HAKHOKHMA Post Post New Entry

Pangang chungchang

Posted by Moshe Ilan on January 12, 2011 at 5:25 PM

דיני תולעים  Pangang chungchang dan

 

       Pangang leh Nungcha te chi Theirah chhunga mi emaw, Tui chhunga mi emaw, a ang chi reng reng te chu Torah chuan Shratsim (Rannung) tiin a kova. Torah chuan heng Rannung te hi kan ei palh loh nan hmun tam takah min lo hrilh lawkin ,kan fimkhur theih nan min lo warning nasa em em a.

 

     Vaikra (Lev) 11;41-45 , - ‘Tin , rannung lei chunga a bawha bawkvak chi zawng zawng chu thil tenawm an ni a, ei tur an ni lo. A tlenga tleng chi leh ke palia kal chi emaw , ke tam tak nei chi emaw lei chunga a bawha bawkvak chi reng reng chu in ei tur a ni lo, thil tenawm an ni si a. A bawha bawkvak chi reng rengin in intitenawm tur a ni lo va, in intibawlhhlawh phahna turin chung chuan in intibawlhhlawh tur a ni lo. Kei Lalpa in P-thian ka ni si a; chuvangin intithianghlim ula, thianghlimin awm rawh u; kei ka thianghlim si a, lei chunga cheng , avaha vak , a eng ang chi mahin intibawlhhlawh suh u.

 

     In P-thian ni tura Mitsraim ram ata hruai chhuak chhotu che u Lalpa chu ka ni si a: kei ka thianghlim si a, chuvangin nangni pawh in thianghlim tur a ni.'

 

    Vaikra (Lev) 11;10-11- ‘Tuia cheng zawng zawngte leh tuia nungcha awm zawng zawng zinga tuifinriata mi te, luia mite, pangparh leh phuhlip nei lo apiangte chu in tana thil tenawm a ni a, in tan thil tenawm a ni ang; an sa in ei tur a ni lova, an ruangte chu thil tenawmah in nei tur a ni.'

 

 

     Torah atanga kan hmuh dan hian Rannungte hi chi thumah then theih an ni a;

 

◦1) Sherets Hamaim - Tui rannung (eg; Hlit , Chungu, etc )

◦2) Sherets Haarets - Lei rannung (eg; Fanghir, thkai hrik , etc )

◦3) Sherets Haof - Rannung thlawk thei (eg; Tho, thlai hrik, etc)

 

     Kan Mithiamte (חז"ל;) chuan Rannung pakhat lek kan ei pawh hian Lav(vuak ngai khawpa thil sual) engemaw zat kan ti an lo ti a, hetiangin ;


Tui Rannung 1 kan ei chuan - לוקה 4 (Vuak 4 sual)

Lei Rannung 1 kan ei chuan - לוקה 5 (Vuak 5 sual)

Rannung thlawk chi 1 kan ei chuan - לוקה 6 (Vuak 6 sual)

  

    Heta tang hian Rannung / Pangang ei palh hlauawm zia chu kan hre thei mai awm e, Vawksa hrang khat Kezait kan ei hian a sualna len zawng chu (לוקה 1 , Vuak 1 sual) ang vel chauh a ni a, fanghmir pakhat kan ei palha a sual len zawng vethung erawh chu (לוקה 5 , Vuak 5 sual) ani .

 

 

Enfiah ngaite

 

* Rannung(בריה;) engtiat pawh a pum a ei chu Torah danin thil sual leh thiang lo a ni. Amaherawh chu, a pumhlum lo kezait tiat (26gr) tling lo kan ei palh chuan thil ti sual anga ngaih kan ni lova , amaherawh chu, a them hrim hrim pawh ei thiang a ni lova, tin , kan thil chhum ah rannung engtiat pawh lo tla lutin hmu zo tawh si lo ta ila , kan thil chhum chu ei thiang a ni tawh lo a ni, ( ei tur dang a let 1,000 pawh in a ti cancell thiang chuang lo).

 

* Thei lam chi reng reng Rannung bawm loha vawnthat chi , hetiangin; balhla, tomato , alu ang chi te chu enfiah sise kher a ngai lo a ni.

 

* Thlai leh Thei chi reng reng rannung bawm duh chi ang chi reng reng te chu ei hmain check ngei ngei tur ani a, kan hmu mai lo anih pawhin rannung bawm duh chi thlai a nih hrim hrim chuan check ngei ngei tur a ni , entirnan; Antam. Buhfai , meida.

 

* Thei leh Thlai kan dahthat, kan dahthat laia rannung bawmtu kan hmuh loh pawh nise , atui a lo keu hman maithei ang chite pawh check ngei ngei tur a ni , entirnan; thlai rep. kemakh.

 

* Torah in ei a phalloh rannungte hi mit lawnga kan hmuhtheih chin a huam a , mit lawngin a hmuh theih lo chin angte chu microscope hmanga en sise kher angai lo ani .

 

 

Ei tur leh in tura rannung awm

 

* Kan ei tur siam/chhum ah chuan pangang emaw rannung emaw 1 lek emaw 2 chin emaw kan hmuh palh chuan, engtia tih tur nge tiin Rav te zawh nghal vat tur a ni, tin , eitur siam ah chuan 3 chin lo awm in hmuhchhuah lo nita ang se ,(Shulkhan Aruch dan in); kan eitur siam/chhum/kan te chu avaiin ei thiang a ni tawh lo a ni , achhan chu , 3 chin a nih a vangin adang pawh a awm palh chu a rinawm tawh a ni , amaherawh chu, Rama chuan thlit fim emaw theih a nih chuan thit fim a, a eitur dang ho chu ei thiang ati ve thung .

 

* kan eitur siam ah chuan a apawn atangin rannung 3 chin pawh lo tla mahse , a eitur ami awmsa a nih loh avangin paih chhuah a aei tur a chu ei zui theih a ni. (Inti fir duh chu malsawmna a dawn ang.)

 

* Thei kan zei a, kan thei zei chhungah chuan pangang a lo awm a , apangangah tak mai chuan kan zei chum hmawk mai a, chutiang dinhmun ah chuan kan chemte chu fai taka sil nghal vat tur a ni a, chumi hnuah chuan a pangang awmna sir vel bawr chu zei thlak kual tur ani a, a pangang awm lohna lai , a fai laia te chu ei theih a ni. ( a theih hram chuan chutiang dinhmunah chuan chemte chu leiah hmun 10 ah vih tlum tur a ni a chutah silfai leh a kosher chu a tha ber a ni , hemi dan hi ‘Neitsa' tih a ni .)

Categories: Kashrut, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments