HAKHOKHMA Post Post New Entry

Kan thiltih reng reng chu Lalpa hmingin כל הכוונות לשם שמים

Posted by Moshe Ilan on January 20, 2011 at 9:31 PM

1.Kan Rabi ז"ל te chuan 'Enge Torah zawng zawng khai khawm thei tu chang tawi te ni ang?' an lo ti a, a chhanna ah chuan, 'I kawng zawng zawngah amah hre reng rawh' (Bekhol derakheikha daehu) tih hi ani an ti a, a awmzia chu, i taksa mamawh thil chauh i tihna ah te pawh Lalpa chu hre rengin a hming ropui nan ti thin ang che, tiin, chungte chu, i thil ei leh inah te, i kawng kal leh i thut leh i mut, i thawh leh i thil tihna reng reng leh i tawng chhuak ringawt ahte leh, i taksa mamawh kaihhnawih reng reng leh amah Lalpa P-thian tana i hun hmanga rawng i bawl hunte in amah hre reng leh a hming tih ropui nan iti thin tur ani.

 

2.Engtin nge ei leh in kawngah ama hmingin ka tih ang?

         Ei thianglo i ei tur ani lo tih lam ni lovin, thil kan ei thian ro rovah te pawh kan ril atam changa thil kan ei leh in thu hlaah atui kan tih vang leh kan taksa puar na tur vang ringawta ei lovin, amah Lalpa P-thian rawng bawl tura chakna kan neih theihna zawk turin kan ti thin tur ani a, chuvangin, kan ei chak zawng nazawngte chu Ui leh Sabengtung ang maia ei teuh ringawt tur ni lovin, kan taksa mamawh dan tawk turin eitur tuihnai leh hrisel chite chu kan ei thin zawk tur a ni.

 

        Chuvang chuan mi thenkhat chuan thil an ei hmain 'He eitur leh intur hi P-thian rawng bawl tura chakna leh hriselna ka neih theih nan ka eiin ka in duh ani,' an ti phawt thin.

 

3.Engtin nge thut leh din leh kalna ah ama hmingin ka tih ang?

         Fiamthu thawhna leh thu ho sawina hmuna thut loh tur tih te, thil thalo tihna hmuna din ve loh tur tih te, misualte thurawn anga kal loh tur tihte chu sawi ngai lohva hriat sa a ni a, amaherawhchu, mi hmuingilte zinga thut leh mifelte zinga din ve te leh, mi pawi sawi lote thurawn anga kalna hun thu hlaah te pawh mahni phur leh chakna vang mai maia tih tur ni lovin, amah Lalpa P-thian hminga tiha telve zawk tur ani.

 

     Amaherawhchu, chutiang kher khera mi thate zinga ka telve chang pawh a, ama hming chauhva tumna leh Kavana pek angaih dawn si avang a, chutiang Kavana ka pe thiam lo anih pawhin, mi felte zing atanga inthiar fihlim mai erawh chu kan titur ani chuang lova, kan telve luihna hram hram khan, nakinah ama hminga tihna (Lishma) chu kan rawn thiam chhoh phah dawn avangin, telve hram hram tum tur zawk a ni.

 

4.Engtin nge ka mut chang chu ama hmingin ka tih ang?

       Torah zir thei reng dinhmuna ka din laia keima chakna vang mai mai a ka mut bo daih chu tih loh tawp tur ani tih chu sawi lohva hriat sa ani a, amaherawhchu, mut hahchawlh hun alo thlen chang pawh chuan ka taksa nawm nan mai mai a riru pe a ka mut erawh chuan thil dik ani lova, tuna ka mut hi P-thian rawng bawl tura ka mit leh taksa ten chakna leh tha an neih theih nan zawk rilru leh Kavana chu kan pe thin zawk tur ani.

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

1 Comment

Reply Moshe Ilan
9:46 PM on January 20, 2011 
שע"ה סימן לא