Oops! This site has expired. If you are the site owner, please renew your premium subscription or contact support.

HAKHOKHMA Post Post New Entry

Parshat Shmini

Posted by Moshe Ilan on March 24, 2011 at 7:01 PM

     Parshat Shmini ah chuan Juda te tana sa ei thiang leh thianglo chungchang kan hmu a, Torah chuan Sa a tin kak chhuak leh thialret thial kawpte chuah chu kan ei min phal sak a, mi tam tak ten hei hi engvang kher nge tih chu kan inzawt nasa thei hle a, a then chuan sa thianglo ho hi chu mihring taksa hrisel na atan a that loh vang anihte an ring hlawm a, amaherawhchu, tun khawvel changkang ah mithiam ten an han chhui chian chuan, heng sa ei thiang ho hian khawvel a Ransa dang zawng zawng ei thianglo te anglo takin an nghawngah hian thisen zampui, an lu lama thisen pe chhawngtu chu pakhat chauh an nei a, chuvangin, sa talhtu 'Shokhet' te chuan an chem hriam tak maia chu a thisenzampui taka an zei veleh chuan sa chuan na pakhat mah hre lovin nikhua a hrelo zui nghal a, chu chuan 'Tsaar Baalei Khaim' (ransa chunga tawrhna thlen) engmah awm lo leh nunrawnna engmah awm lovin talh theih an lo nih phah ta a ni.

     Sa thianglo ho te reng reng chuan an nghawngah hian thisenzampui pahnih an nei vek a, chuvangin, a rual chiaha zei chhum theih anih loh avangin a pakhat zawk an zei lai chuan a pakhat zawk atang chuan thisen ala in hlan chhawng renga, chuvangin na an hriain an tuar thei ani.

    Tin, Juda te chuan kan eitur reng rengah hian kan fimkhur thei em em a, rannung te reuhte pawh kan tan chuan thil tenawm an niin kan ei tel thiang lova, (Vaikra 11;43) "chung chuan in intibawlhhlawh tur ani lo"  tih kan hmu a, hei hi a Hebrew ziak ah chuan (ונטמתם בם ) 've nitmetem bam' tiin a inziak a, hei hi a ziah dan tur dik takah chuan (ונטמאתם בם ) Alef hawrawp tela ziah tur ani a, kan so fo thin tawh angin, Alef chu P-thian hming sawina chi khat ani a, chuvangin, hetianga rannung te leh ei thianglo eite chuan an thil eiah khan a thlarau thianghlim (P' thlarau) a awm tel lova, chuvangin, Torah a a ziak ang takin an thil ei bawlhhlawhah chuan P' thu leh thlarau a tel loh avangin, a ziak ang tak khian 'Venitamtem bam' (in in khuh/phui ang) tiin a lo chhiar theih ta a, chuchu enge a awmzia kan tih chuan, hetianga ei thianglo eite hian, an taksa chhunga an thlarau (Neshama) P' atanga lo kal chu a khuh phui ta a, tichuan, an taksa pawn lam atanga P' thlarau thil reng reng Mitsvot (thupek) te, P' thu te, Torah zirna te leh thlarau lam thil reng rengte chuan an Thlarau (Neshama) chu a zuk pawh thei ta lova, chuvangin, hriatthiam theihna te, tuina te zawm chak duhna te an nei thei ta lova, chuchuan an mahniah P' thlarau a awmtir theih loh avangin, an mahniah P' malsawmna a lut ve thei ta lova, tichuan, P' thlarau in a chenchilh miau loh avang chuan an mahniah harsatna tam tak leh vanduaina tam takin a tlakbuak phah ta thin a ni.

 

Juda te Sa talh dan film - click here

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments