HAKHOKHMA Post Post New Entry

'Shehekheyanu' leh 'Hatov Vehametiv'

Posted by Moshe Ilan on February 10, 2011 at 7:50 PM

1. Thu lawmawm lam pang Mi rinawm tak hnen atanga a hmuh thu hriat emaw, mahni ngeiin kan hmu emaw anih chuan, keima tan chuahva tha anih chuan 'Shehekheyanu' ka sawi tur ani a, maherawhchu, chu chu midangte tan pawha tha anih bawk chuan 'Barukh ata " Elokeinu Melekh Haolam Hatov veHametiv' tih brakha chu kan sawi thin tur a ni. Chutiangin, chutiang thu emaw chu a hriat emaw, a hmuh hunah chuan, a awmna hmunin a zir loh avang thuhla emaw anih chuan, hmun danga a kal san hnuah pawh a sawi thei bawk, chutiangin, 'Dayan Haemet' Brakha pawh.

 

2. Kan chunga thil tha leh thil thalo ah pawh chuan P-thian hnenah lawmthu sawiin Malsawmna Brakha chu kan sawi ngei tur ani, "Bekhol Levavkha" (I thinlung zawng zawngin) tih anih angin, kan ngaiha a chhe lamah leh a tha lamah pawh amah Lalpa P-thian chu kan fak ngei tur ani a, Thu thalo lam kan hriat hunah chuan 'Barukh ata " Elokeinu Melekh Haolam Dayan Haemet' tih Brakha chu kan sawi thin tur ani a, tin, Thu tha leh Tha lo lam aruala kan hriat hunah chuan, a pakhat zawk zawk chauh chu sawi tur ani.

 

3. Thil tha leh thu tha lam kan hnena a lo thlen changin, ahnua thil chhia a chang leh thei ang chiah pawh, 'Hatov Vehametiv' Brakha chu kan sawi ngei tur a ni a, entirnan; Rangkachak kalo char ta a, Lal chuan a hriat hunah min laksak leh daih dawn pawh nise, Brakha chu ka sawi ngei tur ani.

 

4. Chutiangin, thil thalo ka chunga alo thlen hunah pawh , nakina la tha leh thei si ang chiah pawh, 'Dayan Haemet' Brakha chu ka sawi ngei tur ani a, entirnan; Thlai chi ka tuh veleh ruah alo sur ta a, chuchuan ka thlai te chu a tichhe vek a, mahse, ka thlai te chu an lo len deuh hnua sur zawk chu nita se chuan, ka thlai te chuan an thatpui ngei awm si a, tih angah te pawh, Brakha chu kan sawi ngei tur a ni.

 

5. Hun lola kal tura chhiatna lam thu emaw, Thil tha lam thuah Brakha lo sawi lawk chu angai lova, tun hun zir ang zel chauhvin sawi tur a ni.

 

6. 'Kol Ma Deavid Rakhmana Deavid' Thil thleng reng reng hi a khawngaihna azarin ala that zawkna tur ani ngai, kan ti fo tur a ni.

 

7. A nupuiin fapa ahrin chuan 'Hatov Vehametiv' Brakha chu a sawi tur a ni a, a nupui pawhin. Tin, a nupui chu a nau hrin veleh chuan boral tase 'Shehekheyanu' Brakha chu a sawi tur a ni, a naupiang chu a nupui tel lova , ama tan chuahva tha nih avangin.

     Chutiangin, a nau hrin hunah chuan a Pasal zawk chu a boral anih chuan, naute nu chuan 'Shehekheyanu' Brakha chu a sawi tur a ni.

 

8. A pa emaw, a chhungkaw dangte emaw, Talmid Khakham emaw an boral avanga pawi atih ang chiah chuan, 'Dayan Haemet' chu a Brakha pumin a sawi tur ani a, amaherawhchu, tunge maw alo boral hunah amah chuan inlaichinna a neih vak loh emaw, pawi atih em em hran lohvah chuan 'Barukh Dayan Haemet' ti chauhvin P-thian hming sawi tello hian a sawi tur a ni, tin, apa alo boral hunah chuan apa ro chu a khawm dawn chuan 'Shehekheyanu' Brakha chu a sawi tur a ni a, tin, apa ro chu a unaute nen an insem dawn chuan, 'Hatov Vehametiv' Brakha chu a sawi tur a ni.

 

9.  In a sak emaw, a lei emaw, bungrua emaw Thawmhnaw pawimawh chi a lei huna a hlim lai chuan 'Shehekheyanu' Brakha chu a sawi tur a nia, Thawmhnaw thar chu a lei hunah emaw, a man an inhlan fel hnuah emaw chuan Brakha chu a sawi tur a ni , hei hi a thinlung hlim lai tak anih vang ani.

 

10. Thawmhnaw a inbel / hak hunah chuan 'Malbish Arumim' Brakha chu a sawi tur a ni a, amaherawhchu, a zing thawh huna a hak anih chuan Shakharit laia a sawi chu nilengin a hmang thei bawk ang, Shakharit hnua a hak anih chuan a sawi nawn leh ang.

Tin, mi chuan Lukhum thar a leiin, a khum veleh 'Oter Israel Betifara' Brakha chu a sawi tur a ni a, tin, mi thenkhat chuan chumi hmunah chuan 'Ozer Israel Bigvura' Brakha pawh chu an sawi tel bawk thin.

Tin, mi chuan Tsittsit thar a lei hunah a hak/sin huna Tsittsit brakha a sawi hnuah 'Shehekheyanu' chu a sawi tur a ni.

 

11. Bungrua leh Bungbel thar kan chhung a kan hman tur kan lei chuan, chhungkaw zinga pakhat chuan 'Hatov Vehametiv' Brakha chu a sawi tur a ni.

 

12. Matana (Thilpek) kan dawn chuan 'Hatov Vehametiv' Brakha kan sawi tur ani. a petu leh a dawngtu tana hlimna anih vangin.

 

שע"ה סימן נט

Categories: Judaism, Musagim, Awmzia, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments