HAKHOKHMA Post Post New Entry

Adar Thla

Posted by Moshe Ilan on February 3, 2011 at 7:05 PM

חודש אדר

     Adar thla ah chuan Judate Kut hlim awm tak Purim kut leh Shushan Purim mai bakah Chaw nghei ni 'Taanit Esther' te a awm a, chu chang ni lovin, hemi thla hian Shabat ni a Parashat Shavua kan chhiar thin bakah Parshiot li kan chhiar tel thin bawk a, chung Parshiot te chu Purim hma Shabatot hnih te ah leh a hnu Shabatot hnih ah te chhiar ani thin a, chungte chu ; Shabat 'Shkalim' te, Shabat 'Zakhor' te, Shabat 'Para' te, leh Shabat 'Hakhodesh' te an ni a, hemi thla a Mordekhai-a leh Esther-i te hun laia P-thian thiltih mak ropui avanga Juda hnam pumte chhanhim kan lo nih tak avang chuan thla hlimawm tiin kan Khazal te chuan lo ruatin, 'Mishe-Nikhnas Adar Marbim besimkha' (Adar thla alo luh atang chuan hlimna tihtam tur) tiin.


     Shabat 'Shkalim' hi Rosh Khodesh Adar ah a tla thin tlangpui a, chutiang lova, kar laihawla a tlak pawhin Shabat ni a Maftir ah 'Ki Tisa'(Parshat Shkalim) chu chhiar thin a ni a, Beit Hamikdash awm lai chuan Adar ni khat ah chuan hemi changa 'Shkalim' thawh khawm chungchang hi chhiarin Israel mi kum 20 chin chunglam te chuan Beit Hamikdash a Korbanot vela hman tur atan Shekel chanve an thawh khawm vek thin ani. Tunlaiah chuan hemi hriatreng nan hian Pawisa thir pathum pek thin ani a, hei hian a entir chu hemi Parasha a 'Truma' tih thumal chu vawithum a inziah lan avang ani, hei hi Taanit Esther zawh Purim dawnin Beit Kneset a Kupot Tsdaka ah chuan an thlak thin a ni.


    Shabat 'Zakhor' hi Purim hma Shabat hnuhnung berah chuan Maftir chuan (Dvarim bung 25)na chu chhiarin hei hi Israel mi zawng zawngte chuan an ngaithla vek tur ani a, hemi chhiar hi Torah atanga thupek ani a, chuvangin damlo te tan pawh Beit Kneset a an kal theih loh pawhin an in lamah te an chhiar sak thin ani. Hei hi Amalek ten Judate Mitsraim ata kan chhuah a min lo tih dan kha hriat rengna tur leh, Van hnuai ata tih chimih ngei tura thupek chungchang ani.


     Shabat 'Para' hian Rosh Khodesh Nisan chu Shabat ah atlak chuan Nisan thla chu Malsawm thin ani a, amaherawhchu, Rosh Khodesh chu ni pangaiah a tlak erawh chua, Shabat Mevarkhin Khodesh Nisan hma Shabat niah chuan Sefer Torah pahnih lachhuakin Maftir chuan a chhiar thin a, hetah hian Parshat 'Khukat' ami bung 19 na ami Para Aduma chungchang inziak chu chhiar thin ani a, hei pawh hi Torah atanga thupek bawk ani. Engvangin nge he Parasha hi hemi Shabat hian chhiar kher anih kan tih chuan, Pesakh kut ni a, Jerusalem hmun thianghlima Pesakh kut sa te ei tur chuan intihthianghlim angai a, chumi intih thianghlimna tur atana inbuatsaih nan chuan ni 30 vel a ngai a, chuvangin hemi Parasha ah hian chutianga intihthianghlimna tur chungchang velte chu a tel avangin, Israel mipuite hmaah heihi chhiar rik thin a ni a, tichuan mipuite chuan inbuatsaihna rilru puin an lo inbuatsaih lawk ta thin a ni.


    Shabat 'Hakhodesh' hian Rosh Khodesh Nisan chu ni pangaiah a tlak chuan Nisan thla chu malsawm thin a ni a, tin, Rosh Khodesh chu Shabat ni a a tlak pawhin Parshat 'Hakhodesh' chu chhiar thin a ni a, Rosh Khodesh hi Shabat ni a a tlak chuan Rosh Khodesh Adar Shabat ni a atlak ang khan Sefer Torah chu pathum lachhuakin a pakhatna chu mi 6 in Parshat Shavua chu chhiarin, a pahnihna chu a chhiartu 7 nain Rosh Khodesh Parasha chu chhiar lehin, a pathumna chu Maftir chuan Parshat 'Hakhodesh' chu a chhiar ta thin a ni.

 

    Engvangin nge Parshat 'Hakhodesh' kher kher chu chhiar anih kan tih chuan, hei hi Shmot bung 12 na a 'In tan he Thla hi, thla chhiar tanna ani ang', tih awmna bung leh chang chu a ni a, hetah hian Nisan thla a Pesakh kut atana inbuatsaihna chungchang thupek hrang hrang a awm a, chungte chu a dan tur ang thlap a kan hman theih nan, he Parasha kan chhiar atang hian a inbuatsaih lawk dan kan lo thiam theih nan ani.

***Purim chungchang - click here

Categories: Judaism, Khagim, Kut ni te

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments