HAKHOKHMA Post Post New Entry

Din Kdima Bivrakhot

Posted by Moshe Ilan on December 10, 2010 at 12:05 AM

(Brakha sawi hmasak dan tur)

       a ziak kan hmuh angin   קשע"ה סימן נה'


1.  Kan hmaah thei chi hrang hrang a awm ta a, a chi tinte chu kan ei duh anih a, a Brakhot hote chu a inang tlang anih chuan, ka ei chak leh duh ber chu ka ei hmasa thei ang. Amaherawhchu, chung zinga thei chi hnih emawte chu ka ei chak dan a inan chuan chung zingah chuan Israel ram thei bik (Shivat Haminim) ami a awm chuan, chu chu Brakha sawiin tlem tal ka ei phawt anga, chumi hnuah ka eichak hote chu a pum pawhin ka ei thei ang. Tin, chung zingah chuan Israel ram thei bik ang chi chu a awm lo anih chuan, ka thei eichak chi hnih zinga a pum tha leh hmel hem lo chu Brakha sawi nan ka thlang zawk phawt tur ani. Tin, ka thei ei chak chi hnihte chu an Brakha a inan loh chuan, a pakhat zawk chu "Haets" tin, a pakhat zawk chu "Haadama" a nih chuan, a pakhat zawk zawk chu Brakha sawiin ka ei hmasa thei a, tin, a pahnihna ka ei leh dawnah a pakhat zawk Brakha chu ka sawi leh bawk tur ani. Tin, a pakhat zawk chu Israel ram thei bik ani a, mahse, a phel anih pawhin chu chu Brakha sawi a ei hmasak zawk tur ani a, tin, Israel ram thei ni lo ve ve se, a phel emaw a khem emaw ve ve an nih chuan, "Haets" chu sawi hmasak zawk tur ani.

 

2.   Kan thei ei tur chu Israel ram thei bik vek an nih chuan, hei hi a ei hmasak dan indawt tur chu ani; Yain, Zait, Tamar, Anavim, Teena, Rimon.

 

3. Kan hma a kan thil ei turah chuan thil chi thum lo awm ta se, pakhat chu "Haets", a pahnihna chu "Haadama" tin, a pathumna chu "Shehakol" . Chung zingah chuan, "Haets" leh "Haadama" chu ka ei hmasa phawt tur a nia, he mite hi thei chi hnih a hran ve ve a Brakha sawi ngai an ni a, chung eitur zingah chuan "Shehakol" chu ka ei duh ber anih pawhin, chung ka ei hnuah chauh chuan "Shehakol" chu ka sawi in ka ei thei ang.

 

4.  Birkat "Bore minei mezonot" chu Yain Brakha "Hagefen" ai pawhin ka sawi hmasa tur ani a, amaherawhchu, Lekhem Brakha "Hamotsi" chu chung ho zawng zawng ai pawh chuan ka sawi hmasa ber tur ani.

          "Mezonot" hi Buh lam chi chi 5 te ei dawn Brakha ani a, chutah chuan 'Orez'(buhfai) hi a tel ve loh avangin, a Brakha ah "Mezonot" hmang mah ila, Yain Brakha "Hagefen" chu sawi hmasak zawk tur ani.

Chutiangin, "Mezonot" leh "Hamotsi" chu Yain Brakha aia sawi hmasak zawk tur anih avangin, Shabat leh Yom Tov ah chaw ei dawnin 'Kidush' hman phawt angai si a, 'Kidush' tih nan chuan Yain hman angaih si avangin, 'Kidush' hman lai a, Yain Brakha "Hagefen" kan sawi laiin, 'Hamotsi' (Lekhem) emaw, 'Mezonot' (Uga) chu khuh bo ngei tur ani. Labriut.

Categories: Kashrut, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments