngte he kut thianghlim hmang tur hian i inbuatsaih tan theuh tawh ang u khai. Behatslakha



*Pesakh tana eirawng bawlna dawhkan Kosher dan.

Categories: Judaism, Halakhot, Juda dan, Khagim, Kut ni te

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments