HAKHOKHMA Post Post New Entry

Mihring kan nih hun

Posted by Moshe Ilan on January 12, 2011 at 4:50 PM

            Naute hi Nu pumchhunga a awm hian engtik ni atang chiah hian nge Mihring a nih? 

 Kum zabi 19 na tawp lam ah chuan Scientist's te chuan, thil nung reng reng te hian kan thluakah 'khashmal' (electrict) a awm a, chu 'khashmal' chuan kan taksa peng hrang hranga thil thleng te reng reng hi chawp leh chilhin kan thluak hriatna 'khomer' (material) bawm ah chuan a thawn in a neitupa keimahni a 'baal ha bait' (a in neitu)  chuan kan lo hre ta vat vat zela, chumi awmzia chu 'Nung' kan ni tihna niin, kan nih phung mihring kan nihna min nih tir tu chu kan Thluak chu a nun a, a hna thawh tur ang a thawh hian mihring kan lo nita in, chu kan Thluak chuan hna a thawh loh chuan Thi kan lo ni a, Mihring kan ni lo ta tih na a ni, tiin an lo hmuchhuak tawh a.


    Amaherawh chu , chutianglam chhuitu te chuan engtik atang chiah hian nge chu mihring kan nihphung min nihtirtu Thluaka chu Thluak nung a nih a , Mihring te hi engtik ni a tang chiah hian nge 'Mihring ang' kan lo nih chu , an chhui an chhui a, chhui har tiin kum za zet hnu ah chuan hmanrua te tlema a han changkan chhoh zel takah chuan , Naute chu Nu pumchhung a a awm lai Bete mu tiat lek a nih lai te chu chhui thei ta in, kum zabi 20 na tawp lam ah chuan Prof' Deivid Liger , Central University of Washington a mi chuan ," a hun ni dik tak chiah leh a darkar chiah hre kilh kelh rih lo mah ila, Naute chuan Nu pumchhunga a awm tirh ata a ni 40 na vel atang hian a thluak chuan hna a thawk tan in , na pawh a hre tan vel chiah", tiin an chhui chhuah dan a lo sawi tawh a, chutiangin British Scientist's te pawh chuan ani 40 na vel tiin 'Hamoatsa lekheker ha Ubar' (Fetal Research Council) te chuan an lehkhabu ' New scientist' ah te chuan an lo chhuah veta uai uai a, chumi an thu chhuah avang chuan khawvel hmun hrang hrang ah te chuan Hmeichhe naupai ni 40 hnua titla chu tual that case a thubuai siam sak tur ten dan siam tura nawrna te a lo awm tan ta a. Tichuan chung hmuhchhuah thu chu pawm nghetta in khawvel mithiamte chuan chung scientist's ten kum zabi 20 na tawp lam chauhva an hmuh chhuah ang chu  pawm alo nita a.


     Amaherawh chu Juda te inzirhtir na dan atanga kan han thlir ve thung chuan, Khawvel siamtu chuan chutiang ang thil te tham hrilhfiah harsa chu hriat theihna thuruk a lo dah lo angem ni? I han enchhin fakauh te reng ang.

 

       Sawitawh angin, khawvel khawl changkang leh mithiamte chuan hmanni lawk kum zabi 20 na tawp lam a thil an hmuh chhuah ve te chu, chutah pawh a dik tak in an la in ring ngam ta lovin, ' bawr vel' chauhva an hmuh chhuah chu, Kan Rabi mithiamte chuan Mishna(Torah ka a inhlanchhawn) P-thian'in Moshe Rabeinu hnena ka a a lo hrilh, kum 2000 hma lama an lo ziah daih tawh ah chuan heti hian an lo ziak dim diam tawh a, " Hmeichhe naupai, a ni 40 na a titla chu , nau hring anga chhiar a ni lova , amaherawh chu , a ni 41 na ah a tih tlak chuan nau hring ang a ni a,"  chuvangin mipa a tih tlak chuan naute mipa hring anga rei a in thian ang a, chutiangin, naute chu hmeichhia a nih chuan Torah (Mosia lehkhabu 5) a kan hmuh angin naute hmeichhia hrin a in then hun ang leh a bawlhhlawh hun ang chu a chhiarin a in thian tur a ni, an lo ti dim diam tawh mai le, chu lo reng ah a Ivrit (Hebrew) hrim hrim atang pawh hian i lo en teh reng ang, Ivrit ah chuan Nu hi Em (אם ) tih a ni a, אם(Em) chu a Gimatria (hawrawp number tlukpui) kan lak chuan  א=1,מ=40 , a lo ni a, chumi chu han belh khawm chuan 41 a lo chhuak chiah mai le, a awmzia chu Hmeichhe naupai chu a naupai ni 41 na ah chiah Nu a lo ni tih na a nih chu, a ropui teh e, tawng thianghlim, Siamtu'n a zawlnei te abiakna tawng nge nge.

Categories: Judaism, Article, Hebrew

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments