HAKHOKHMA Post Post New Entry

Rimawi leh Zai chungchang HALAKHA

Posted by Moshe Ilan on December 30, 2010 at 8:25 PM

    Tam tak chuan kan hre thawi ve hlawm ngeiin a rinawm a, tunlai hian Khawvel puma Rabi lian tak takte chuan 'Zamarei Khasidi' (Dati hla sa tu zaithiamte) kan tih hote chu an do hle a, heng hote hian an zaina hmunah hmeichhia leh mipa te hma a zai pawh pawi ti lovin vawi tam tak Rabi lian ten hetianga ti tawh lo tura thu an pek hnuah pawh ngai pawimawh duh lovin an tihluih zel avangin 'Israel mi thianghlim fate sual kawng zawh tir tute an ni,' tiin, an inlamlet loh chuan Olam Haba a chanvo nei ve lo tur hial hialin an chungthu an rel hlawm a, hetah hian engvangin nge heng Dati hla satute chungchang chauh hi an do bik kan tih chuan, Dati hla nilo chu sawi loha leng leh thianglo hulhual a hriatsa anih avang leh, heng Dati hla sa tute hian Dati hla an sak avang chuan thlarau lama mi chak lo te te te leh he a Halakha hre ve lo ten Dati hla te chu P-thian chawimawina hla alawm an lo tih palh theih mai thin avangin, Torah dana 'Mitdel hmaah a tlukna tur thil i dah tur ani lo' tih Mitsvah chu chu an bawhchhiat avangin an do em em ani.


     Mishna Brura buah ( סימן תקס' ג' ) ah chuan heti hian Sefardi Halakha siamtu Rabi Yosef Karo leh Ashkenaz Halakha siamtu Harama te chuan tihian an lo ziak a; "Hla sakna tura Rimawi tum theih tin reng te leh Hla chi ang reng reng te, hlimpui theih tura zai ri tichhuak thei ang reng rengte chu thiang lo ani a, tin, Lal te pawhin an din pah leh mut pah pawhin leh, Zu inna hmun ang reng rengah te pawh chuan thiang lo a ni a, heng hla leh rimawi ang chi reng rengte hi Khurban (Temple chhiat) avangin ngaihthlak a thiang lo ani.  'Bashir lo ishtu yain' tih anih angin Wine in chung leh lek phei chuan zai thiang ani lova, Amaherawhchu, monu leh mopa inah chuan sak thiang a ni a, Mitsvah thilah chuan. Tin, chutiangin, mi chuan a ka chu thu ho sawi nan leh fiamthu thawh nan he khawvela a awm chhung hian a a hmang tur a ni lo bawk." Tiin, Juda zawng zawngte hman tur Halakha chu khauh takin Halakha siam tute chuan an lo titlu ta ani.


    He Halakha chungchang hi in zirchian ve duh chuan a bu hi han keu ula, heti lai Halakha hi a hrilhfiah tu hrang hrangte chuan an sawi khauh hlawm khawp bawk tih in hmu thei ang.


    Keini Benei Menashe te hi kan hre theuhin zai ngaina hnam kan ni a, amaherawhchu, Juda te zawng zawng zawm tura Halakha siam tuten an lo siam tawh hnu lemah hian, hman ni lawka inhmuchhuak vete hian kan hnam dan alawm, zai ngaina hnam kan ni a, P-thian hla, Lengzem hla Ram ngaih hla tih vel chu Tingtang leh Khuang tein 'Menashe kan ni alawm kan hlim ang chu' kan la ti tlang tlang dawn zawk? Nge , he Halakha dan pawna indah hian 'Out Jewish Law' pawl kan din ve rup zawk mai dawn em ni ang?


    A dik, kan lo chin tawh thin a ni, sima kailawn thar kai a har, mahse, Lalpa kawng chu chovin bumboh mahse, ka duhnate hnawlin ama duh zawnga nung tur zawk kan lo ni.


    Kar tluanin zai chak em emin Lalpa hmingin insum teuh mah ila, zai theih ni Shabat lo thlen hunah zawng Shulkhan Shabat ah hrawk bawk khi phuk khawpa zaiah kan khek mai tur lah ni.

Categories: Judaism, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments