HAKHOKHMA Post Post New Entry

I hre tawh em?

Posted by Moshe Ilan on January 12, 2011 at 5:10 PM

1. Shir Hamaalot – Shabat ni a birkat Hamazon kan sawi hma a kan sak thin Shir Hamaalot sak zawh a, Benei Menashe in ka uar em em 'Tehilat H-shem yedaber pi' tih chang khat kan belh leh hram thin hi , heta 'Vivarekh kol basar shem kodsho leolam vaed' tih a tlar hmasa ber ami hi 'Vivarekh' tih tur a ni a, 'Vaivarekh' tih tur a ni lo.

 

2. Birkat Hamazon – Birkat Hamazon sawi hma hian ni pangai ah pawh shabat ni ah pawh 'Maim Akhronim' tih thin tur a ni a, hei hi Ashkenazim leh Sfaradim ho tih dan danglam chuang lovin, hman lai Sfaradim leh Ashkenazim tih la awm hma Talmud hun lai atang tawh a Juda te tih thin dan a ni. (atih dan – Birkat hhamazon sawi hma ,'Shir Hamaalot' sak hnu ah , chhang ei zawng te chuan kut hmawr tuia leih huh sek tur a ni a, leih huh a nih pah hian 'maim akhronim khova miderabanan' tih sawi tel thin a ni, tichuan, kan leih huh hnu atang hian 'Birkat Hamazon' sawi hma chuan tawng chhuah awih tawh loh a ni, tin, Birkat Hamazon kan sawi lai reng reng hian kan sawi zawh hma chuan engmah thil dang sawiin kan tawng chhuak thiang tawh lo a , kan tawng chhuak palh a nih vaih chuan, Thupek 10 dan bawhchhe tu kan lo ni palh thei dawn a ni, a loh thlawna P-thian hming sawi tu nihna niin , kan Bracha sawi chu 'Bracha levatala' aloh thawna Bracha sawi kan lo ni dawn a, chuvangin , abul atanga tan that leh tur a ni.)

 

3. Kedusha - Shmone Esre (Amida) sawi zawh hnu a, Khazan in a rawn sawi nawn hun ah 'Kedusha' hi hman thin niin, he 'Kedusha' hi tawngtaina thianghlim ber niin, sawi lai hian, a ri hre phak zawng zawng hmeichhia pawh mipa pawhin an thil tih lai , an thil chhiar lai, an kawng kal lai te chu chawl in, ding chung leh ke pahnih chip chungin lo sawi a lo chhan ve tur a ni a, amaherawh chu, Amida la sawi zo lo , la sawi lai mek te chuan a Amida sawi laia chu an chawl ringawt anga , mahse 'Kedusha' chu an lo chhang ve tur a ni lo.

 

4. Lemon - lemon(theithur) ei dawn hian Bracha 'Shehakol' sawi tur a ni, a chhan chu , Lemon chu Thei chi ni mahse, a hmanna ber chu chawhmeh tih rimtui nana telh (Tavlinim) chi anga ngaih a nih avangin, tin, thei lam chi reng reng kuta kenga ei mai chi ang ei dawn ah chuan Kut 'Bracha' tel lova sil ngei ngei tur a ni.

 

5. Mitpakhat - Nu ni tawh ho lukhum 'mitpakhat' hi , Juda dana Khatuna (inneihna) ti tawh reng reng hmeichhiate chuan an phelhthla thiang tawh lova, tawng thu chhe lovah , an Pasalte boral tawh leh, inthen tawh te pawh ni mahse an phelhthla thiang tawh lo ani, he dan hi engemaw Chhan(siba) hran bik tak te a nih loh chuan eng Rav lian mahin a phal tir(Metir) thei lo a ani , a chhan chu Torah dan a thiang lo (Isur Torah) anih vangin, kar hmasa kan Parasha (Naso) a kan hmuh angin, hmeichhia (Nu ni tawh)chuan a lukhum hlih thlak theihna dan pakhat chiah a awm a, chu chu, Pasal te laka UIRE leh ngaihzawng nei rinhlelh kai chhinchhiahna a ni.

 

6. Havdala – Shabat leh Kut ni a zawh veleh a 'Havdala' kan hman hian a hmangtu chuan Wine chu 'Reva kos' (No hmun li a thena hmun khat) aia tam ain tur a ni a, tichuan , Havdala hman zawh ah Bracha Akhrona(Meein Shalosh) chu a sawi leh ngei ngei tur a ni. ( tin, Havdala Wine hi Hmeichhia ten an in ngai lo ani.)

 

7. Shma Israel - Shakharit ah leh Arvit tawngtai naah 'Shma Israel' sawi a ni a, 'Shma Israel' kan sawi laia , Khazan in 'Ad-nai El-keikhem emet' tih a rawn sawi hun kan nghah laia hun awl rei lote awm lai hian tawng chhuah thiang lo a ni a, kan lo tawng chhuak palh a nih chuan ,kan' Shma Israel' sawi ah chuan 'hefsek' ( daidanna) kan siam tihna a ni a, (a awmzia chu 'Shma Israel' ka sawi ah chuan chu ka tawng chhuah a chu ka belh ve tihna a ni , chuvangin Torah a kan hmuh 'in belh tur a ni lova, in paih then tur ani hek lo' tih, Dan bawhchhetu kan lo ni dawn a ni.) (tin, 'Shma Israel' thumal te hi avaiin 245 chiah an ni a, Khazan in Thumal 3 'Ad-nai El-keikhem Emet' tih a rawn belh nen avaiin , Tih tur Mitsvot ho 248 zat chiah chhuak a ni a, chuvangin, kan lo tawng chhuak palh a nih chuan, chu a 'Kavana' nena thil inremsa pawh chu tichhe tu ah kan lo tang theiin, Kan 'Shma Israel' sawi ve a chu kan ti Kosher lo palh thei a ni.)

Categories: Musagim, Awmzia, Halakhot, Juda dan, Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments