HAKHOKHMA Post Post New Entry

Tefilin

Posted by Moshe Ilan on January 12, 2011 at 5:10 PM

    Tefilin zem danah hian tlemin tih dan in ang lo deuh a awm a, Tefilin zema a pawimawh lai ber chu , Lu a zem ah a hmun dik taka a kual chhuaka zem leh, Ban ah Ban puam laia a a zemna hmun tur dikta zem kual a chu a ni a.


Hetah erawh hi chuan eng/tu ngaihdan mah hrang lovin Israel zawng zawng te Zem na lai chu a thuhmun vek a, amaherawh chu a tih danah tlem in a danglam deuh a, Ashkenazi chuan Ban ami zem lai leh ,Lu a zem a nih laiin Bracha hran ve ve an sawi thin a, Sefardi chuan Ban ami chauh ah an sawi thin a, amaherawh chu, Ban leh Lu zem inkarah hian Engmah tawng chhuah thiang a ni lova, Ban a kan zem kual zat pawh a riin a chhiar thian lohva, chuvangin, Sefardi dana kal pawhin hemi inkar ah hian a lo tawng chhuak palh a nih chuan, Lu ami a zem hunah Bracha(Al mitsvat tefilin) chu a sawi ve ngei ngei tur a ni.


Tin, Poskim (Halakha siam tute) tam zawk te ngaih dan ah chuan, Tefilin hi Ding chunga zem tur a ni a, amaherawh chu, 'Khokhmat Hanistar' (Kabala)(Ben Ish khai) dana kalte chuan Thu chungin an zem thin a, tin, a phelh leh hun ah pawh hian, Israel zawng zawng te tih danah chuan Ding chungin Kut zungtang ami phelh phawt a chumi hnuah Lu ami phelh thlak ve leh a, chumi hnuah , Thu chungin, Ban ami chu phelh thlak ve leh tur a ni, amaherawh chu, engemaw avangin Thu chunga ka tih chu a lo harsa anih chuan ding chung pawh in ka phelh thiang tho a ni, tin, a zem danah pawh hian, Bana kan zem chu kan tawngtai hun chhunga a tawlh san loh nan tha taka veh tur a ni a, chutiangin 'Khokhmat Hanistar' dana kal te chuan a Yod insuihna lai a chu a Tefilin Guf(taksa) nen an veh hnan thin a, a veh dan zawng a pawh hi Ashkenazi leh Sfrad leh Sfaradim ho tih dan a in ang lo a, tin , kut bawr a, Hawrawp 'Shin' emaw 'Daled' emaw kan veh chhuah dan pawh a in ang lo a ni, chuvangin, kan bul hnaia mi tihdan ang ve ringawt a tih tur a nilo va,tin, a chhunga thuziak Harawp hman dan thleng chuan Ashkenazim te Sfaradim te ziak dan thlengin a danglam a.


Chuvangin, kei mah nin fel taka, a tih dan Nusakh leh Minhag chu kan thlan fel ve a ngai a, Ashkenazi dan ka hman chuan, Ashkenazi dan in ka zem mai tur a ni a, Chu tiangin, Sfrad leh Sefardim dan ka hman pawn chumi dan chauh chuan chawhpawlh lovin ka zem ve mai tur a ni. Tin, Tefilin zem hi fimkhur em em tur a ni a, Lu a kan zem kualna hnuaiah hian engmah a awm tur a ni lova, chuvangin, kan Kipah khum chu Tefilin hrui hnuaiah a awm em tih kan check tha tur ani, tin chutiangin, Ban puam laia kan zem a pawh chu, a hnuaiah engmah kan zem hnan tur a ni lova, a maherawh chu , Ban puam lai lovah entir nan Sana ang emaw te chu a zem hnan theih a ni, (mahse zem hnan loh chu thil mawi a ni) , kan Tefilin hrui te chu a bikin Lu a zem kual leh Ban puam laia zem te chu a in herh palh tur a ni lova, chuvangin a khat tawkin kan check thin tur a ni. Tin, Tefilin zem chung hian mutthluk thiang a ni lova, chuvangin, fimkhur theih tawpa fimkhur tur a ni.


Tin, Tefilin hi ni khat ah pawh vawi tam tak zem theih a ni a, amaherawh chu zem dawn a piangin, a bul atangin a Bracha vel chu sawi leh zel tur a ni a, (Rabeinu Tam Tefilin zem kawp thin te tan pawh) amaherawh chu, kan lo inthiar duh a nih chuan, kan hlip thla lawk anga, kan hlih thlak lai hian, nakinah ka zem leh ang tiin kavana kan siam anga, tichuan, Bracha tello in ka zem leh thei a ni, tin, Tefilin Lu a kan zem lai chu a lang thei a dah tur a ni a, Tsittsit a lu khuh pawhin a khuh tel tur a ni lova, a maherawh chu Ban a kan zem lai chu kan kawr ban emawin kan khuh bo hram tur a ni, kan khuh bo thei lo a nih pawh in, Ban Tefilin chuan khuhna te hran a neih thin hi rin nghal theih a ni a, chuvangin, hemi a khuhna te hi a tlak palh lohna turin fimkhur hram a tha,( Vehaia lekha leOt)(Velo le akherim) (I tana chhinchhiahna tur ani a, midangte tan nilovin) tih a nih a vangin. Chuvangin, Tefilin zem chungchangah hian Fimkhur theih tawpa fimkhur tur a ni a, kan zem danah kan tisual palh a nih chuan, thil sual pahnih ti ang kan lo ni tihna a ni a, P-thian hming a lohthlawna sawi tu leh, a loh thlawna Bracha sawitu nih na a ni, tin, Tefilin kan zem lai hian thu ho sawi thiang ani lova, tin , vawih thiang a ni lo bawk a, chutiangin, Dam lo hetiang taksa atanga thil chhuak thei laka in veng thei lo tur leh Naupang chutiang kawnga in sum nachang la thiam lo tan pawh Tefilin chu an tih ve kher a ngai lo a ni.

Categories: Musagim, Awmzia, Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments