HAKHOKHMA Post Post New Entry

Hmangaihna ni thianghlim an tih chu (Yom Ahava)

Posted by Moshe Ilan on February 17, 2011 at 8:30 PM

   Juda te pawhin he ni Hmangangihna lantirna ni ti mai ila, 'Yom Ahava' hi Bible hunlai atang daih tawh khan kan nei ve a, chu chu 'Tu Beav' (Av ni 15) ani a, chutiangin, tunkar pawh khan Jentel Kristian te chuan ni thianghlima an neih ni pakhat 'Valentine Day' Hmangaihna ni thianghlim atana an hman chu an nei ve a, hei hi kum tin February ni 14 ah an hmang thin a, hemi ni lochhuahna hi Wikipedia a a inziah dan chuan, he ni hi Saint Valentine-a thih ni a nia, hemi ni denchhen hian Kristiante chuan mi thinghlim pathum an nei a, chung zingah chuan Claudious Hasheni Goticos Kaesar (Lal) anih laiin (Ad 496 lai vel) , he Saint Valentine hi Lunginah tantir ani a, tichuan, Tang vengtu fanu nen chuan an inngaizawng a, a chungthu chu thi tura rel ani a, a thih hma lawk hian he a ngaihzawng nu hnenah hian lehkha (Love letter) a thawn a, chuta tang chuan he ni hi Kristian ten 'Yom Ahava' (Hmangaihna ni thianghlim) atan an lo hmang chho ta a ni.

 

   He ni denchhen ang deuh hian ti mai ila, keini Benei Menashe thalai te pawh in, facebook (internet) lamah te thil kan post lang ve nasa em em a, hei hi a awmzia kan hriatloh luat vang pawh ani mai thei a , Lalpa P-thian chuan hetianga hnam dangte tihdan a ti ve lo tur hian a Torah thianghlimah chuan min lo vaukhan nasa em em a, (Vaikra 20;23) 'Hnam dangte dan ah chuan in kal ve tur ani lo', tih te, (Vaikra 18;3) 'An tihdan ang chuan kal ve hek suh u', tih te, (Dvarim 12;30)'Heng Jentel te hian engtin nge an       P-thian rawng an bawl, an tihdan angin iti ve ang u, tiin, an Pathian biak dan te in zawt vel tur ani lo,' ti ten kan hmu hlawm a, (Vaikra 20;26) 'Ka ta in nihna turin heng hnamte lak atang hian ka tihrang a che u' tiin, a fa a Thuthlung vauntu Judate hnenah heng thupekte hi min lo pe a, chuvangin, khawvel tihdan a lawm heng te chu kan tih liam puat hma hian, kan thil tih tumte hi en chian a, a awmzia leh anihna, alo chhuahna te hi tunlai khawvel changkang ah chuan mahni pawhin zawnchhuah ve a har lo em em a, mi tam tak chuan hengte chu hriat sa, tiin, zir ena kan en loh pawh ani mai thei a, rilru a ka Juda nihna a ruh tun chung hian, ka hawi zau loh luatah hre tawh ni a ka inngaih avanga miin an sawi laia ka ngaihthlak peih loh lai khan Torah a P-thian in a dan min lo pekte chu kan lo bawhchhe palh thei reng ani.

 

     Chuvangin, mi zawng zawngte Shiur naah te kan kal peih vek ziah thin lova, hetiang Chanchinbu/internet, Benei Menashe in tin thleng tura buatsaih te hmang tal hian a inhrilhhriat hi kan tihtur makmawhah kan ngai a, chuvangin, tunah pawh hian kim lo deuh tak chungin kan rawn telh ve hram hram ani e.

 

Wikipedia - http://he.wikipedia.org/wiki/%D7%99%D7%95%D7%9D_%D7%95%D7%9C%D7%A0%D7%98%D7%99%D7%99%D7%9F

Categories: Halakhot, Juda dan, Judaism, Khagim, Kut ni te

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments