HAKHOKHMA Post Post New Entry

LESHON HARA VE REKHILUT

Posted by Moshe Ilan on January 12, 2011 at 5:20 PM

 1.”P-thian'in Miriami chunga a tih kha hre reng rawh”, hei hi ‘Leshon Hara’ kan sawi lohna tura Torahin min sawi hlauna chang a ni a, kan Khakhamim te chuan , “Miin thu tha lo leh thu dik lo a hriat chuan a kut zung tangin a beng chu a hnawh phui thin tur ani,” an lo ti a.

 

 

2. Leshon Hara chungchangah hian thiang lo (isurim) chi hrang hrang a awm a , chung zinga thenkhat te chu ; Rekhilut te , Leshon Hara te , Hotsaat Shem Ra te leh Malbin Panim te an ni a , an inan lohna Rambam (הל, דעות ז,ב;) ah heti hian a in hrilhfiah a, Rekhil(Rekhilut) – engemaw inrelna thu emaw mi chungchang thu kan hriat a dik emaw dik loh emaw a chhiatna tur pawh ni kher lo mahse amah kan rel pa awm loh na hmuna mi bula kan sawi chhawn vel thin hi a ni a, hei aia sual lian zawk a awm leh a, chu chu Leshon Hara sawi hi a ni a, Mi chhiatna tura mi chanchin mi dang bula thu dik kan sawi chhuah thin hi a ni a, tin , miin mi dang bula mi chanchin dik lo a sawi hi Hotsaat Shem Ra (hming tih chhiat sak) ani a, tin, hmai chhana mi hmaa mi tih zah hi Malbin Panim tih a ni a, hei phei chu Olam Haba a chanvo neih loh na leh hlauh phah theihna a ni.

 

 

3. Leshon Hara sualna hi a sawitu chungah te, a lo ngaithla tu chungah te leh an sawi a chungah te a in nghat a, Rambam chuan a sawitu aiin a lo ngaithla tu sualna chu a lian zawk ani ati, a chhan chu ngaithla tu an awm loh chuan miin Leshon Hara a sawi dawn lova , chuvangin a sawi tir tu leh khap thei tu chu a lo ngaithla tu kha a nih avangin a sual chu a lian zawk a ni a ti.

 

 

4. Mi chu Leshon Hara sawina hmuna a awm a, a kut zungtangin a beng chu a hup thei lo a nih chuan , a thinlungin ,”heng an thu sawi zawng hi dawt vek a nih hi,” tiin a sawi mawlh mawlh tur a ni.

 

 

5. Leshon Hara sualna ata inlamletna (Tshuva) siam hi thil harsa ber pawl a tling hial a, achhan chu, a sawi tu chuan a thil sawi chhuaha chu khawi nge a thlen tawh tih pawh a hre tawh lova, tin, a thil sawi chhuah chuan eng pawi nge a khawih tawh tih a hre pha bawk na hek lo, tin, a chanchin a sawipa lah kha a hmu pha tawh bawk si lo, tin, a chanchin a sawi pa khan a chanchin a sawi tih a lo hre lo mai thei a, chuvangin hrilh kher chu a ngamawm angem? Tih lah zawhna lian tak a tling ve reng bawk si nen, chuvangin, chutiang hlauhthawn thil a nih teh hrep chuan a siam thatna leh a tih dan tha ber chu, Rabeinu Yona in a lehkhabu ziah ‘Shaarei Tshuva’ a a ziah angin, Torah zir mai tur ani a ti, hei hi a tlanna (kapara) tha ber chu a ni a, zir pahin kan kavana ah ka Leshon Hara sawi tlan nan leh ngaihdam nan ti chunga zir tur a ni.

 

 

6. Tin, a chungchang a sawi pa laka Ngaihdam dil chu a zak emaw , athinrim palh a hlau a nih chuan, apangaiin ngaihdam a dil mai tur a ni, entirnan; ‘ I chunga thil ka tisual palh a nih chuan min ngai dam dawn nia, khawngaihin,’ ti ten emaw.

--------------------------------------------------------------------------------

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments