HAKHOKHMA Post Post New Entry

Damlo leh Doctor

Posted by Moshe Ilan on December 17, 2010 at 3:10 AM

     Tunkar kan Parsha ah Kan pu Yakov-a damlo chu a fapa Yosefa'n a kan thu chungchang vel chhiar ani a, hetia Yosefa'n apa a kan hian, Yakov-a damlo khum beta na chu a rawn thu chhuak tih thu kan hria a, hei tak hi ani kan Khakhamim ten an lo sawi damlo kan kan hian a damloh na lak ata hmun 60 hmun khat kan chhawk thei an lo tih angin, damlo te kan kan hian damlo tidam tu doctor tenau chikhat kan lo ni tihna alo ni.

 

      Tunkar ah pawh hian damlo leh a tidam tu chungchang i han zir dawn teh ang u hmiang.

 

1.Mi, dam leh hrisel reng pawhin damlohna lak ata khawngaihna leh zahngaihna a dil fo tur ani.

 

2.Kan in a damlo an awm chuan, a dam theihna tur dilin Khakham hnenah kan kal tur ani. tin, a dam theihna turin Tsedaka te kan pe bawk tur ani, achhanchu, Tsedaka,Tfila leh Tshuva te chuan kan chunga rorel tawhsa a sut let theih tir avangin.

 

3.Damlo damna tur dilin Beit Kneset ah te chuan Tawngtai bawk tur ani.

 

4.Damlo hming chu thlak thin ani bawk.

 

5.'Verapo ierape' tih anih angin, Torah chuan Doctor te hnenah damlo te tihdamna thu a pe a, chuvangin, damlo chuan a loh thlawnin 'nes' thil tihmak a beisei tur ani lova, chute anih avangin, khawvel dana domlo te tihdam anih thin angin, doctor te a rawn bawk tur ani. a damloh lai pawh a doctor te rawn duh lova thil tihmak beisei tu chuan, thil thalo chi hnih a ti a ni, a pakhatna chu, a nunna atana hlauhthawnawma a awm laiin thil tihmak 'nes' a beisei, hei hian a chungthu vana an rel mek hunah a thil lo tihsual tawhte a phawrh lan tir thei. Tin, a pahnihnaah chuan, amah chu fela ainngaihna chapona avangin van atanga thil tihmak 'nes' a chunga lo thleng turin phua a inhriatna avangin a beisei a, chu chu sual lian tak ani.

 

      Amaherawhchu, doctor te a pan avangin a rinna zawng zawng chu doctor te hnenah a pe tur ani lova, a chunga doctor te an hlawhtlin theihna turin P-thian ah a rinna chu a tinghet zawkin a hnenah an hlawhtlin theihna turin a dil zawk tur ani.

 

6.Doctor chuan damlo chu tihdam tumin a en tur a ni a, engemaw vanga damlo chu a en duhlo anih chuan amah chu, thisen chhuah tu nihna ani. engle khawle amah doctor chu chu damlo entur chuan amah chauh emaw a awm chuan, a en ngei tur a ni a, a thiamna lam thil kher anih loh pawhin, a chhanchu, ama chungah chuan chunglam atangin tihdamna an lo pe mial mai thei a, amaherawhchu, a aia thiam leh a entu tur diktak an awm chuan, alo en khalh tur ani lo, a lo en khalh chuan amah chu thisen chhuah tu nihna ani. Refua Shelema lekhol hakholim.

Categories: Judaism, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments