Oops! This site has expired. If you are the site owner, please renew your premium subscription or contact support.

HAKHOKHMA Post Post New Entry

Shabat ni a Kangmei chhuak

Posted by Moshe Ilan on February 24, 2011 at 9:00 PM

דין אם נפלה דלקה בשבת


1.Tawng thu chhe lovah Shabat ni a kangmei a lo chhuah chuan, kang mei chhuahna in neitu te chuan an bungraw hlu te chu chhan an tumna lamah Shabat chu theihnghilhin kangmei chu an thelh palh thei a, chuvangin, hmun danga chawi san theih thil ho pawh chu an chawi san thiang lova, amaherawhchu, a vawiin atana an mamawh tur chuah erawh chu an chhan thei, hetiangin; Erev Shabat ah chaw an ei hmain kangmei chu a lo chhuah chuan, chaw vawi thum ei chu an chhan thei a, zing chawi ei hma a kangmei chu chhuak anih chuan chaw vawi hnih ei, chhun chaw ei hma anih chuan chaw vawi khat ei.

 

     Tin, eitur te chu bawm chhunga tam deuh an awm chuan a bawm chawp chuan vawi leh khatah a chawi chhuak thei a, chutiangin, puan phahin vawi leh khatah eitur tam deuh pawh a lachhuak thiang a, tin, chung eina tur atana thil tul hmanrua te pawh a rual chuan a lachhuak thei bawk.

 

2. A neitu chuan midangte hnenah chuan 'hawh u in tan lo chhan ve rawh u' ati thei a, chu veleh ata anihna chu a bo tawh a, tichuan, midangte pawh chuan, an mahni tan eitur te chu bawm(bel,engemaw bungrua) chhunga dahin, an chhan thei ve bawk.

 

     Amaherawhchu, P-thian tih mi chuan a neitu pa chuan a duh vang renga ata nihna lak ata a hnawl ani lo tih a hriat avangin, a neitupa hnenah chuan a pe leh vek tur a ni a, tin, a chhan sak tupa chuan a chhan sak man chu a tel thiang a, hei hi Shabat ni a a hnathawh hlawh ani lova, a dan takah ama ta anih tawh avang ani.

 

     Amaherawhchu, mi ngilnei te chuan hetiang thu hlaah hian hlawh chu tel duh loh tur a ni.

 

3. Khing zawng zawngte khi Eruv awmna chhunga thil tih theih dan ani a, amaherawhchu, Eruv awm lohna hmunah chuan, thiang ani chuang lo.

 

        Eruv (Shabat huang) awm lohna hmunah Thawmhnaw te a chhan duh chuan, in chhunga a luh hunin thawmhnaw tam deuh a hak thuah thei a, tichuan, pawnah chhuakin chumi hmunah chuan ava in phelh lehin, a tinawn a ti nawn thiang bawk. Chutiangin, mi dangte hnenah pawh 'in tan thil va chhan ve rawh u' tiin, a sawi thiang bawk.

 

4. In kang te thenawm te chuan, an in chu a kang kai ve an hlauh emaw, an thenawm te in kang avangin an buangrua te chu a chhiat phah thei dawna an hriat chuan, Eruv awmna hmunah chuan an duh duh chu an inchhung atang chuan an chhan thei a, tin, 'Hefsed Gadol' thil hlu tam tak an hloh phah theih dawn na tur chi dinhmun anih chuan, an pawisa te, an ro hlu 'Muktse' ho pawh chu an chhan thei a, amaherawhchu, chutiang 'Muktse' (Shabat ni a chawi sawn thiang lo) ho an chawi sawn dawn chuan, engemaw thil thiang eitur emaw chu an chawi tel thin tur ani. Hetiang hlauhthawn awm dinhmun a din lohna hmunah chuan chawi sawn chu a thiang chuang lo.

 

    Tin, hetiang dinhmun 'Hefsed Gadol' hmuna dingte tan hian thil dang thiang chawi tel kher lo pawhin a chawi sawn theih ti an awm bawk, achhanchu, 'Hefsed Gadol' thut theihna dinhmuna dingte chuan 'Muktse' pawh an bawhchhe thei tih (dan) a awm avangin. Mahse Eruv awmna hmunah chauh.

 

5. Kangmei chhuah avangin Lehkhabu thianghlim reng rengte chu 'Reshut Harabim' (Vantlang huang) tih chauh lovah chuan, hmun thiang lo dangah pawh chawi chhuah thiang a ni a, tin, Vantlang huangah pawh chuan Jentel mi a chawichhuah tir theih bawk. Lehkhabu thianghlim chu a ip chawpin a chawi chhuah theih a, Tefilin pawh a ip chawpin.

 

6. Sefer Torah chu Lehkhabu dang aiin chhan hmasak tur a ni.

 

7. Mihring nunna atana hlauhthawn awm anih chuan, mei pawh chu a thelh theih a, Tin, Jentel te nena kan chen hona hmun angah pawh chuan Jentel in kang pawh chu a thelh theih bawk, mahse, nunna atana hlauhawm lem lovah chuan pawisa emaw thil hlu chhan nan Shabat chu bawhchhiain mei chu thelh thiang ani lo.

 

שולחן ערוך השלם - סימן פה

Categories: Shabat, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments