HAKHOKHMA Post Post New Entry

Din Tsvia BeShabat

Posted by Moshe Ilan on January 12, 2011 at 5:15 PM

Din Tsvia BeShabat (Shabat ni a Rawng siam chungchang dan) 

מפסקי מרן הראשל"ץ הרה"ג המקובל האלקי מרדכי אליהו זצ"ל

 

◦1. Shabat dan chungchang thu ah hian Juda mi tin te chu fimkhur hle tur a ni a, chuvangin thingpui emaw Coffee emaw in duh pawn Juda dan (halakha) hmanga a tih dan leh a siam dan a hriat chian loh chuan in duh hle mahse a siam loh mai chu atan atha zawk hle a, achhan chu, a hriat loh in awlsam tein Shabat a lo bawhchhe palh thei reng a tin ni. (מאמר מרדכי סי' א,עמ'מג;)

 

◦2. Shabat ni a Rawng hnawih chungchang thu ah hian a Dan bik a awm a, thil rawng nei chi reng reng dan pangaia rawng atana hman chi ang te chu tui lam chi emaw a sakhat ang chi emaw te chu Asur(thiang lo) a ni a, chungte hmang chuan rawng hnawih kher pawh tum hran lo mahse Shabat ni a khawih thiang lo (muktse) ani tho tho a ni, amaherawh chu, Rawng atana dan narana hman chi ang loh te chu Shabat ni ah hian Mutar (thiang) ani, tin, chung rawng nei si dan narana rawng atana hman loh ang chi te chuan Bekhavana( tum ran chungin) rawng a siam in a hnawih thiang chuang lo a ni. (מאמר מרדכי סי' א, עמ' לז-מג;)

 

◦3. Chuvangin chutiang zul zui chuan rawng kai nghet lo chi pawhin engmah rawng chei leh hnawih thiang a ni lo a, hemi dan atang hian Hmeichhiate pawhin an hmai , mit , hmui leh hmel chei te chu Shabat ni ah Asur (thiang lo) a lo nita a ni . (קיצוש"ע עם פסקי הראשל"ץ סי' פ' ס"ק כט;).

 

◦4. Tin , chutiangin, Thei leh eitur rawng nei chi kan ei a, kan ei na kuta a rawng kaite chuan kan kawr leh thil dangte chu khawih a lo thiang ta lova, kan khawih erawh chuan rawng hnawih kan lo ni thei dawn a, Asur (thiang lo) a ni . chuvangin chutiang eitur rawng nei chi kan eizawh veleh chuan tuiin kan kutte chu kan sil fai vat in , kan hru hul lehnghal thin tur a ni. Tin, chutiang eitur rawng nei chi eia abika kut hrukfaina emaw hrukfaina lehkha kan hman chuan Mutar (thiang) a ni ti an awm bawk. (שם שם ס"ק ל;)

 

◦5. Tin, Aieng leh Masala rawng nei chi te chu eitur ro chi angah te chuan phul thiang ti an awm bawk a, a chhan chu arawng chei tum hranpa kan ni lova, atih tui nana pawlh kan nih vang a ni an ti, mahse , aieng ang chi te chu thil tui ril lam leh tui ang chi reng reng ah te chuan phul leh pawlh thiang a ni lo a ni. A rawng a thlak chian avangin . (שם שם ס"ק לא;)

 

◦6. Shabat ni a Rawng hnawih chungchang dan bik ah hian thil pakhat hriat tur chu , mi mit hmuh a rawng atan verenga a tih ani maw tih tura alan theih chin chu thiang lo a ni a, chuvangin, Shabat ni a thingpui leh coffee siam chungchang ah hian a hmasa berin afe chu no chhungah dah phawt a, tichuan, no dang chhungah tuilum chu a bel atang chuan thlit chhuah a, chutah, chu kan tui lum thlit chu thingpui fe kan dahna no(hmasa ber) chhungah chuan thlit chhawn leh chauh tur a ni. (מאמר מרדכי סי' א' מב-מג;)

Categories: Shabat, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments