HAKHOKHMA Post Post New Entry

Enge i mumangah i hmuh ?

Posted by hakhokhma on February 20, 2011 at 5:19 PM

   Kabala chuan kan mutthilh lai hian kan Neshama(thlarau) chu Pathian chuan hun lo kal tur a thil lo thleng tur a hmuhtir thin alo ti a, chutiangin mang tha kan hmuh changte chuan kan hre rengin kan vawng reng tur ani a, a thlen dik kan duh phei chuan kan man hun leh ni leh kan mumanga te chu Diary ah kan ziak kai tur ani an lo ti bawk, tin mang chhia kan neih thinte chu Lalpa hnenah lawm thu sawi thin tur ani a, achhan chu Lalpa chuan min hmangaih em avangin thil tha lo kan chunga lo thleng theite min lo vaukhan nan min lo hrilh lawk thin tihna alo ni a, chuvangin chutiang kan man chang chuan a hnena inlamlet vata a duhzawngte tih vat vat a, kha ka mumang kha a thlen dik loh nan tiin chawte nghei thin tur niin,Tsedakate pek tur ani a, tin Mipa tan phei chuan a tuk zingah Minianah inkhawm nghal a Kohen ho ten malsawmna an sawi laiin kha kan mumang kha a thlen dik loh nan kan tawngtai tur a ni, tin mang chhia kan neih chuan atuk zing kan harh velehin 'Khalomot Shav idaberun' (Mumangin awmzia a neilo) tih chang tawite hi sawi tur ani a, chutiangin mang tha kan neih chang chuan zing thawh veleh 'Bakhalom Adaber bo' tih chang tawite hi sawi thin tur ani.

 

   Mutthilh hi

 

* Zan i mut hunah i mutthilh theih loh chuan Mitthi thawhlehna chungchang ngaihtuah rawh.

 

* Thlarau lama mi thianghlim chu a muhil tam ngai lo.

 

* Mutchhuak reng mai thin chuan a damdawi atan 'Shir Hamaalot' (chhoh hla) 15 te a sawi thin tur ani.

 

* Mutthilh tam leh Nguai ching tam chu thlarau thianghlimna atangin pawhhniam ani thinin, thlem tu

'Yetser Hara' in a hneh awl thin.

 

* I zan mutnaah engemaw hlauhna i neih chuan chhunah nangmahin awm falin , mahni chauhvin kawngah kal suh ang che.

 

* Mutthilh tamna chuan Retheihna a hring chhuak.

 

* Mitsvah tihna tura phur thin mi chu mutthilh tam tir ani ngai lova, chuchuan a thluak ati fingin a ti var thin.

 

* Mutthilh nan a rei berah darkar 8 a tawk.

 

      ***Mumang hi rin em em tur a ni lova, amaherawhchu, a thlen dik ve chawk avangin ngaihthah erawh a tha fo lem lo...

      Chuvangin, mumang hrilhfiah hun atana tha ber chu kan man tuk ni ah ani a, chuvangin, phone ah leh facebook lama zawt lovin, hetah hian (a comment naah) in mumang awmze hriat duh chu, ziak ula, tichuan, hun remchang hmasa berah kan rawn chhang thin ang.  Toda 

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

1 Comment

Reply Absalom
11:47 AM on April 22, 2011 
Israel chhungkuaa tlawh kan chak hle mai. Allenby haw hma zawng khan Israel mizo te kan buaipui thin. tunah chuan tun min hre ta lo. Mahse kan la hmangaih reng si. in news thar te hriat a chakawm thin lutuk. Lalthlamuana Hnamte Absolom Principal Home Missions School, Aizawl.