HAKHOKHMA Post Post New Entry

HALAKHA LEH MINHAGIM SAWIFIAHNA -30

Posted by Sport on December 17, 2010 at 8:57 AM

by - Rav Yehuda Gin.

Q. Torah in ei tur a khàpte hi lo ei ta ila, taksa in nge tuar anaga thlarau zawkin ?

A.   Rabbi ropui leh a hunlaia rau rau a doctor lar tak, Rambam sawidan chuan ei thianglo ei hi taksa tana harsatna thlentu a ni, tiin a sawi a; chutih mêk lai chuan Rabbi ropui leh doctor lar tak ve tho, Ramban erawh chuan ei thianglo ei hian taksa hriselna mai nilovin thlarau hriselna atan pawha chhiatna thlentu a ni, tiin a tarlang ve thung a ni. He hrilhfiahna thu inchhuh hi ngun taka kan ngaihtuah chuan Rambam pawhin ei thianglo ei hi thlarau hriselna tichhetu tih hi a pawm tho a rinawm a; entirnan : tunlai mithiamte hmuchhuah danin vawksa hi hriselna atana \halo, niin an sawi a, hei hi Torah in ei thianglo a tarlan hi hriselna atan pawha thil thalo a nihzia a sawifiah awm  (Yahadut halakha lemaaseh).

      Mitzvoth hrang hranga “Khukim” hi kan hriatreng a tha a, Torah chuan mihring tisa leh thlarau a ngaih pawimawh ve ve avangin kan Rabbi pahnihte thu pawh hi an thutùm atang chuan an dik ve ve niin ka hria a, tin, Torah thianghlim leh P-thian thawkkhum thuril chuan tisa thil a ngaihpawimawh rual hian, mihring nihna bulpui chu thlarau thil tho tho a ni. Torah hian mihring tisa nihphung pawimawh zia hi a hmuh kân hauh lova, kan sakhaw mithianghlimte chuan mihrinnaah hian thlarau hi a hnùk a ni a, taksa erawhchu thlarau tàna inthuamna leh hnuaihnung zawk niin an sawi thin.

Kabbalist Rabbi ropui tak, Ramkhal thuziak (Messilat Yesharim) pawhin Torah in ei thianglo a tih ei hian mihring a ti bawlhlawh a, thlarau lam thilah a tih ngàwng phah thin, tiin hrilhfiahna a chhawpchhuak bawk a ni. Inthlahrung takin hmáwr han bawk dawn ila, Torah in ei a khap thilte hi a then chu taksa tana thalo a awm rualin a \hen chu thlarau tâna thalo a awm thei a, tin, a thente (eithiang zawng zawng pawh a ni thei) chu taksa leh thlarau chhiatna thlentu an ni tih hi tuman kan hrelo a ni.

Shavei Bulletin December, 2010/ Tevet 5771- Vol. 5 - No. 292

*Halakha leh Minhagim sawifiahna - 32

 


 

 

 

 

 

 

 


Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments