HAKHOKHMA Post Post New Entry

Wine chungchang

Posted by Moshe Ilan on January 12, 2011 at 5:20 PM

Yiain nesekh

1.Devarim (Deut) (32;38) ah ,"An in tur thilhlan Yiain intute chu," tih kan hmu a, hei hi 'Yiain Nesekh' tih niin , chu chu Yiain (Wine) Milem biak nana hman tihna a ni, chu chu Torah chuan in leh nawmsak (Goi hnena hralh) nana hman a phal lo a ni, a hnim a hnim thlengin.(Goi Hnam dang Puithiam leh Pastor ten Grape huan chu Malsawmna an lo pek tawh ami pawh a huam ani.)

 

2.Goi (Jentel) in Yiain (wine) milem biak nan hran lova akawl/neih chu 'Stam Yeinam' tih ani a, Derabanan atangin in leh nawmsak(hralh) nana hman thiang lo a ni.

 

3.Yehudi Yiain(wine) Goi (Jentel) khawih hnu , chutiang wine chu Khakhamim-te chuan in leh nawmsak (Goi laka Suma chantir) nana hman thiang lo an ti a, Ha'Rama (Ashkenaz) leh HaTur te chuan Goi laka Suma chantir erawh an phal a,amaherawh chu Poskim(Halakha siamtu) dang zawngte chuan Hralh pawh thianglo an ti thung a, tin, KHAWIH tih hi , Harav Dov Lior chuan ,'a thlit chhuah chuan tihna ani,' ati a, Harav Mordechai Eliyahu chuan,'Goi (Jentel) in wine chhin phui loh a rawn hmuh hlek pawh chu a khawih ang a ni,' ati. Tin, Goi(Jentel) zingah hian Milem bia (Oved Avoda Zara) anga ngaih loh an awm leh a, chungte chu; Naupang kum 5 hnuai lam (milem biakna awmzia la hre rual lo) ,leh, Muslim hote niin, chung ho chuan wine chu abur(a wine tak nilo) an khawih ringawt anih chuan in a thianga, amaherawh chu, an lo in palh emaw, an kut an lo hnim palh a nih chuan in a thiang tawh lo a ni.

 

4.Juda mi Shabat (befarhesia – Juda 10-te hmuh laia) bawhchhia (Khiloni) , Juda mi inti Kristian, Juda mi inti Muslim , Juda mi inti Bhudist leh chutiang ang mi Juda mi a Juda nihna phatsan tu leh Torah dan zawm duhlo mi(Kofer) leh , Jentel mi Juda nih duha Juda dan zir lai pawh ala in Giur hma chuan Goi (Jentel) anga ngaih niin, an wine khawih hnu chu Juda(Yehudi) tan in thiang a ni tawh lo a ni.

 

5. HaRama – Juda-in a dawrah Jentel siam wine azuar thiang lova, amaherawh chu , Juda wine Jentel khawih hnu chu Jentel te lei turin a zuar thiang ani.

 

Ben Ish Khai - Kristian Wine siam chu in leh zawrh thiang lo ani a, Muslim Wine siam chu in thiang lo a ni a, zawrh erawh Mutar (thiang) a ni, Jentel lei turin.

 

Arizal – Jentel miin wine chhin hawng a en hlek chuan a khawih ang a ni a, tin, a in chhin phui pawh a rawn khawih chuan thiang lo a ni ati.

 

6.Anavim (Grape) Goi (jentel) lawh atangin Juda miin Wine Bediavad(a tawk tawkin) a siam thiang a, Lekatkhila (atur ve rengin) chuan a siam thiang lo a ni.

 

7. Wine Bel emaw, Bur emaw, No emaw chu , Jentel leh Shabat tum ran chunga bawhchhe mi (No-4 naa kan sawi ho angte) khawih hnu chu a Kosher(thianghlim/hmantlak) tawh lova, chung bungbel te chu a hrana Kosher that leh an ngai ani, tin , chung bungbel chu Hlum atanga siam a nih leh lek phei chuan Kosher theih a ni tawh lova, mi dang hman palh leh tawh lohna turin tihkeh ngei ngei tur a ni , tin, Khavit Yiain(wine burrel) chu a Berez(herh hawnna) chutiang mi chuan a lo hawng palh a nih chuan, a chhunga wine chu leihbuak vek hnu ah Kum 1 (thla 12) chhung hman lohvin dah that tur a ni a, a kum lehah chuan a hman leh theih tawh a ni.

 

    Tin, chutiang mi (Jentel-te) chuan tum ran chungin , Juda-te tih tluk nan leh Juda-te an dan bawhchhiat tir nana a khawih lui a nih chuan, eng tihna mah nilovin in thiang a ni.

 

8.Wine sawrna hmunah Jentel miin a kein rawn rap ta se, in thiang a ni a, amaherawh chu Novin emaw rawn thalin rawn in tase , in thiang a ni tawh lo a ni, tin, Tsimukim (Grape ro) chu Jentel miin a khawih hnu chu ei thiang a ni a, amaherawh chu, Juda miin tui leihin lo sil ta se a huh lai chuan wine anga ngaih niin Jentel mi khan a khawih chuan ei thiang a ni tawh lo a ni. Tin, Wine chu Jentel miin Iashir(Direct) lovin a kawr hmawr emaw, a tiang emaw, a thil ken laiin tih palh vangin lo dek ta ang se, Mutar (thiang) a ni.

 

9. Wine bungbel Jentel khawih hnu chu , Thir lam chi a nih chuan Irui (Tui sova leih) hmanga Kosher tur a ni a, Zkhukhit(Darthlalang) atanga siam nih chuan ,Tum 3 tui vawta sil tur a ni, tin, Hlum atanga siam a nih chuan tih kek ngei ngei tura ni.

 

10. Iain Nesekh (milem biakna wine)(Goi (hnam dang) Biakin kai wine, eg; Sakramen) chu far khat lek pawh Juda wine Zem (Khavit) lian ah far palh tase , avai chuan thiang lo a ni a, Leiah leihbuak ngei ngei tur a ni. Tin, Stam Yeinam(milem biakna nilo Jentel Wine) chu Juda wine te nen lo in pawlh ta palh se, avai chuan Jentel hnenah hralh thiang a ni a, Sum lo lut atang chuan Jentel wine hu ang chu chhutchhuah tur a ni a, chuchuan Chi (Melakh) lei tur a ni a, tichuan , Chi chu Leiah chhun a, Tuia leihbuak hnan tur a ni. Abak , Sum, Wine Kosher hu anga kha chu neih thiang a ni.

  

11. Yiain Mevushal(wine chhum/chuan so) chuan , Yiain nesekh ,Stam yeinam leh Negia chungchang vel kha a huam ve lova, chuvangin , Jentel khawih hnu pawh a Mutar(thiang) ani, chutiangin, Wine khal/khang pawhin a khang lai chuan chutiang dan ang zawng zawng chuan ahuam lo a ni, Wine chhuan so tih hian , Degree 1000 aia saa chhum tihna a ni a, tin , a Taam(tuina) a danglam thleng ti an awm bawk, tin, chutiangin, Yiain Mefustar (wine hu hmanga siam) chuan Din Mevushal (chuan so ang dan) a hmang bawk a, Fistur (Hu siam) tih nan hian Degree 800 chauh hman a ni nachungin, Yiain Mefustar chuan a tuina a thlak danglam avangin Jentel khawih hnu pawh Mutar(thiang) a ni. Tin, Harav Shalom Eliyashiv chuan Yiain Efrat siam Mefustar chu Kidush nan leh Havdala nan hman thianglo (Asur) ani a ti, tin, Wine chungchanga kan fimkhur duh tak tak anih chuan Carmel Mizrakhi chauh hi hman atha , an ni hian a hnathawk tute leh a Grape huan nei tute zawng zawng chu P-thian tih mi leh Sakhawmi vek an hmanga, tin, Company pakhat chuan Talmud ah Yiain Kafrisin tih a awm avangin miin an lei duh phah nan tiin, Turkey ah Yekev(Wine factory) a siam a, amaherawh chu , chutiang 'Yiain Kafrisin' tih chuang kan hmuh chuan lei loh tur a ni, achhan chu a hmuna hnathawk tute chu Jentel mite an nih vang a ni.


Wine bur(bakbuk) chhin nan Sham(ahnawh luh chi) leh, a intuamna chi hman a ni a, a in tuama hi a Seal ang niin, ati thuah hnih tu a ni a, heng ang chhin hnih nei angte hi Jentel mi leh Khiloni in a duh duha a ken kual vel theih nana tih a ni a, Chhin khat nei chi (in tuam lo) chu lei loh tur a ni, tin, Khatuna(inneihna) leh Irua(thil lawmna) hmunah fimkhur hle tur ani a, Meltsarim(waiters) ho chu Dati(sakhawmi, Tsittsit ha ) an nih loh chuan a chhin hawnsa a in pek tir loh tur a ni , an mahnin hawn an tum a nih chuan keiman ka lo hawng ang tih vat tur a ni, Chutiangin, Koniak , Liker, leh Brandi tih vel ah pawh Grape atanga siam a nih chuan, Wine dan ang tho a keng ani tih hriat tur a ni.

 

12. Ben Ish Khai (פר' בלק ה"א;) chuan , Stam Yeinam (Jentel wine) chungchang hi a pawimawhin, Jentel mite nena inneih pawlh chungchang chauh ah lo, kan Khazal te chuan an Ruakh Hakodesh (Thlarau thianghlim zawl) hmangin an lo hmuin , a hremna a lian hlein, Olam Haba (Khawvel lola awm tur) ata a Neshama(thlarau) zung (Shoresh)hial khei chhuah theihna a thil sual lian a ni a ti.

Categories: Kashrut, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments