HAKHOKHMA Post Post New Entry

Parshat Shmot

Posted by Moshe Ilan on December 23, 2010 at 5:15 PM

     Parshat Shmot chu Torah bu hnihna ani a, "Ve'ele Shmot Benei Israel Habaim Mitsraima" (Tin, heng te hi Israel fate Mitsraim a kal te hming chu an ni.) tiin, a intan a, he thu hi kan Khakhamim te chuan ngun thluk deuhin an chhui chiang a, hetah hian tun hun sawina thumal 'Habaim' a hmang ani. a chhanchu, Israel fate chu kum 200 chuang hma lama Mitsraim rama an awm tawh pawh kha, mi ram anih miau avangin an ram leh an awm ngheh tawhna ang maiin Torah chuan nakin hun lola kal zel turah an la ngaih palh a hlauh avangin fimkhur takin tawng kauchheh awmze zir tham a lo zep ta a ni.


     Israel te chu Hnam ze phung (Culture) ngah em em hnam kan ni a, kan History reng rengah engemaw thil a thlen hlekin Kut ni atan ruat zel thin hnam kan ni a, chuvangin, Lalpa P-thian chuan ram pawn, mi rama kan awm lai a kan hnam tihdan ti a nakin hun lola kal tura heng Mitsraim rama kan awm laia kan tihdan ti a Kut nite Lalpa P-thian thupek si lova kan la ruat palh mai a hlauh avangin, Misraim ram ata min hruaichhuah nachhan pawh, chiang takin a lo sawi bawkin chungte chu hnam dangte tihdan ang kan lak loh avang zawk an lo ni a, heng thil pathumte avang hian Lalpa P-thian chuan a kut chak tak hmangin min lo hruaichhuak ta ani, Pakhatna- an Juda hming an thlak loh avangin, Pahnihna- an tawng an thlak loh avangin, Pathumna- an Juda thawmhnaw an thlak danglam loh avangin.(Brit Mila an cancel loh avangin tih a ni bawk) . a ni a.



     Heti khawp hian Lalpa P-thian chuan kan Juda nihna zahpui lova hun harsa leh hreawm tawp khawk kan tawrh lai pawh a kan lanchhuah tir hram hram chu min khawngaihin, a khawngaihna kut chak tak hmang chuan Sal nihna lak ata mi ram atangin kan pute hnena ram alo pek ramah chuan min hruailut ta a ni.


    Ani taka, he Judaism lungphum rinawm pathum te , Kan Tawng, Kan Thawmhnaw hak leh, kan Hming te hi kan vawn tlat avangin kan dinhmun hniam lai ber pawha min hriat reng sak leh amah Lalpa P-thian tilawm tu chu ni.


     He thu chang ropui zia han zir chian hian kan Benei Menashe upa thenkhatte , an ni zara he thuthlung dik hmu ve leh, an zar liau liauva Ramtiam a hruailuh ve ni hian an rinna thuk leh tumruhna ropuizia kha min hmuhchhuah thar tir chiang kher mai, "tunah chuan bo kan ni tawh lova, kan inhmuchhuak tawh a, chuvangin kan hming pawh Juda hming vek kan pu tur niin, kan hnam hming chu Menashe hnam ani a, mahse, 'Shem Mishpakha' (Chhungkaw hming) tih anih angin, heng kan chhungkaw hming thleng hian Juda hming (Lalpa P-thian hriatreng nihna) chu kan pu ngei tur ani " an tihte, "Heng Juda thawmhnaw dik tak inbel avang hian Lalpa P-thian chuan Ram bawlhhlawh ata a hruai lut reng lovem ni? Ti a, Purim ni takngial pawhin Hnam dangte thawmhnaw chei ran chi hrang hrang Judaism nena inlaichinna awm miah lo, an lo hak duh loh te, He Juda te tawng ngei hi Lalpa P-thian in a hriatreng nachhan kha ani lawm ni? Ti a, ka tawng hman lai thiam sa zawng zawng hi, Aw…. Ivrit in min han thlak sak Vek mai se aw… an lo tih vawng vawng thin te kha, an lo va ngaihsan awm tak em. Tunlai thangtharte hian an ni anga zirna pawh neive lo rinna ne pawh kha kan phak zo dawn em ni le? Khatiang thu Lungphum (Yesod) ropui an sawichhuah laite khan an ka atanga chhuak thu ropui kha a awmze thuk an lo hre ve reng angem le?


Ngaihthlakna 1-3

Ngaihthlakna 2-3

Ngaihthlakna 3-3

Categories: Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments