HAKHOKHMA Post Post New Entry

Parshat 'Ki Tisa'

Posted by Moshe Ilan on February 17, 2011 at 5:50 PM

      Parshat 'Ki Tisa' chu Parasha sei tak chang 139 lai awm ani a, hetah hian 'Makhatsit Hashekel' chungchang te, 'Kior' chungchang te, 'Shemen hamishkha leh Ktoret' chungchang te, Shabat chungchang te, 'Lukhot hashniim' chungchangte leh thil dang dangte ziah a ni a, amaherawhchu a ni 40 na ni a 'Khet Haegel' (Bawng no lem din) sualna chungchang chu sawi bik deuh ani.

 

    Torah hrilhfiah tute chuan hetah hian Israel fate chuan P-thian aiah Milem (Bawng no lem) chu an thlang zawk ta tihna ani lo, tiin an hrilhfiah a, an hruaitu pa ber Moshe chu a bo hlen ta emaw an tih hnuah, Aharon-a hnenah chuan kawng kawh hmuh a hruaitu tur siam turin an dil a, tichuan, Aharon-a pawh chuan rangkachak te lo la khawm ula, tiin, mipuite chu a hrilh a, tichuan, Aharon-a chuan Mizbeakh a siam a, hetah hian naktukah Lalpa chawimawina siam ani ang, ati a, Aharon-a hian a naktuk a Moshe lo chhuk tur chu a hria ani.

 

    Amaherawhchu, an zingah khan 'Erev Rav' (Aigupta mi chhuak tel ve te) ho an awm ve teuh a, tichuan an ni ho chuan an dawi hmangin mipuite rangkachak lo lak khawm chuan Bawng no lem chu an din ta a, Israel fate hnenah chuan 'Hengte hi Israel te u, in P-thian Mitsraim ram ata hruai chhuak tu che u an nih hi' tiin an hrilh a.

 

    Hetah hian Israel fate chuan mak an ti ang reng hle a, mahse, Mitsraim ram ata an chhuah khan a hmasa berah Moshe Rabeinu chu a kal a, tichuan a zawhah Yosef-a kuang chu zawn ani a, Yosef-a ruang zawn tute hian Yosef-a Symbol (Bawng) chu an keng bawk a, tichuan, tuipui an kan dawn pawh khan tuipui khan Yosef-a kuang a hmuh khan alo nem tain a lo inthen ta anih kha, tichuan, an hruaitu ber Moshe chu a awm tak lohvah chuan a dawt chiah a kal Yosef-a (chhinchhiahna) Sebawng lem chu an kawng hruai zel tu tur atan an lo ring ta ani.

 

    Hetih lai hian Aharon-a leh a chipui Levi ho chuan Sebawng lem chu chibai an buk ve lo va, chuvangin, he Shabat Parasha chhiar hunah pawh hian, he 'Khet Haegel' lai chang hi Levi ten an chhiar thin a ni, hei hi, Sebawng lem vanga bawhchhiatna lak ata zahna tur an neih ve loh vang ani.

 

    Tin, P-thian aia milem biak zawk an thlan loh zia hmuh theihna pakhat pawh, a tuk ni a Moshe Rabeinu tlang atanga alo chhuk khan Sebawng lem chu Israel fate chuan an pet zui tawk nghe nghein, an maicham dina kang ral vek turin an tlanchhiat san bawk anih kha.

Categories: Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments