HAKHOKHMA Post Post New Entry

Orla ערלה

Posted by Moshe Ilan on January 13, 2011 at 8:25 PM

    Thing chu phun anih atanga a kum thum chhung chu 'Orla' ti a koh ani a, hetih hun lai hian arahte chu ei thiang ani lova, tin, phun tih hian a chin hun atang leh thing chu kum engzata upa pawh nise phun sawn anih atanga he kum thum chhung hi chhiar tur a ni.

 

    Amaherawhchu, phun sawn anih chuan a bul lei te chu ama dam pui theih tur khawpa zau leh thuk kan lak tel a, chumi chawpa kan phun sawn anih chuan he kum thum chhung (Orla) hi chhiar thar angai chuang lo.

 

   He dan hi Israel ramah chuan khauh taka hman tur ani a, achhanchu, hei hi Torah atanga thupek anih avang a ni, (Safek Deoraita lekhumra). Tin Ram pawnah chuan tlemin alak zam theih a, he Orla dan hi ram pawnah chuan 'Halakha le-Moshe misinai' dan a hman tur a ni a, chuvangin ram pawnah pawh a huam tho a ni, (Sfek sfeka lekula).

 

    A phun kum (thar ni) chhiar tanna chu Tishrei ni 1 ani a, a Kung kum (thar ni) chhiar tanna chu 'Tu Bishvat' (Shvat ni 15) ani a, tin, ni 30 chhung chu kum khat anga ngaih ani bawk a, tin, phun/chin anih atanga ni 14 chhung chu a zung kaih hun anga chhiar ani bawk.

 

    Chumi awmzia chu, 'Av' thla ni 15 na (Tu beav) a kan phun chuan Rosh Khodesh Elul ah chuan ni 14 a lo vei tawh anga, tichuan Elul thla pumhlum ni 30 chhung nen, avaiin ni 44 chhung alo ni hman anga, tichuan, Tishrei ni 1 (Rosh Hashana) ah chuan ka thing phun chu kum khat vei tawh angin ka chhiar thei ang, tichuan, chumi hnu atang chuan,  ka thing phun 'Orla' kum chhiar nan 'Tu Bishvat' chu ka hmang zui tawh ang. Tichuan, 'Orla' kum hun chhung ka chhiar zawh nan 'Tu Bishvat' vawi hnih ka hmang dawn tihna anih chu.

 

    He 'Tu Bishvat' vawi hnih a hman zawh atanga a kum leh 'Tu Bishvat' vawi thumna tur inkara a rahte chu 'Neta Revai' tih an ni a, chung thei rahte chu hmun thianghlimah (Beit Hamikdash awm laia Jerusalem ah) ka keng anga, chutah chuan ka ei tur ani a, amaherawhchu, keng kher lo pawhin Tangka hmangin ka tlan thei bawk a, chu ka tlanna tangka chu hmun thianghlimah eitur lei nan ka hmang tur ani.

Tin hetia Tangka hmanga ka tlan (Pode) anih chuan, chawi a awm a, chu chu (thei rah hmun 5 a thena hmun 1 ang hu = 20%) ka chawi tel tur ani a, hei hi 'Khomesh' ti a koh a ni.

 

    Temple awm lai chuan ka tlanna Tangka zat chu a thei rah man zat hu ang ani tur ani a, amaherawhchu, tunlaiah chuan Temple a awm tawh loh avangin, kan Tlan hrim hrim tur a ni a, mahse, kan tlanna leh chawi zat chu a theirah man hu ang zat kher angai lova, amaherawhchu, Sum hu nei zat te ber in kan tlan tur a ni , chu chu 'Pruta' an ti a, tunlai ah chuan Shekel 1 hmun 7 a then hmun khat (Shekel 1/7) ang hu vel ani a, tichuan, kan tlanna sum chu thil thianghlim anih avangin tih bawrhban tur ani lova, hemi atan hian Maaser Sheni kan Tlanna Tangka kha kan hmang thei bawk. Chu chu Shmita kum 4 na leh kum 7 na 'Biur Maasrot' kumin kan 'Mevaer' (tuma hman loh tura tihbo) tur ani.

Categories: Kashrut, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments