HAKHOKHMA Post Post New Entry

Harsatna sutkian dan

Posted by Moshe Ilan on January 12, 2011 at 4:56 PM

     Tawrhna kan tih hi kal kian tir hlauh dan kawng a awm a, anih loh vek pawn, He khawvel a mihringte tawrhna hi hmuh theih khawpa tih tlem dan kawng a awm a ni.

 

 

    Entirnan , Pa in a fate a hrem na chungchang angah.

 

 

    Fapa mawl chuan a pa hremna avangin apa chu a haw thin.

 

 

    Fapa tlema fing deuh zawk chuan – hremna a dawn avanga tawrhna a neih phah chu a duh zawng ni lo mahse, a thlawn in chu hremna chu a dawng lo tih a hrethiam thung a, chuvangin, engatinge apa chuan hremna a pek mai ? tih chu ain ngaihtuah in a in enfiah ta a, a hmuhchhuah hnu ah chuan, - a inpuan a, (a lo ni dawn tak maw tiin ) , a in chhir a, ngaihdam a dil a, tichuan, a tih leh tawh loh na turin ain tiam bawk a. Tin, a thil tih sual a hriat chhuah loh chang pawhin ngaihdam chu a dil hrim hrim thin a, ti chuan apa hnenah "Aw, kapa , tuna imi hremna chhan thil ka tihsualah min ngai dam hram ang che", tiin.

 

 

    Fapa chu ai pawh a la fing leh zawk chuan – apa hmangaihna chu a hria a, chuvangin apa hremna pek chu atan thil tha tur a ni tih a hria a, chuvangin, chu hremna chu hlim taka dawng sawng thiamin, apa hnenah chuan, "kapa , i mi hremna hian tum inei tih ka hria a, chu chu , keimah mi i thin harh a, i lam hnaih tir leh i duh zawng a ka nun i duh vang a ni tih ka hria e, chuvangin, i mi hriat avang leh ka kal sual thui hmaa i mi thin harh na ah hian ka lawm e kapa duh tak , chuvangin, khawngaih takin, imi hrem nachhan hi enge ka lak atanga i phut chu min hrilh rawh khai," a ti a, apan a hrilh hnu chuan, a lo ni dawn tak maw, tiin a in puan anga, chutah, inchhirna a siam anga, apa hnenah chuan ngaihdam a dil anga, tin, a tih leh tawh lohna turin leh a siam that nan" ka ti leh tawh loving tiin" a in tiam bawk tur a ni.

 

    Chutiangang fapa chu a darga a sang hle a, a chhan chu, a harsatna leh hreawm tawrhna a pawh a hlim thei a ni, amaherawh chu, famkim lohna a neih erawh chu, apa in a hrem hunah chuah a harh chhuak thin a.

 

 

    Amaherawh chu, fapa, pate hmangaih tak tak mi mitluantling a la awm leh a, chu fapa chuan, harhchhuah na turin hrem kher chu a nghak ngai hauh lo mai a, ani ve thung chuan, nitinin amah leh amah chu ain enfiah in a in chhut neuh neuh thin a, "vawin ah enge ka pan tih tur min hrilh? Tih tur min hrilh akha a duh dan thlapin ka ti em?" ti ten, "kappa duh dan in ka nung em?" ti ten, enge vawiin ah ka ngaih tuah tih te, enge ka sawi, tih te, enge ka tih, ti ten a inngaihtuah thin a, Tin, apa duh zawng ang thil a tih tha ah te chuan a hlim a, chutiangin , a thil tih tha lovah te chuan a inchhir a , tin , apa hnenah chuan , apan a chunga thil tha a tih sak zawng zawng chungah , hetiangin; a chawmna thu ah te, a enkawlna thu ah te, a zirtirna thuah te, finna a zirtirna ah te leh thil dang dangah te chuan lawm thu a hrilh thin a, tin, a thil tih that loh ah te chuan, ka thiam loh a nih hi tiin, inchhir thu a siam thin a, ngaihdam a dil bawk thin a, a tih leh tawh lohna turin a intiam bawk thin a ni.

 

 

    Chutiang fapa nei Pa chu a thla a muang in, a hlim em em dawn a, a thinlungah te chuan," aw, ava duh awm tak em, hetiang fapa a chunga thil tha tih hrethiam leh thil tha tih duh mi , hrem pawh ngai lo fapa, hrem hma hma a in hmuchhuak thiam thin fapa , a unau dangte ka hrem ngaih hun ah pawh ka in nghahfak ngamna fapa , ka nei hi chu ka va han lawm tak em, a thil tih sual a in hriat chhuah loh ah leh a tum loh a ka thu anga a kal loh hun ah te , hetiang ang fapa , thil tihsual hlau em em a, mahni in enfiah reng mai mi hi , a hriat loh laia a thil tihsual palh a , ain hmuh chhuah zawh loh ah chuan ka hrem kher dawn em ni ? hrem ai chuan, ain hriat chhuah theih nan dam tak leh hmangaih tak in kan hrilh thawi teh zawk ang, tin , chu lo rengah, hetiang fapa hi chu a thil min dil chang ten pek a nuam thin in, mi a dil ve chang pawh hian a phu bik hliah hliah thin in , pek loh hi a nuam lo zawk thin mah a ni," ti ten a in ngaih tuah thin dawn ani.

 

 

     Tin, chu Pa chu in ngaihtuah a, duh thu sam chhunzawm zel chungin, "aw, ka fate ho hi nitin ka bulah lo kal thin in, min han be seuh seuh se aw.... an thil mamawh tinreng te min han dil thin se aw... an mamawh te chu ka pek thin dawn teh reng nen, ka fapa , hriat thiamna nei lo , ama thatna zawk tura ka hrem chang pawh a ka laka thinrim thin pawh khan ka hnenah rawn kalin min han be seuh seuh se, a thil mamawh te min han dil se chuan aw aw kei mah lo chu pe tu tur an awm loh vei nen, aw... ka hmangaihna a hriat thiam nan tal a duh zawngte chu ka pe mai tur", ti te in, a in ngaih tuah thin a.

 

 

    He entirna thawnthu hi chiang deuh a ngaithla a hrethiam tu chuan, a tak tak ang chiah a nih zia a hrethiam anga, nu leh pa tin ten kan fa ten nitin min be seuh seuh in, an chunga thil tha kan tihah te lawmthu kan hnenah rawn sawi seuh seuh in, kan thu lo zawnga a awm palh chungah te ngaihdam rawn dil seuh seuh thinin, kan bula awm an thlakhlelh zia te rawn sawiin, kan lam hnaia awmte min rawn dil thin ta chu ni thin seng zawng, chutiang fa chu ka hrem ang maw? Hnai lo mai.

 

 

   Chuvangin, chutiang ang fapa pa hmangaih thiam mi nih kan duh chuan, nitinin darkar khat vel tal fianrial hun pindan chhungah emaw, ramhnuaiah emaw te kan insiam thin tur a ni a, chutah chuan Kan Pa van ami Lalpa Pathian chu biak seuh seuh thin tur a ni a, a duh zawng thil tin reng sawi in ngaihdam dilna thu te, khawngaih dilna thu te, Amah Engkimtitheia hnenah chuan a kiang hnaia a awm theih nan a thlen seuh seuh tur a ni a, chutih rual chuan amah leh amah pawh chu ro relna hmaa ding ang main ro a in rel in a chungthu a in rel tur a ni , chumi awmzia chu; a thil tih zawng zawng chungah te, a ngaihtuahna hman tak zawng zawng chungahte , a tawng chhuaka a thil sawi zawng zawng chungah te, a chet dan dik leh dik lovah te chuan ro a in rel thin tur a ni a, tin, a thil tha tih chhunah te chuan a thinlungin a lawm thiam in a hlim thiam tur a ni a, chutiangin, a thil lo tih dik loh ah te chuan, keima thiam loh a ni tiin, chungnung bera hnenah chuan ngaihdam a dil gnhal bawk thin tur a ni a, inchhirna thu siamin, a tih leh tawh lohna turin a in tiam nghal bawk thin tur a ni.

   

    Chutiang chuan kan damchhung chuan fianrial neih chu kan ching thang in kan ti thin tur a ni a, nitinin kan chungthu ah ro nimin ka fianrial hun atanga tun ka fianrial hun thlengin kan inrel thin tur a ni , chutianga kan tih thin chuan , kan chunga thil hlauhawm te, kan chunga tawrhna te harsatna leh hreawmna te chu kan in lak kian sak hlauh thei dawn a lo ni. A chhan chu ," he leia rorelna a awm chuan, chunglamah rorelna a awm lo", (כאשר יש דין למטה אין דין למעלה) tih a ni a, chuvangin, chung lam atanga thin harh na tura tawrhna rawn thawn thin chu a ngai ta lova, achhan chu keimahin ka in thin harh thin vang a ni.

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments