HAKHOKHMA Post Post New Entry

Parshat Vaikra

Posted by Moshe Ilan on March 10, 2011 at 8:30 PM

    Sefer 'Vaikra' chu Khumash panga te zinga a pathumna ani a, hetah hian Parshiot 10 lai a awm a, tin avai deuhthaw hian Puithiamte rawngbawl hna lam thu hlir a inziak a, chuvangin kan Khazal te chuan 'Torat Kohanim' tiin an ko bawk a ni.

 

    Israel te chuan an fa naupang te te te chu Torah an zirtir tan hunah Vaikra bu hi an zirtir tan thin a, hei hi 'Midrash Raba' chuan hrilhfiahin, naupang/te te chuan sualna an la tem ve lova, an la thianghlim a, chuvangin, he Vaikra bu, Kohen ten thianghlim chunga an rawngbawlna thu vel a inziah ang hian, mi la thianghlim (naute) chu thianghlimna thu an zirtir thin ani, tiin.

 

     Tin, Vaikra (ויקרא) tihah hian a Alef (א;) laia hi a te in ainziak bik a, chuchuan Alef-Bet a Alef a aintan ang hian Torah zir tan tur naupang te chuan an tet lei atangin he 'Vaikra' bu atang hian an inzir tan thin ani.

 

    Tin, he hawrawp Alef atet bikna hian a ziak tupa Moshe Rabeinu inngaihtlawm zia a entir bawk a, hetiangin; P-thian meuhvin a hnena lo kal tura a kohna chu, mipawimawh leh zahawm ko niawm taka hawrawp pangaia ziah chu a hreh em em a, Bilaam-a a kohna a 'Vaiker' (ויקר;) a Alef laia tellovin a ziah ang khan ziah a duh a, mahse, chu chu P-thianin rem a tih sak loh avangin, a Alef laia chu te reuh tein a ziak ta a ni.

Categories: Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments