HAKHOKHMA Post Post New Entry

Purim chungchang dan leh dun

Posted by Moshe Ilan on March 10, 2011 at 8:15 PM

דיני פורים

     Purim ah chuan Israel ten Akhashverosh-a ruai an kilna a ei thianglo leh Jentel Wine an in a an ei avanga Israel mi zawng zawng, Naupang atanga Tar thlenga tihchimih tura chung lam atanga Gzera (thu tlukna) siam chu Haman misuala kut atanga lekkawh tura tih anih thu kan hre thin tawh a, tichuan, Lalnu Estheri leh Mordekhai-a rawtna angin Israel mi zawng zawngte chuan an sualna ata chu inlamletin,        P-thian in a ngaihdam theih nan ni 3 chhung zet chaw ngheiin P-thian hnenah ngaihdam an dilna chu, Lalpa P-thian chuan lo pawm tain, an chunga Thu tlukna thalo a lo siam tawh pawh chu 'Khova al yadei khaiav' (ba tu hnena dawn tir ngeina) hmang chuan Hamana leh a chhungte chungah 'Nahafokhu' (a inlet hlauhin) hmangin a tlak tir ta zawk anih kha.

 

     He thu atang hian kum tina Purim kan hman thin chu hman awm hliah hliah anih zia chu kan hrethiam tawh mai awm e, ani taka, a tlarau lam zawng emaw a kan thlir chuan Purim chu kan taksa thihna lak ata Lalpa P-thianin min chhanchhuahna ni anih avangin hlim takin kan hmang ngei tur a ni.

      Amaherawhchu, engtia hman tur nge? Tih erawh chu, Juda chu dan hmanga nung kan nih angin, a dan taka hman chu kan kova innghat ani tih kan hre tur a ni, Shabat pawh Lalpa chawlhna ni ani a, kan serh tur ani, kan ti a, mahse, engtia serh tur nge? Tih chu, a Halakhot dan anga kan serh loh chuan kan bawhchhe palh thei ani.

 

     Chutiang ang chiah chuan, Purim ah pawh chuan Juda dana Purim hmang/serh kan nih theihna tur chuan a dan bik alo awm ve lehta a, tichuan, Purim hmang kan nih theihna tur chuan 'Purim Mitsvot' pariat ( 8 ) "Mitsvot Derabanan" an awm a, chung  te chu kan zawm ngei alo ngai ta a ni. Heng 'Mitsvot Purim' pariat te hi kan zawm loh chuan Juda dana Purim hmang nih kan tling zo dawn lo tihna anih chu.

Chungte chu;

1- Zekher leMakhatsit HaShekel.

2- Mikra Megila.

3- Matanot Leevionim.

4- Mishloakh Manot Ish Lereehu.

5- Seudat Mishte Simkha.

6- Amirat 'Al Hanisim' (Amidah ah leh Birkat Hamazon ah).

7- Kriat HaTorah.

8- Isur Hesped ve Taanit.

 

1- Zekher leMakhatsit Hashekel – Hei hi Purim dawn ni a Minkha zawhah emaw emaw tih tur ani a, engemaw vanga kan ti lo palh anih pawhin Purim ni pawhin ala tih theih, Shekel Chanve thawhkhawmna hriat rengna ani a, chu chu Beit Kneset ah Tsedaka bawma thlak tur ani, hei hi 'Harama' (Ashkenaz) chuan kan awmna ram pawisa hman thin Cheng chanve (Israel ah chuan Khetsi Shekel) chu a pawisa thir in pathum pek tur ani ati a, hei hi mipa kum 20 chin chunglam chuan a ti ngei tur ani a, he Mitsvah atih lai hian 'Zekher leMakhatsit Hashekel' tih hi a sawi tel tur ani (makhatsit hashekel ti ngawt lovin) ati a, 3 kher anih nachhan chu a Parasha ah vawi 3 'Truma' tih ainziah vang a ni, tin, ngaihdan dang a awmleh a, chu chu hmanlai a Shekel chanve hu awm vel tih a ni a, tunlaiah chuan Shekel 25 vel an ti an awm a, tin, Ram pawna hralh chhawng turte tan a מע"מ nen 48 Shekel vel ani a, amaherawhchu, chutiang tihdan anga kal te tan chuan Israel ram chhungah chuan a מע"מ tel lo chuan 34 Shekel ang vel ani.

 

2 - Mikra Megila – Estheri bu chu Savun lehkha a Ivrita ziak Kosher ngei chu chhiar tur ani a , tin , Juda danah 'Kavana' (tumna) pe chunga ngaithla tu chu a chhiartu anga ngaih anih dan a awm a, chuvangin, Megila pawh chu Savun lehkha zial atanga a thluk dan ang taka a chhiar thiamin a chhiar kan ngaihthlak chu kavana pe chungin a ziak kan lo enmil ve chuan a tawk a ni. Hei hi zanah leh zingah ngaihthlak tur a ni. Damlohna emaw vanga Beit Kneset kai thei lo chu Gabai inhriattir vat tur (a chhiar sak tu tur a rawn thawn sak theihna turin).

 

      He Mitsvot pahnite  hi Purim zana Purim Mitsvah kan tih theih te chu an ni a, a dang te chu Purim ni a tih tur an ni hlawm.   ( Al Hanisim chu Purim chhunga tih theih ani a, Purim luh atanga a chhuah thlengin, chutiangin, 'Isur Hesped' pawh. ).

 

3 - Matanot leEvionim – Mirethei pakhat aia tam hnena thilpek pek tur Mitsvah ani a, a pawisa pawhin a pek theih a, kan awmnaah mirethei an awm loh chuan, ni danga pek turin ka dah hrang thei bawk, mahse, ka dah hran a tal chu he Purim ni hian ka ti ngei tur a ni. Tin, ka dah hrana chu mirethei pakhat aia tam hnen ka thlen tir ngei tur a ni. Tin, mirethei pawh chuan he Mitsvah hi ati ve ngei tho tur ani.

 

4 - Mishloakh Manot Ish leReehu – Chaw atana eitur tling pakhat aia tam, Juda mi, mi dang hnena pek tur ani. tin, mipa leh hmeichhia ainpek theih lohva, mipa in mipa, hneichhiain hmeichhia, hnena inpek tur ani a, tin, chhungkaw hminga pek anih chuan, he dan bawhchhiat loh nan hian eitur 4 tal a tling tur a ni a, tin, ziakin emaw, tawngkamin a petu chhungkaw pa berin a dawngtu te chhungkaw pa ber, a petu te chhungkaw nu berin a dawng tute chhungkaw nu ber tan ti a ziak emaw tawngkamin emaw a sawi tel tur ani, chutiang zelin, tih tur ani. Tin, heta eitur inpek chungchangah hian a petu leh a dawngtu tana 'Kavod' (zahawmna) mila pek tur ani a, entirnan; Patling chuan a Ptling pui hnenah Chips emaw Bamba emaw mai mai a pek chuan a thil dik ani lova, chuvangin, a patling pui hnena a pek chuan, engemaw eitur zahawm deuh a pe tur ani. chuti lo chuan, he a Mitsvah tih hi a nihna tur dana a tih loh avangin, ti lo anga ngaih ani.

 

     Lusun אבל kum khat chhung chu tumahin 'Mishloakh manot' hi pek a thiang lova, hei hi a petu chunga tih lohtur Mitsvah innghat ani a, chuvangin, he dan hrelo tu hian Lusun hnena a pek chuan Lusun chuan a dawn sak tho tur ani a, a petu chu a zah palh lohna turin engmah a sawi belh tur ani lo. Lusun chuan 'Mishloakh Manot' Mitsvah hi a pe ve ngei bawk tur a ni.

     Tin, Lusun ni 30 chhung chauh inserh thin 'Minhag' nei an awm bawk a,  Tin, abikin, Sfardim ho chuan he Lusun kum khat chhung hian engmah 'Minhag' danglam an nei chuang lova, chuvangin, Lusun kum khat chhung pawh hian 'Mishloakh' chu an thawn theih ani.  

 

5 - Seudat Mishte -   Hei hi Purim ni ( zan ah lo ) a tih tur ani a, Seuda tih anih angin, hetah hian Chhangthawp ( Lekhem ) ei tel ngei tur ani a, tin, ruai anih angin chhungkua in emaw, then leh rual te nen chaw ei khawm tur ani a, chuvangin, chaw tuihnai leh zahawm ei tur a ni ( Al Haesh emaw vel tih mai mai ni lovin ) , tichuan, 'Mishte' ( Wine inna ruai ) anih angin he ruai thehna ah hian Wine a tel ngei tur ani a, tichuan, Wine  chu mipa ten ( Bar Mitsvah chin atangin ) an in tel tur ani, he Mitsvah ( Wine inna ) hi hmeichhe chungah a innghat lova, chuvangin, Hmeichhia ten an in tel ve tur ani lo.

      Tin, Wine kan intel hnuah hi chuan Zu lam pang ( Kosher ) chu a dang te pawh kan in tel thei bawk ang. Amaherawhchu, Minkha ( chawhnu tawngtaina) chu ka hmang leh dawn ani tih hriat tel ngei tur a ni a, chuvangin, Minkha huna tha taka ka inkhawm theihna turin, a ruih dan chintawk chu ka hre bawk tur a ni. Tin, hemi ni hian Minkha tawngtaina chu chhun lai taka an siam chuan chutah chuan inkhawm a, chumi zawhah Seudat Mishte hi tih a tha, mahse, Purim chu Yom Shishi a a tlak chuan zing lama 'Seudat Mishte' neih tur a ni.

      Mi tam tak ten mahni nihna leh awmdan hrelo khawpa ruih tur emaw an ti a, amaherawhchu, hei hi thil dik lo a ni a, Halakha chuan a phal lo a ni, chuvangin, Wine hi rui chhe khawpa in tur a ni lova, 'Khayav Inish Levasumei'' tih ani a, chuvangin, lu a kai chen thleng ang vel a in tur a ni, chu chuan Wine no 1 leh tlem ang vel a kawk ani, (he thu hi Yom Shishi 11/3/2011 a Harav Avraham Yosef שליט"א , Kholon Chief Rabi chuan 'Radio Kol Khai' ah a sawi ). Tin, Wine/Zu kan ruih a Rabi te tihdan emaw , kan Nu leh Pa te (an laka zahna 'Kavod' kan pek ngaite tihdan kan zir chuan  an Kavod kan tichhia tihna ani a, chuvangin, fimkhur em em tur a niin, Rui vak tura inzirtir tute chuan Rabi te dan siam an bawhchhia in, Torah dan an bawhchhia ani. 

 

      Shulkhan Aruk in a ziah , he Wine inna chungchang thu (סימן תרצה ב;) hi Beur Halakha chuan hrilhfiahin , Toarah leh Zawlnei te ziak atanga kan zir theih angin Zu ruihna chuan eng chena thil thalovah nge a thlen theih tih chu kan hria a, Tin, Purim ni a Zu kan in nachhan  ber chu   'Zu in ruihna' atanga Purim thawnthuah chuan Thiltihmak (Nes) lo chhuak ani a , hetiangin; Lalnu Estheri'n Lal thuthleng a chan theihna turin Lalnu Vashti-i chu Lal leh a khawnbawl zu rui ho hmaah a kal duh loh avangin, Estheri chuan Lalnu nihna a chan phah thei ta a, tin, Haman misuala chunga  chhiatna a thlen hlauh tak nachhan pawh Lalnu Estheri chuan Lal Akhashverosh-a nena a ina Zu ruai rawn theh turin a sawm a, chu veleh an eia a in in ruih tak chiahah chuan Lalnu Estheri chuan Lal Akhashverosh-a hnenah Hamana thil tihdan leh a ruahman dan chu a hriattir ta a, tichuan, P-thian thil tihmak chu lo thlengin, Juda te chunga thil thleng tura chu a ruat tupa Hamana chungah a lo thleng ta hlauh zawk a ni, hei hi Purim ni a Zu kan inruihna Mitsvah loh chhuah nachhan chu a ni a.

       Chuvangin, he Purima Zu/Wine kan in ruihna Mitsvah lochhuah nachhan leh a Mitsvah nihna chu kan theihnghilh tur a ni lova, kan hre reng tur anih avangin, kan rui hle tur a ni lo, sawi tawh angin, 'Ad delo Yada' tih lai thupui hmang hian mi thenkhat chuan Haman misuala leh Mordechai malsawm dawnga hrelo khawpa ruih tur ti a inzirtir thin an awm a, hei hi Halakha dan kalh ani a, he 'Ad delo Yada' tih Shulkhan Arukh Siman - תרצה  ב a inziak hi a awmzia chu 'Beur Halakha' leh 'Mishna Brura'   chuan Harama hrilhfiah angin, hetia Wine kan in hnu hian mutthilh tur a ni a, tichuan, kan mutthilh chuan,, 'Ad delo Yada' Mitsvah chu kan zawm chiang ta bal ani tiin, Halakha siam tu te chuan an sawi ani.   

     Lusun אבל  chuan a Lusun kum khat chhung chuan mi dangte nena Hlimna thil ( Mesiba / Party ) an siamna hmunah a tel ve tur ani lova, amaherawhchu, an chhungkua emawin an mahni inah emaw Tsanua takin an ti ve thei ang. 

 

6 - Amirat 'Al Hanisim' -  Purim dawn zan ( Erev Purim )  Arsi lan hnu atang hi chuan Purim tawp thleng chuan Birkat Hamazon ah leh Shmone Esreh ah 'Al Hanisim' chu chhiar tel tur a ni.  

 

7 - Kriat HaTorah -  Purim ni hian Shakharit ( Zing tawngtaina ) ah Torah la chhuaka chhiar tur a ni.

 

8- Isur Hesped ve Taanit -  Purim ni hian chaw nghei thiang ani lova, tin, Lusun chhungte tan 'Hesped' ( mitthi uina thu hla ) chu sawi thiang ani lo. 

 

      Tin , heng Mitsvot ho zawng zawngte hi 'Zekher leMakhatsit Hashekel' leh 'Mishte' tih chauh loh khi chu Juda mi zawng zawngin an zawm vek tur ani a, a mi mal malin, mipa leh hmeichhia te pawhin, tin, naupang, Gil Khinukh (kum 6 chin) vel atangin tih vek tur ani.

Categories: Judaism, Khagim, Kut ni te, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments