HAKHOKHMA Post Post New Entry

Tu Bishvat

Posted by Moshe Ilan on January 13, 2011 at 8:25 PM

ט"ו בשבט

    Shvat thla ni 15 na chu Thingte kumthar ni a ni a, chu chu 'Rosh Hashana Lailanot' tih a ni a, hemi hunlai hian Israel rama thei rah hote chu an par a til hlawm vek tawhin rah an chhuah tan tawh ani.

 

    Halakha lam atang chuan he 'Tu Bishvat' hi Orla te, Neta Revai te, Trumot Umaasrot te chhiar na ni ani a, Orla leh Neta Revai chungchanga a thing kum zat chhiarna chu he Tu Bishvat hi a ni a, thing chu phun anih atanga a kum thum chhung chu ei thiang ani lova, tichuan, a kum lina rah chu Jerusalem a kena chutah chuan ei tur a ni a (keng kher lo pawhin Tangka hmangin a tlan theih bawk).

 

    Tin, Trumot leh Maasrot chung changah pawh thlai lam nilovin, Theirah bikah chuan Maaser Sheni nge Maaser Ani kan pek ngai tih chungchangah pawh he Tu Bishvat hian a hril bawk ani.

 

   Judate History ah he Tu Bishvat ni hi a bik taka Israel ram ngaihsanna ni ah hman alo ni thin a, Tisha Beav chu Israel ram chhiat ni anih angin, he Tu Bishvat ni hi Israel ram to duanna leh thatna, duhawmna ni atan hman ani thin a, hemi ni hian Israel ram bik thei chite ei nan an lo hmang thinin, chu chu tunlai thleng hian kan lo ching chho ve ta zelin, Israel ram chauhah nilo, Rampawna Juda te pawhin hemi ni hi Israel ram thei chi hote ei ni atan an lo hmang ta thin a ni. Hetianga Israel ram thei ei na ni atana lo siam chhuak tu hi Arizal (Rabi Itskhak Luria Ashkenazi) ani. Tin, hemi ni hian tawngtainaah 'Takhanun' an sawi ngai lo bawk a, hemi ni hian thei rah hrang hrang chi sawmnga ei thin pawh an awm.

 

   Tunlaiah pawh chhungkaw tin te chuan dawhkan chunga Israel ram theirah chi sarih zianga mite chu mawi taka remin hlim takin ei hona te an nei thin a, tin, hetah hian theirah thar leh tunkum chhunga an la ei ngai loh angte chu an dah tel hram thin a, hei hi 'Shehekheyanu' sawi theih nana tih a ni.

 

    Tin, hemi hun hi fa naupang te te te chu Israel ram hlutna zirtirna hun atan neih thin a ni bawk a, Israel te chu Zait (Olive) nena tehkhin kan nih ziate chu hrilhin, Zeitim chu a hriak hlu tak sawr chhuah nan chuan amah chu her sawm thin anih angin, Israel te pawhin he Israel rama thil tha leh malsawmna kan dawn theihna tur chuan kan tawrh hmasak phawt chu angaih ziate hrilh hriain, hlim tak chungin hun hman thin ani.

 

   Tin, hemi ni hi ni dang anglo takin hemi ni a thing phun hi a tha duh bik a, chuvangin, Israel ram tihmawi zualna leh Israel ram leilungah hian ka thiltih a awm ve ani tih lantir nan hmun hrang hrangah te chuan thing phun thin ani bawk.

 

   Hemi ni a eitur theirahte leh a rah ro te kan lei dawnin kan leina dawr chuan 'Teudat Kashrut' a neih leh neih lohte hriat a pawimawh a, tin, abik takin, theirah ro chi (theipui rah ro) angah hian pangang a tam duh avangin ei hmain en chian a, fai taka sil ngei tur ani bawk. In zavaiin Tu Bishvat Sameakh vek u le…

Categories: Judaism, Khagim, Kut ni te

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments