HAKHOKHMA Post Post New Entry

Hming chungchang

Posted by Moshe Ilan on January 6, 2011 at 8:35 PM

     Motsaei Shabat (1/1/2011) ah HAKHOKHMA Channel ah ngaithla tute hnen atangin hming pakhat aia tam neih hi a tha em? tih zawhna zawh anih a, chu chu 'Or Menashe' ho nen sawi zauhna neih ani a, a bengvar thlak thei hle mai.

 

    Sefer Hamazalot al pi Khazal buah chuan heti hian a hrilhfiah a, hming hi phuah pawimawh angai hle a, achhanchu, kan hming hi kan Mazal (vanneihna) Address anih avangin, Van atanga Gzera (kan chungchanga rorelna thu) lo chhuak 'Mazal' chuan kan hming Address hmangin min rawn zawng chhuak thin a, chuvangin Hming pum (tluantling)a inkoh hi a tha a, chutilo chuan, koh duatna emaw, hming chanve emaw a kan inkoh chuan, kha Vanneihna 'Mazal' khan mi a rawn hai thei a, chuvangin kan Vanneihna tura thu reltluk lo tla pawh chu kan dawng lovin kan pumpelh phah thei a, hei vang tak hi a ni a, mi an lo damloh emaw pawhin an hming avanga Mazal/Gzera chu tihdanglam anih theihna turin damlo hmingte pawh chu an thlak hial thin reng a, amaherawhchu, hetia hming thlak hi, Beit Knesetah Sefer Torah hmaah 'Hakhraza' (puanzarna) neih tur ani .

 

     Tin, hming sei, hming pakhat aia tam chungchangah chuan, miin an pute hming daih lohna tur ten an mahni hming bakah an pute hmingte an chawi teltir thin a, thil tha chu nimahse, a hming pakhat zawk chauh emawa kan koh thin chuan a nun hun chhung a tih tawi phah tir thei ani an ti bawk.


    Tin, kan pate emaw nute hming ang nei thiante kan nei anih chuan an bulhnaiah chuan an hming chuan koh loh tur ani a, a lamtawi emaw kohduatna hming dangin kan ko tur ani, hei hi nu leh pate zahna (Kavod) tihchhiat loh nan a tih ani.

 

     Chutiangin, kan nu leh pate hming ang pu nupui/pasal kan neih chuan an hming chu thlak danglam emaw belh tur aniin, chumi a belhna emaw a hming dang chuan koh tawh tur ani, hei pawh hi nu leh pa 'Kavod' venhim nana tih ani.

 

     Engpawh nise, hming tluana koh har anih pawhin, Torah chhiara koh hun talin a hming tluan chu a hmang tur ani a, chutiangin, hneichhiate pawh, Brakha pek hunah an hmingtluan chu hman tur ani.


    Hming hi ram dang atanga lo pem thenkhat chuan an ram tawnga phuah hming kha thlak danglam kher lovin an chhawm thin a, Chutiangin, keini pawh kan in Giur veleh emaw Juda hming thar phuah sak kan ni thin a, heimi chungchangah hian ngaihdan tam tak a awm a, amaherawhchu, kan pi leh pute Mitsraim rama bawih a an awm lai pawha an Juda hming chu an thlak danglam loh avangin, Lalpa P-thian chuan a hriatreng phah anih kha, tin, P-thian'in a zawlnei te abiak nana a hman thin Juda tawng thianghlim ngei a hming put hi a ropuiin a nihlawh thak hrim hrim ani.

 

Categories: Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments