HAKHOKHMA Post Post New Entry

Tsom Asara Betevet

Posted by Moshe Ilan on December 9, 2010 at 5:25 PM

    Temple chhiatna 'Khurban Habait' denchhen leh hriatrengna atan kum khat chhung in ni li chawnghei ni ruat ani a, chungtechu; Asara Betevet, Shiva-Asar Betamuz, Tisha Beav leh Tsom Gedalia te an ni a.


    Tsom Tevet chu Tevet thla ni 10 ni ani a, hei hi Bavel Lal Nevukhadnetsera'n Yerushalaim khawpui a hual beh tanna ni a ni. Tin, heti hi ani a, a Lal kum kuana, a thla sawmna, chumi thla a a ni sawmna ah chuan Nevukhadnetser-a Bavel Lal chu amah leh a Sipai zawng zawngte nen Yerushalaim hualbetin a rawn kal a, hetih hunlai hi Tsidkiahu Lal lai ani, tichuan, Yerushalaim chu kum khat leh a chanve lai mai chu an hual bet a, Tamuz thla ni 17 ah chuah chuan Yerushalaim kulh bang chu an rawn su tlang thei a, tichuan chuta tanga a kar thumna chawhnu her Av thla ni 9 ni chuan Temple hmun Beit Hamikdash chu an rawn hal kang ta a ni. Tichuan, chuta tang chuan Israel te thinlung ber leh an chhinchhiahna , an zalenna, an hmun thianghlim leh an hlim nite chu a lo tawp tain, ram pawna hnawh darh an lo ni tan ta a ni.

 

    Israel hnam pum chaw nghei nite hi Temple hun laia Zawlneite lo siam aniin, Tehilim 137 naah chuan heng chawnghei ni awmna chhan Beit Hamikdash tihchhiat anih nachhan te chu hlain an lo hril a, "Bavel lui kamahte chuan, chutah chuan kan thuin Tsion kan ngaihtuah changte chuan kan tap bawk thin a..." tiin. He Tehilim ah hian Israel chawnghei nite Halakha leh an hreawm zia te chu a tar lang chiang em em a ni.

 

    Tevet thla ni 10 ni hian zing ni chhuah hma minute 72 (Alot Hashakhar) atangin, Arsi lan leh thlengin chaw nghei thin a ni a. Asara Betevet hi Erev Shabat a atlak chuan, "Beetsem Hayom Haze" tih anih angin sawn danglam kher lovin ani (Yom Shishi) chuan chaw nghei thin a ni a, Zing Shakharit ah chuan Asara Betevet ni a chhiar bik thin 'Slikhot' chu chhiar thin a ni a, tin, 'Avinu Malkeinu' pawh chhiar tel thin a ni .

 

     Asara Betevet chuan Shakharit ah leh Minkha ah Torah chhiar thin a ni a, tichuan mi 3 in chhiarin, hetah hian Moshe Rabeinu in Am Israel ten Rangkachaka siam Se bawng no lim 'Egel Hazahav' an lo biak tak na avanga ngaihdam a dilna bung leh chang chu chhiar thin a ni. Tin, Minkha ah Haftara chhiar thin a ni a, hetah hian Ishaia ziak ami chhiar thin a ni bawk. Tin, Shakharit ah Amida tawngtai laiin Khazan chuan 'Aneinu' a chhiar tel anga, tin, Minkha ah chuan mipui te pawhin 'Aneinu' chu an sawi tel ve tur ani.

 

    Tin, hemi Asara Betevet ni hi, Nazi Sipai ten Indopui II hun lai a Juda te an tihduhdah laia mi chinchang hriat lohva thi leh bote hriatrengna niah Rabanut chuan puangin hemi ni hi 'Yom Hakadish Haklali' ah puangin, hemi ni hian heng chinchang hriat lohva thite thlarau tan Ner Neshama te chhiin, an thlarau Ilui Neshama nan Mishna te an zir bawk thin.

--------------------------


CHAWNGHEI TE NAU, TSOM ASARA BETEVET


    Tsom Asara Betevet (Tevet Thla ni 10 na chawnghei) ni hi a Pshat atanga kan hmuh chuan Temple 1 na chhiatna tura Jerusalem khawpui hual beh tanna ni anih avangin a hriatrengna leh a sunna ni atan Chaw kan nghei ta thin a ni, tiin kan hre thin.


    Mahse, hei hi kan chhut chiang tawh emaw chu, a tunlai tawng takah chuan chumi khami ni chuan thenawm hmelma ram ten Israel lam hawi zawnga Missile an hun ni, ti ta ila, a danglam lutuk viau lo maithei a ni. Mahse, chumi ni chu chaw nghei ni ah kan puang ve kher thin em?


    Anih loh leh, Temple 1 na chhiatna tura Jerusalem khawpui hualbeh ni a chaw kan nghei anih si chuan, eng vangin nge Temple 2 na chhiatna tura Jerusalem hual beh ni Nisan thla ni 22 na chu Chawnghei ni ah kan ruat ve leh si loh le?


    Tuna kan sawi tum hi keini ho zingah mi tam tak ten Juda chawnghei ni thenkhat te chu "Chawnghei te nau" tiin kan sawi thin a, hetia inhrilhna hian mite thinlung ah chumi chawnghei ni chu ngaihnepna leh chawnghei kher ngai hran lovah kan ruat phah thin a ni.


    Hei hi kan ngaihtuah chian a ngai khawp mai, chawnghei ni hian te bik emaw, nep bik a awm chuang lova, hnampum huapa kan Khakhamim ten chaw nghei nia an lo ruat anih chuan chhan lian tak a awm avanga an lo ruat ani tih hi kan hre thelh tur ani lo, chumi anih avang chuan kan chawnghei nachhan te kan hriata kan zir chian fo chu a tul a ni.


     Mi thenkhat ten Chawngei te nau tia an lo koh nachhan nia ka rin chu, zing atanga zan arsi lan thlenga chawnghei tawi (Yom Kipur leh Tisha Beav ang ni lo) anih avang mai chauh anih ka ring a, mahse, chawnghei ni hrang hrang hote hian awmze thuk tak tak chaw nghei nachhan ril tak tak an nei hlawm a ni.


    Asara Betevet (Tevet ni10) hi Nevukhadnetser an a sipai zawng zawng te khawma Jerusalem a hual beh tanna ni chu ani nameuh mai a, mahse, hemi ni hian Lalpa P-thian chuan a Vantirhkoh te hmaah ro relin 'Beit Hamikdash' (Temple) chu tihchhiat tur anih leh nih loh chungchang thu a rel a, tichuan, tihchhiat tur, tiin a rel thluk ni anih vang zawk ani.


    Chawnghei  ni dang ho te nen lo tehkhin ta ila, a hmasa berah Yom Kipur ni hi chuan chaw nghei thin mah ila, ni chhia anga ngaih ani lovin, Kut ni ropui Tlanna ni anih avangin, hei hi chu Torah dan zul zuiin Yom Tov (Kut ni) zingah lo chhiar ta ila, mahse, ropui hmel deuh Tisha Beav (Av ni 9) chawnghei te pawh a awm, tlai atanga a tuk tlai thlengin chaw nghei ani a, mahse, he ni Tisha Beav pawh hi Chawnghei ni dang ang thovin Shabat ni emaw, Yom Shishi (Zirtawp ni) a a tlak chuan ni dang ah sawn mai thin a ni.


    Amaherawhchu, Asara Betevet hi chu Shabat ni ah tla se chuan Shabat ni ah pawh chaw nghei hmiah mai tur ani a, tin, Yom Shishi ah pawh tla se, sawn a thiang lovin chumi ni chuan chawnghei hnan hmiah mai tur a ni. Mahse, kan Calendar siam tu Hilel Hazaken chuan he Asara Betevet ni hi Shabat nia tla ngai miah lo turin a lo siam a, chuvang chuan Shabat niah a tla thei lo mai chauh ta a ni.


    Chuti khawpa khirhkhan Shabat ni ah pawh tla ta se, chaw nghei hnan tho tur ang khawpa chawnghei ni kulmut chu eng vang nge ni chiah ang le?


     Hei hi a ni, sawi tak ang khian, hemi ni hian Lalpa P-thian chuan ro relin Temple tihchhiat tur thu a tihtluk ni ani kan ti tawh a, hei mai ai pawh a tunlai ah pawh a namai lo ani tih tichiang tu chu, hemi ni Tevet thla ni 10 ni hian kumtinin Lalpa P-thian chuan a Vantirhkoh te hmaah ro relin Temple 3 na sak theih ani tawh em? tih chu a rel ni ani leh a, tichuan, hemi ni hian Lalpa P-thian chuan ami Israel te chu a rorelna hma atangin rawn thlirin Temple thar nei tlak an ni tawh em? tia min rawn chik ni ani a, kan zinga rawn tel ve a duh tawhin a IN rawn sak leh na tur a rawn thlitlai vel lai chuan, keini lei lama a hnam thlan, a hmangaih a fate chuan min siamtu ni ngaih pawimawh ber te zinga mi 'Tsom Asara Betevet' chu zawm loh chhan chhuanlam atan CHAWNGHEI TE NAU tiin, kan lo koh sak ta mai mai si a.


   Chungnung bera chuan kan zinga in rawn sak na tlak ah min ngaih kan inring em? Kan zinga a rawn tel ve na tur thulh tir leh tu kan ni thei mai ang em le?




Categories: Taaniot, Chawnghei, Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments