HAKHOKHMA Post Post New Entry

FATE ENKAWLNA

Posted by Moshe Ilan on January 12, 2011 at 5:00 PM

Nu leh pa leh Fate inkar

 

    Israela Benei Menashe Nu leh Pa tam zawk te hi Nu leh Pa nisa a Israel ram a kal te kan ni a , hetah tak hian harsatna tam tak buai thlak tak tak a awm in, Nu leh Pa te tan lu a hai duh khawp ang tih chu a lang chiang viau awm e , a chhan pui ber pawh , India ramah hun tam zawk lo hmang tawh leh kan thil vei zawng leh kan thil ngainat zawng te a la hlui rup in , kan 'tarbut' (culture) te lahin min lo than hnan hneh tawh bawk si nen, hetah Israel ramah thil thar leh zia thar culture thar te nen thawk leh khata kan taksa awmna nghet tur tih vanga, chawp leh chilh a thlak rup thei chu ni ila a zia viau tur , amaherawh chu , chutianga Robot ang maia piang kan nih miau si loh avang chuan sawi tawh ang in, kan thil vei leh ngainat zawng te chu thlak mai harsa tiin kan In leh Huan vel ah te chuan thlai chitin rengte chingin , Um theih chitin rengte kan la Um nam ving veng zawng a la nih ber hi, chu mai bakah a hminga Nu leh Pa kan nih miau avangin ei leh bar zawng kawngah te leh chhungkaw chawmna te chu kan tihtur (duty) anih avangin thalaite angin thilte kan zir chhunzawm ve thei lova, chu mai bakah then leh rual te anga inkawmna hunte kan neih ve loh avang chuan harsatna tam takin min tlakbuak phah ta thin renga, hetiangin , tawng zirna kawngah te kan hnufual phah ta em em a, kan hnathawhna a kan hman khawp te chu thiam ve hlawm che che mah ila, in lama kan fate nen inbiak pawhtawnna (tikshoret) lamah harsatna tam takin min tlakbuak ta hlawm reng a nih hi.

 

    Kan faten an pianpui tawngte chu hmang chhunzawm duh miah lovin athente phei chuan an theihnghhilh in an tawng loh phah ta tawp reng a, athen la theihnghilh lo pawhin an hrethiam tawk tawk a, tawngchhuah erawh an harsat vang nge an tawngchhuak ngaita meuh lovin Ivrit(Hebrew) lo chu an hmang duh tawh manglo anih hi. Amaherawh chu, hetia tawng dang hmang lova tawng khat an hmangta hian a leh lamah chuan thiltha ala rah chhuah tir ngei in ka ring nghet tlat a, achhan chu kan Nu leh Pate huat thu suh ah hriat leh hriat hnu, an Nu leh Pa ten tawng dang an hman vanga politics thil chi hrang hrang lo irh chhuak tawhte leh buaina neuh neuh kan lo tawn tawhte chu tuna alan dan mai atang pawh hian atawp chu kan hnaih viau tawh in alang tanin ka hria a, amaherawh chu , he thilah pawh hian Nu leh Pate an pawimawh in an mahni kan fate ho hi kan chhuan lo la awm turte(Dor Haba) an ni tih hi kan hriat apawimawh a, an chhuan(Dor) alo thlen a, Nu leh Pa ten in chhawk tir tum lova kan vei ngai leh kan thil khel ngai kan khel reng chuan kan chhuan lo la awmtur an ni thalaite hi 'Dor Manhigut' nakina kan la hruaitu turte an ni tih kan hriat thiam sak a, tun atanga kan thil tih leh kan enkawl dan ten azir loh chuan an ni pawh tuna kan vei lai hri hi kan kai tir thei ani tih kan hriat atha hle in ka hria.

 

THALAITE

      Awle Thalaite han tih hian ka sawi tum zawk taka chu thalai nau deuhte(tleirawl ho) te chungchang hi han thlur tam deuh bik ila , achhan chu, tuna thalai tlem a upa deuh zawk kum 20 rualvel te ho hi chu kan sawi phakah pawh ka dah rih lova, a chhan chu mahni a duh thlang rual leh a hma a kan sawi tak nu leh pate nen khan an dinhmun in hlat teh ualin ka hrelo va, tleirawl te te kum 14-15 vel atang hian tan lak pui ngai hle in ka hria a, nitin a an awm tamna zawk heti laia lo awm sa Israeli ho bulah leh School a an awmna atanga an rawn zir chhuah leh in lama an rawn hawpui thin tam tak nu leh pa tana thil thar mak tak tak, an Nu leh Pate lu tihai thei tak tak a rawn awm ta nual a, kan hai rual loh tur chu heng kum rualte hi naupanlai nun pelh Nu leh Pa thlazarna hnuai atanga tlema zalenna neia an inhriat lai kum niin, in lama nu leh pa ten naupang chhe biaka an biak leh an chhawnchhaihte chu lo ning tan in khawlai nun an rawn tem ve tan hun niin an la naupang nunin chhia leh tha la thliar hrang thiam rual an la ni silo, pawnlama an lo chettlat tan tak avanga an nuna zalenna (Khofshiut) an chhim(Margish) avang a an hmuh apiang an mahni tana an nakin hun tur dawn mang hlei lova an tih chhin chakna thinlungte chu thil tamtak dawn hleilo te chuan an han ti chin vel tak tak a, anuam anti in inlam aiin pawnlamte chu an lo ngainat phah tanta a,chutah, pawnlama an awm lahin an thiante nen an titi tam berte chu hun lola kal tur(atid)lam sawi aite chuan tun hun hi engtinnge kan chen ang ? tihte thil hote te nawite te fin belhna leh thil chhuan tur awm lo te te te chu sawi loh, zahpui awm leh uchuak deuh hlekte leh thil sual tihchhin chakna te chuan an rilru leh an thinlung ahneh hun nun lai niin , an Nu leh Pa te hmuh loh lai hun rem chang (chance) an lo zawng ve chhen mai bawk thin a.

 

      A....  a chhe lam kan sawi thui ta zek a , khawnge, enge kan neiha, enge chhuan tur kan neih tih lam pawh a lehlamah chuan thlir tel apawimawh viau awm e, a leh lamah chuan Shabat zan inkhawm(Arvit) nate, inneihna(Khatuna) Mitsvah ah te chuan kan kim viau leh ang lawi si anih hi. Tih tak tak emah chuan sakhawlomi(Khiloni) Nu leh Pa nei pawh kan awm em ni ? Amaherawh chu , heti tak a kan dinhmunin chhiat tum ang a alang tamai hi mitinte, Nu leh Pa leh thalai ten mahni leh mahni kan inenfiah tawh chhin reng em? Nge, Nu leh Pa ten kan fate emaw Fa ten Nu leh Pa te kan mawhpuh zawk? Heti lai dinhmun tak hi hriatthiam leh zir ngai hle in ka hria , hetia kan dinhmunin derthawn lam apan a , ala intan chauh lai hian kei chuan kan la siam tha theiin, chhan nan khua ala tlai in ka hre lova, amaherawh chu, he hna hautak tak inchhawp ruah mai ah hian tuman chumi mawhphurhna chu ti bik lova, tumah inring tawn lova mahni leh mahni theuh in siamthat a, in enfiah chunga he hna hi tihtak zetna nen thawh tlana tan lak a hun hle in ka hria a, amaherawh chu hetiang thil titur hian a hmasa in engtin nge engti kawng zawngin nge ti ila ,tha ber ang tih hi fimkhur taka kan thlir hmasak hi angai hle ang, chutiang thlir thiam dan kawng thenkhatte ilo en ila:-

 

RINNA (EMUNA)

     Rinna (Emuna) han tih rikngawt hian amawlmang hle a, he thumal khat hian enge atluka? engchena sawi zau theihnge ? tih hi kan chhut chin tawh thin em? Kan mithiamte chuan miin Emuna a nuna aneih chuan thil dang amamawh tawh lo an loti thin hial reng a, chuvang tak chuan alawm kan Rabbi lian tak tak ten Emuna chungchang ringawt pawh lehkhabu tamtaka anlo siam thin ni. Keini ami ho mai mai zawk hian he thu awmze thuk zia hi hrethiam lovin ho deuh anga kan ngaih thin ni.

 

    Mahse, a tu apawh hi han inzawt tai la Emuna I nei em? Han inti ta hlawm ila, chawp leh chilh chuan "nei tehreng e" kan ti thlave rawk hlawm si a nga , amaherawh chu a awmze thuk zia hi tawng ka a 'Rinna' kan tih kan sawi liam puat thin hian a awmzia kan hriat thiam tawk loh vang ani tih ati lang viau ani. Amaherawh chu, kan hriatthiam loh chung chang sawi zauvak ai chuan kan hriat thiam theihnan he lehkhabu in a tum fa te enkawlna kawng a thil thenkhat tangkai deuh deuh tlem azawng ihan kaitawi dawn tehreng ang.

 

    Kan mithiam Rabbite chuan fate enkawlna thu hi tawngtaina ah hian 99% (za a sawmkua leh pakua) hi ainnghat tak meuh meuh ani an lo ti a, chuvangin fa enkawl na kawnga pawimawh hmasaber chu tawngtaina hi ani a, chutiang in nitina tawngtaina kan neih chithum Zing tawngtai(Shakharit), Chawhnu tawngtai(Minkha) leh zantlai tawngtaina(Arvit) te uluk tak leh kan theihtawka tumna(Kavana) pe chungin kan tawngtai tur a niin, chu kan kavana pekah chuan he kan tawngtaina hi ka fate thatnan tichunga 'kavana' kan pek thiam hi apawimawh hlein atakin achhanna kan dawng nghal dawn ani. Chutia tawngtainate kan tih zat zata, uluk taka kan thil tihah leh kan nuna kan lanchhuah tir chuan, upa in 'Sial rangin Sial rang a hring' an lo tih angin kan fate tan entawn tur thatak kan loni in chutianga kan nun na na na chuan an nu leh pate hming tichhe tu nih pawh an hreh ngei anga, chutiangin an thian kawmte pawn an nu leh pate zahawmna avangin an bula thilsual tih pawh an lo hreh ngei in, an mahni kan faten an lo tive anih pawn mak tih enin an en anga, engtikah emaw kawng dik lama kir tir tu tha tak pawh ala nih phah thei ani.Enkawlna /zirtirna(Khinukh)hi 'hmangaihna' ani a , kan 'khazal ' mithiamte chuan 'Pirkei avot'a an lo ziah bung (perek) א' naah chuan 'P-thian thilsiamte hmangaih tu chuan Torah a hnaih ani' an lo tih angina, mi kan hmangaih lohte chu an thatna turin kan zirtir peih kher lo ang, amaherawh chu, kan fate, awmlo a ta awma dintu kan nihna angin, enga tan nge engvangin nge engtitur in nge he leiah hian kan lo din chhuah ve a ? tih hi Nu leh Pa tinte, mahni leh mahni in zawh nawn fo angai a ni, ani taka, an silh leh fen te, an mamawh tin reng kan phuhruk te chu kan tih tur makmawh ani reng a, amaherawh chu, an silh leh fen tha tinrenga kan thuam a , an then leh rualte zinga rualawt lo te a siam chu kan tih tur nu leh pate chunga innghat tak meuh meuh ani nameuh maiin, amaherawh chu,ei leh bar kawnga kan chawmna ang te hi chu fate enkawlna kawng anilo tih hi hriat atha hle a, tin Education(Khinukh) tiin Schoolah te kan kaltir teh meuh mai a. Amaherawh chu , keini an nu leh pate pawh School kal chhuak vek tawh kan ni a, school ah hian kan nunkawng that nan hmangaih takin kan zirtirtute khan minlo enkawl reng em? School ah hian an va zir ber chu nakin ah an lo puitlin huna , an la baihvai lutuk loh nan ziak leh chhiar an lo thiam ve theih nan te, hna pangai hna tha an la thawh ve theih ve nan te, tun lai khawvel a zira rual an pawl ve mai nan chauh a zir an ni tih hi kan hriat thiam a pawimawh hle a, chuvangin 'khinukh' ah chuan abul pui ber , a pawimawh ber chu Nu leh Pa te kan niin , engmah lo ata nunna leh thlarau hial lo petu kan nih avangin apawnlam silh leh fen te bakah a chhung lam an thlarau nun leh an nun zia pawh chawm chho zel tu tur kan nih zia hi kan in hriatthiam a pawimawh in, kei ni an Nu leh Pa te lo chuan ,tu Nu leh tu Pa mah in min rawn siam that sak dawn reng reng lo tih hi kan hre chiang hle tur a ni.

 

     Tlema tleirawl nun khawlo deuh kan hmuh chang pawn, hei chuh a Nu leh Pa in an hmangaih nep deuh a ni maw ? tiila asual tam pui lovang, achhan chu han chhui let leh pawhin tlema an Nu leh Pa tena an thlah zalen deuh emaw an lo ni duh chawk reng a ni.

 

    Nu leh Pa ten an fate an thlah zalen na na na chuan ven pawh an veng him tha peih lo tih na a ni a, engpawh a chhe ber thlengin tawk mahse pawi an tih pui tam lo tihna a ni , Nu leh Pa hmangaihna an faten an tlachham tihna a ni, an fate pawh pawn lamah chuan tlema rualpui te aia uchuak deuh hleka che thin an lo nita thin reng a ni, chuvangin ,kan fate hi kan ro hlu, kan hmangaih tak tak te an nih ngat ngai chuan engah nge kan hmangaihna dik chu an chungah kan lan chhuah tir loh teh reng ang ni? Nu leh Pa ten tih tur kan va ngah teh lul em.

 

    Sawi tawh angin fate kan chawmna hi kan enkawlna 'Khinukh' ani lova, an nun kawng dik zawh tir tura kan zirtira , an nun kan khalh ngil sak hi 'khinukh' enkawlna dik kan pek chu a ni a, enkawl dan ah hian uchuak deuh hlek palha enkawl hi thil awm thei tak a ni a, entir nan; kan fate hi kan Sipai te an nilo tih hi kan hriat a tul tak zet a, chuti lova Sipai ang hrima tih luihna nen kan khuahkhirh bur mai chuan kan enkawlna kawngah chuan kan hlawhchham viau ang tih hi hriat a tha. Chu bakah fate thiltih kan chhuizui lutuk te , an kalna apiang kan hriat tum tlat te, an thil tih zawng zawng kan chhui sak si se te hi thil tul lo leh Fate enkawlna kawnga Nu leh Pa te min ti beidawngtu lian takah an tang phah thei hle bawk a, tin, Fate thil tih sual palh avanga an chunga thin tih ur vak leh hauh vak mai te hi atih atih miah loh tur hul hual a ni, tin chumai bakah hriat ngei ngei tur chu Fate zilh nan kan hau duh a nih pawhin an then leh rual emaw midang awm ve lain kan kam chhuah tur ani lo reng reng bawk a, an mahni an thinlung chhung ril na takin kan siam sak theih bawk bakah , an thinlung ril zahna deuh kan thlen sak thei a , chutiang thil chuan siam that lam aiin pawn lama inhrosak nan an hman phah theiin an thlarau nun chhungril thleng thleng tih chhiat sak thei tuah kan tan phah thei a ni, chutiang thil dinhmun tlema khirhkhan deuh kan kai tawh chuan asiam that dan tha ber chu ahmasa ber ah chuan P-thian a ni na meuh mai a, amaherawh chu, chumi dawtah chuan amah kan fa chu afalin emaw , biak kan tum tur a ni a, amaherawh chu, thil zep nei anga a lan chuan , Anu leh Pa a huat vang emaw, a Nu leh a Pa a zah vang leh ahrilh hreh vang ten an lakah thil zep anei a ni thei a , chutiang thilah chuan, faten an awm dan an thlak danglamin Nu leh Pa bulah te awm nuam an ti lo thin a, tin, in chhunga an awm pawhin an ti tauin an thin a chhe hlur thin a, chutianga Nu leh Pa ten abuaina hriat sak thei tura tlema harsa kan tih deuh chuan, a unau dangte emaw, athian kawmte atanga tanpuina dilte hi thil tih chi tak a ni a, amaherawh chu, chutiang tanpuina kan dil anih pawhin a unau emaw athiante bulah chuan amah chu rel ang ki emaw, amah hua leh ngei ang ki a kan lan loh hram a tha a, tin, chutianga mi kan pun a nih chuan engvanga pun nge kan nih kan in hre hmasa tur a ni, kan duh dan leh amah kan huat loh zia leh kan hmangaih zia engtiang pawhin lo awm se alam tang kan nih zia chu tih lan kan tum tel tur a ni, amah chu kan rila rah a ni sia , chutih rual chuan kan biak ate nen chuan amah puih a siam that dan kawng chu kan sawihovin kan dap tur a ni a, a chhan chu a thian te leh a unau te chuan thil engemaw zep pui chin an lo nei ru thei a, hetiang dinhmun thlen hnu hian an thian te lak atanga thu lak hi a tih chi duh khawp mai, tin, kan thurin bu Bible chuan kan fate thatna tur chuan kutthlak awih ti teh meuh mahse , engtianga thlak theih nge, enge a sawi tum? tih kan thlir hmasak loh chuan kan fa kan hmangaih lai kan rila rah te chungah hian Torah in dan khirh tak min pek ahman dan tur dik hre si lovin Bible sawi a nih vang maia, 'Ha aiah Ha' , 'Mit aiah Mit' tih a kan duat laite chunga ro kan rel mai zawngin , arah tha kan la seng tura chu kan tin nget vek zawk mai dawn a lo ni.

 

    Chutichuan , Fate enkawl dan tha ber leh tangkai ber chu, Sap thu fingin a sawi 'Bul tan that chu a lai zo ang kan ni' , atih ang deuhvin abul atanga, a lo pian phat atanga hma kan lak nghal a, Fate enkawlna kawng a mawh phurtu kan nih zia leh hna hautak tak a nih zia kan hriat thiam a, chutih rual chuan kan chunga nghawngkawl rit tak in bat chu zo tak a kan phurh a ngai ta a ni, Engtin nge chu nghawngkawl rit tak chu zo taka kan phuruh tak ang? Hetah chiah hian a phurtu thinlung chu a pawimawh ta hle a, 'I kawng zawng zawng ah a mah hre reng la , amah chu ring la , aman a ti vek ang', tih ziak kan hmuh angin, kan phurritte chu L-lpa engkim titheia chungah kan nghat thiam tur a ni a, tichuan Amah chu puitu turin kan sawm a nga, tin, puih tlak kan lo nih theih nan A rawng pawh chu rinawm takin kan bawl ngei bawk tur a ni. Tichuan nitin tawngtai a, Tehilim (sam) te chhiarin kan fate tan kan dil thin tur ani, tin , kan faten nikhua an lo hriat hun a , kan lola zirtir tur tawk P-thian thu leh halakhot te chu kan lo inzir lawk vete chu kan tih tur makmawh niin , alo sei len huna tlema Nu leh Pa mit tlung lo deuh tea a lo awm chang pawhin (mida keneged mida) 'mitin an thiltih ang phu zela thung rulh tur' tih ang deuhin, an lo that loh na lai deuh te chu, mahni Nu leh Paten in enfiah nana hman a tha hle a, 'Tshuva' kan siam vat a kan tawngtai chuan hmuh theihin a chhanna kan dawng nghal thin a ni, tin, 'Tshuva' siam min ti har thin tu ber Chapona kan neih hian that lam aiin chhiatna lam ah min hnuk lut duh zawk tih hi hriat tel a tha hle bawk a, kan thil tih dik lohva thiam zawka kan in ngaih luih tung na hian Chapona tlang chip ah min din tir thin tih hi hriat a tha a, tlang chip kan thlen tawh chuan lawn belhna a awm tawh lova, chuvangin chutiang tlangchhipa ding te chuan tlak thlak leh mai bak kan hmachhawn lo tih hriat a kan dik deuha kan in hria a nih pawhin , kan mi ropui tak tak kan pu Avraham an vaivut a in chan a, kan pu Moshe Rabeinu in engmah lo mai ain chan a, kan Lal David an Pangang a in chan angin in ngaitlawm zawk leh thiam lo zawk anga tan thiam vat hi a nihlawh thlak duh zawk chawk. Amaherawh chu , chutia kan in nghaihtlawm thiamna chuan Rah tha rah chhuah tir kan tum tur a ni a, a loh thlawn leh awmze nei lova in ngaihtlawm rikngawt chuan Samdala theipui tla nghak ang lek fam kan lo ni dawn a ni, sawi tak anin chutia 'Tshuva' kan siam rual chuan 'mida keneged mida' tih kan sawi tawh angin keimahni leh keimahni chu engvangin nge hetiang hian ka fa hi a lo awm mai le tiin, mahni thiltih sual kan in chhui let vat tur a ni a, mihrang, pum khat kan ni lova chutiang thil va awm thei suh tih ngaih dan kan nei a ni mai thei a, a awm viau thova , amaherawh chu, Nu leh Pa leh Fate in kar inzawmna hi thuk tak niin, keini mihringte hriat thiam phak bak piah lam daih thil a ni na chungin ti zawng hian tawite in sawi fiah I han tum teh ang, A hmasa ber ah chuan kan fate chu sawi tawh angin , awm lova ta awma din tu , Nunna neih tir tu leh an zirtirtu te kan ni a, kan ril a rah te an ni, tin, tawng thu chhe lovah, kan lo boral hnu ah pawh kan sualnate L-lpa rorelna hma a, min ngaihdam tir thei tu tur leh kan hremna tawrh tur min tih nep sak thei tu chu kan fate hi an niin, he leia 'Mitsvot' chi hrang hrang an lo tih te 'Torah' an lo zirte, 'Kadish' an lon sawi te hian an Nu leh Pate thlarau tan hremna an tih nep sak theiin, Van ram dinhmun sangah min hlangkai thei a ni, chuti khawpa he lei a kan awm lai mai bak leh kan thlarau nun thleng thlengin inzawmna a neih si chuan kan inzawmna chu rinhlelh rual a ni lova, 'Pate kholohna avanga Fate Fa leh thlengin ka hrem ang' tih kan hmuhte a tang ringawt pawh hian kan inzawm zia a chiang em em a, chutia kan faten hremna an tawn te , an awm khaw lohte in an mahni thil tih vang a puh sak ngawt lovin mahni an Nu leh Pa ten enge kan lo tih sual , engatinge ka fa hi hetia a lo awm mai le tih hi kan in en nawn fo tur a ni. Tin, chutia kan in en fiah hnu chuan 'Tshuva' A lama kir leh nan 'Tikun' (siamthatna) kan siam vat tur a ni a, 'Tikun' siam hi 'Emuna' P-thian a kan rinna zawng zawng Thinlung chhungril thuk atang a Engkim hi L-lpa ruat a ni tih hi kan rin ngheh thiam a ngai a, chumi awmzia kan hriatfiah thiam theihna tur chuan tun a ka Fa hetia anun a khaw lo ta hi L-lpan ka tan 'Tshuva' ka siam nana 'Remez' (hrilh thawina) min pek anih hi ti a, hrethiamin Rinna tak tak nen chutia kan tih rual chuan kan hun kal tawh a kan thil tih dik lo deuh te kan hrechhuak tur a ni a, chumi siamthat nana 'kavana' tumna tak tak pek ngehna nen tawngtai (tefilot) te kan uarin 'Brachot' sawi te , 'Tehilim' chhiar te, 'Tsdaka' pekte kan uar tur a ni, chutiang 'Mitsvot' kan tih lai apiang chuan rilru chhungril tawngtaina nen tangkawpin kan fa lo that leh theih nan ,'khawngaihin ka thil lo tih sual chumi kha mi ka lo tih ah khan min ngaidam in min hriat reng sak suh la, I van chungsang rorelna bu a ta min thai bo sak ang che ," tichung a lung chhe tak leh tih tak zetna tak tak nena kan dil tel chuan a chhan na chu kan rin phak bakin a lo thleng dawn a ni, chutichuan , chutianga thil te tham tak tak anga lang ah pawh kan tih zat zat chuan kan rilru ah 'Daaga' (thla phanna) kan nei lovin kan hlim a nga , kan fate nen chuan kan inkar ah 'Kesher' inzawmna an mahni rualpui ang tawk zel a biak thiam dante zir chung zelin thianah siam kan tum tur a ni, Inkhawm (tefilot) a kal ten aruala kal ho dal dal te, 'Sukah' sakna ah te sak ho te, 'Arbat minim' leina a kal hote , Mitsvot chi hrang hrang tihna ah te hruai a, duh thlan tir pah a, 'Kosher' dan te in zirtir pahin akhat tawk a hmun thiang hlim 'Kotel' , 'Makhpela' , 'Tsadikim' ho thlan ah te hruai zeuh zeuhte hmangin thian tha tak leh thian hnai tak ah kan siam thei dawn a ni.

 

     Hetiangin awmze neilovin Nu leh Pa ten In leh Lo leh Fate kan len chhuah bo san fo tur a ni lova, mi Ina infiam dur dur te, mi kawt laia thutkhawm tel tel na a thut ve tum ziah te, mi zinga thu ho te te sawi khawmna a tel ve zel te hi Fate mit hmuh atana thil mawi lo tak a ni in , an rilru chhungril atangin in ngaih nep tirna kan insiam thei a, chumi in a a rah chhuah chu a duh awm lo thin hle ang tih chu kan hrethiam mai awm e, amaherawh chu , Shabat zan ten khawlai fang kual a chhungkua a fate nena lenkual del del te hi a nuam in a tha in , chutiang chhungkua khawlai a hmuh chang chuan tu thinlung a tang pawhin an awhawm thin zia leh an in ngainat thiam zia leh an zahawm zia chu a hriat theih thin a ni, tin, Nu leh Pa te len chhuah vah a ni pawh in Shiur ngai thla a hmun dang a kal te , Dam lo kana len chhuah te Khawhar len pui a len chhuah te , chutiang Mitsvah ti a an len chhuah chuan an Fate ina lo awm lai miin, "khawnge I Pa , khawnge I Nu?" ti a zawhna an tawn chang ten Fate tan chhan a nuam duh in , azawt tu tan lah a chhanna chu a zahawmin thinlung chhung atanga ngaihdan lo chhhuak chu a dang zar mai thin a ni.

 

    Chuti lova awmze nei hlei lova Nu leh Pa len chhuah fo te hi miin ngaih loh lamah te an lo ngai palh theiin rin dan chhe pui pui te mi thinlungah kan tuh sak theih phah thin a ni, chutiang te te a kan invawn fimkhur a, kan nun kan uluk na na na chuan hetiang 'Matsav' dinhmun hi thleng lo tur ah in dah ila a sual lo duh viau ang. Tin, Fate duh zawng apiang lei sak te an duh zawng leinana pawisa pek ringawt te hi a tha ber fo lo chawk a, an thil ngen chu eng atan nge tih te , lo nei tase enge atan tangkaina leh hlawkna ahmuh ang tih te a thil neih hian eng dinhmun thalo ah nge a hnuh luh theih tih te chu kan hriat a tul hle a, entir nan 'Makhshev' (Computer) te, tun lai thil lar leh a tellova mithenkhat phei chuan awm theih loh emaw an intih hial angte hi thatna lai awm the meuh mahse, a tha lo lampanga Naupang nun zir lai khawih pawi thei tu lian tak a ni thei lawi a, chuvangin Makhshev neih pawhin kan Fa kan enkawl lai a chu a puitlina ama thu a duh thlang rual kum sawm pariat chin a nih hma chu 'Internet' pawh sak te hi thil thatna nei miah lo a ni tih hriat a tha, Nu leh Pa Bawl(Bum) in athatna lai sawi zeih zeih mahse , thil tha chu Internet hmang kher lovin Lehkhabu tha hmanga zawnchhuah tir tura thu rawn thin zawk tur a ni, Internet a kan hmuh theih reng reng hi Lehkhabu ah kan hmu thei ani tih hi hriat a tha , 'chhiar tam chu finna ani' tih hi an rilru ah tuh sak kan tum zawk tur a ni, tin, Nu leh Pa kan hnathawhna a zirte emaw, kan nihna a zirte in Internet chu kan pawh lo tul tase , kan Fate khawih theih loh tur a siam emaw, Makhshev a chu Nu leh Pa room ah emaw Sitting Rooma dah te chu Internet hman khawlohna laka Fate min ven sak tu tha tak a lo ni thei a ni, Tin , theih chuan Ina Tv kawl loh hi Fate 'Khinukh' pekna kawnga thil tha tak a ni a, Tv hian engmah tangkaina a neilo tihhi hriat a tha a, mahni leh mahni han inzawt ta hlawm ila Tv hi enge a thatna? Enge Tv atang hian hlawkna kan dawn? Tiin in zawt in , athatna chu chi 5 pawh sawi tur a awm lo mai thei a ni, chutiangin a chhiatna lam leh eng dinhmun ah nge min hnuh luh theih tih inzawt ve leh ta ila , kan Fate la rawn chin chhoh ve atan kan duh lo viau mai thei a ni, Tin, kan lo nei a nih pawh in mumal taka en hun leh engchin nge en theih ti a , mumal tak a chin dan siam te hi a tha hle a, chutiang hun ah chuan a hlawkna tlem erawh zawng kan char ve mah na , entirnan: (Khadashot) chanchin thar ennan te, chhungkaw film en te, Historia emaw, film tha en nan te chuan a pawi lo thova amaherawh chu, sawi tawh angina, kan inchhung ah chuan naupang nun zir lai kan nei a nih chuan neih rih loh chu a tluk a awmlo ani.

 

     Tin, Nu leh Pa ten nitin, zan mut dawn ah te hian vawiina kan Fa kan enkawlna ah enge Mama tan Mami tan zir tur awm emaw, enge vawiin ah zirtirna ka pek , eng thil thar nge a dawn tih te in chhut nawnin in bih let leh neuh neuh thin ila, chutih rual chuan vawiin ah enge a tih sual a, vawiin ah enge a tih dik loh tih te kan chhut ru thin tur a ni.

 

    An thil tih dik lohvah pawh a hremna lam tur leh engtin nge ka vau ang tih lam chhut sak ai chuan engtin nge a tih sual tawh lohna turin zirtirna ka pek ang, eng tin nge a bansan theih nan ka enkawl ang ,tih lam emaw, engatinge hei hi a lo tih mai le , enga tinge tih leh , tihduhna thinlung a lo neih mai le? tiin kan chhut let sak in , keimah vang em ni? tih thlengin kan chhut sak thin thur a ni, a chhan chu khawi hmunah pawh naupang chuan thil lo ti sualin ,engpawh lo thleng se , tunge a Nu le Pa , engang minge an nih? tih chu mitin zawhna hmasa ber a ni tho tho a ni,'Sial rangin Sial rang a hring, Sunhlu kungah thei dang a rah ngai lo' tih ang deuhin.

 

    Sawi tawh angina, atir atangin , a lo pian atangin inchhungah 'Emuna' dik nen P-thian tihmi ni tura kan lo beih pui hram hram a, a lo puitlin deuh Kum 13 vel thleng a zirtirna kan theih tawk tawk a kan pek a, 'Elokai Neshama she natata bi tehora hi', Aw L-lpa Neshama thlarau nunna min pek hi ava duh awmin a va thianghlim tak em, tih chang nitina kan sawi te hi kan hriat thiam tir thei ngat chuan kan fa chu 'Tsadik' a lo ni anga , a nun ah Emuna a nei tih kan hriat tawh chuan alakah kan 'Daaga' Lungkham pawh a lo tlem sawt a nga, keimahni leh kan Fate tan chuan P-thian tih mi chhungkua lo niin Chhungkaw awhawm kan lo ni dawnin , he kan lei hring nun tawi te hi kan tan Van ram tlafual ah kan lo siam dawn a lo ni.

 

    Tin, sawi tawh ang deuhin, FA mihring ngaihtuahna , chhutna , thluak leh thinlung nei enkawl tur kan nih angin, Nu leh Pa tin ten kan Fate enkawl leh entawn tlak kan ni reng em? Kan fa hian he ka thil chinthin a vang hian mahni ah zahna a la hmu thin a ngem? Tih hi a bul pui ber ah Fate kan engkawl hma hian hetiang ngaihtuah na leh , thil hlauhthawn theihna kan neih theihna lak a ta hi kan inti fihlimin , kan in enkawl in, kan in siam peih hmasa phawt tur a ni, tin, ahma lama kan tarlan ang deuhin, fate enkawlna thu ah hian Nu leh Pa te hi P-thian in Emuna rinna ah hian min buk in min fiah reng a, entirnan, kan fapa chuan kan thu hrilhte chu lo zawm duh lovin emaw, kan thu rawn thin te chu ngaithla duh lovin emaw, a unau te tibuai reng mite a lo ni palh thei a, keimahni kan in en let in , ka unau tibuai tu ka ni thin em? ka Nu leh Pa ten min zilh lai khan ka lo zawm duh lo thin em? Tih te kan in en fiahin kan rilru ah inchhir thu leh ngaihdam dil na nena thinlung tih tak zet a kan tih chuan P-thian mifiahna ah chuan kan ding zo tih na a lo ni dawn a ni, kan ring kher lo mai thei a, amaherawh chu kan P-thian hi mi fiah ching a niin, vawi engzat nge kan Pu Avrahama te leh mi dang dang te a lo fiah tawh dan pawh kan thu rin bu 'Tanakh' ah pawh kan hmu thei ang.

 

     Tichuan, chutiang fiahna laka kan hlawhtlin zel theihna tur chuan ,' Ha kol min Ha shamaiim' , kan tih thin angin thil reng reng hi Van atanga L-lpa rawn tih vek ani tih ah hian in nghat nghet ila , tichuan , harsatna emaw kan neih apiang ten keimahni inlam let nan leh, in enfiah nan lo hmang hmak hmak zel ila , tichuan chutiang fiahna kan dawn thin ah chuan hlawhtlinna rah chu kan seng thin dawn tih na a lo ni, tin, chutianga kan in enfiah a, kan in chhui let leh vat na 'Tipul Shoresh' azung atanga kan insiam that leh vatna chu ring lova , kan hma a kan fate avanga harsatna kan tawh chu P-thian ring duh lova atur ve reng a kan ngaih a, midang pawh an ni vetho a lawm ti a kan ngaih a, kan thlah zalen mai mai emaw,     P-thian puihna dil lova, mahni intih rem hriatna leh he khawvel thil atanga puihna lak kan tum tlat zawk erawh chuan , kan harsatna tawh chuan tawp leh fel lam aiin zual lam a pan tial tial in kan thunun theih loh chin thil hial hial ah min la hnuk lut zawk dawn a lo ni.

 

    Tin kan thil tawn reng reng ah P-thian hian mi thin chhia leh mi thin butut nei te , mi thin ram leh , thinrim chingte hi a duh loh zawng leh a huat ber te zing a mi a ni tih hi hriat a tha a, mi hlim thei tak pawh a lo thinrim thut chuan a thinrim rual rual chuan P-thian pawn a kal san nghal a ni tih hriat a tha a, chuvangin kan thil tihna kawngah harsatna tam tak kan kan in chhawp belh sak nghal tih hriat a tha.

Tichuan, emuna kan sawi kan sawi hi P-thian a rinna tihna a ni a, P-thian a rinna zawng zawng kan pek chuan lungkham leh lungngaihna pawh kan nei lo anga, tichuan, mihlim thei kan lo ni a nga, kan dam chhung hi lei van ram ah kan insiam in, kan in chan thei a ni.

 

     Ani lova, kan lungngaihna hian mihringhi duhloh thleng thleng min thlen tir thei in , duh loh dan deuh pawhin min nun tir thei ani tihhi hria ila , tichuan, engle khaw le, thil lo thleng a piangte chu P-thian tih a ni tih hriat thiam a, hlim luih tlat kan tum tur a ni a, kan lo hlim chuan P-thian pawn kan bula awm nuam tiin, ama tanpuina dila kana uh chang pawhin ahnai bik a ni tih kan hre tur ani, tin , kan fate chu Jentile ho chin dan hmun (Discotect , Pub, Mesiba, Drugs etc ) a kal an chin ve pawh in mahni in enfiah nan hman vat tur a ni a, hetianga ti ching emaw, kal ching emaw te hi an tet laia Nu leh Pa ten kut an lo thlak tawh te emaw, Nu leh Pa in an lung an lo tih awi loh tawh te an ni duh tlang pui a, hetiang dinhmun an lo chan tak avang pawh hian beidawn mai tur a ni lova, Nu leh Pa ten kan Fate lakah chuan kan hmangaihna kan lan chhuah tir vat tur a ni, amah kan hmangaih a ni tih ahriat thiam hma chu kan bansan tur a ni lova , zai dawh tak leh taima tak , hlim tak leh thinrim miah lovin kan bei tang tang tur a ni a, chutia kan tih tang tang chuan P-thian in min fiah na ah mark sang tak kan hmu dawn a lo ni, tichuan a lo that chhuah hnu ah pawh amah kan enkawlna chu kan ban san tur a ni lova, zawldawh takin kan chhunzawm reng tur a ni.

 

     Engpawh nise ahma lama enkawl dan tur kan han sawi tak anga abul atanga Fate enkawl pat mi chuan hetiang thil ah hian tlu lo tur ah in ngai phawt ila, chuvang a lawm sap hovin 'Bul tan that chu a lai zo ang kan ni ' , an lo tih reng ni, Hetiang kan han sawi tak ang zawng zawng ring lova mahni intih remhriatna hman tum lui tlata athil harsatna tawh te chu Emuna a tlakchham vang a puh duh lova Tawngtaina ring lova mahni pawh inbihchiang duh lova mahni ngaiha inti fing a, mahni a chinfel tum mi chu a fiahna tawn ah a hlawhchham chiang tihna a ni a, aharsatna dinhmun tawh mek te chuan hmuh theihin zual lam leh chhiat lam a pan thin a ani.

 

     Awle , atawp khar nan kan thil zir takte atanga zir tur kawng hnih Fate enkawlna te chu hetiangin han kai tawiin, han khaikhawm ta ila, a pakhatna :- A tlang pui ; fate enkawlna kawnga thil tha ber leh thil ti thei ber chu Tawngtaina 'Tefila' a ni a, mitin hian hun engemaw tlemte tal L-lpa engkim titheia hnenah kan fate enkawlna kawnga puih dila tawngtai thin tur a ni a, hetiangin; kan fate chu kawngdika kal tur a kaihhruiana dilin leh thian sual laka amah tihla tur leh , amah thiansual laka tihla tura dil ten, tin , a thinlung Torah lama ahman theih nan leh finna leh hriatthiamna te leh, thatna te dil sak tur a ni a, tin, chutih rualin , Nu leh Paten an entawn tlak kan tlin theihna turin an hmuhtheihin kan insiamthain kan nun kan fimkhurin kan uluk bawk tur a ni.

 

    A pahnihna; Fate tan kan tawngtai reng piah lam baka harsatna leh buaina lo awm thil ah , Nu leh Paten harhchhuah vat kan tum tur a niiin arang thei ang berin Tshuva kan siam vat tur a niin, hetianga buaina kan fa hmanga kan tawhhi P-thianin hrilhthawina (Remez) Tshuva kan siam nana min pek a ni tih hriatthiama, arang thei ang bera kan chunga tih tur lo tla Tshuva siam chu tih nghal vat tur a ni. Shma Israel H-shem El-keinu H-shem Ekhad.

Categories: Khinukh, Education, Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments